Thursday, October 29, 2009

ഓടിക്കുഴിക്ക് കുറുക്കന്‍ സാക്ഷി !!!!!!

ശ്രീ വെള്ളാപ്പള്ളി ഗുരു പറഞ്ഞ പോലെ ആര്‍ക്കും താല്പര്യം ഇല്ലാത്ത ഒരു ഉപ തിരഞ്ഞെടുപ്പ് കൂടി .ആര് ജയിച്ചാലും തോറ്റാലും ഒരു ചുക്കും സംഭവിക്കാന്‍ പോകുന്നില്ല എന്ന അവസ്ഥ . പണിയില്ലാത്ത ഒരു കേന്ദ്ര മന്ത്രി കേരളത്തില്‍ വന്നു ഒരു കല്ലെക്ടരെ അധിക്ഷേപിക്കുക ,സ്ഥലം MP ഉദ്യോഗസ്ഥന്‍ മാരെ കയ്യേറ്റം ചെയ്യാന്‍ ശ്രമിക്കുക തുടങ്ങിയ കലാപരിപാടികള്‍ .
കേരളത്തില്‍ വലതു ഭരിച്ചാലും ഇടതു ഭരിച്ചാലും ഒരു വ്യത്യാസവും ഇല്ലാത്ത അവസ്ഥ .കേന്ദ്രം ഇന്ത്യ മൊത്തത്തില്‍ വിദേശ കുത്തകള്‍ക്ക്‌ വില്‍ക്കാന്‍ തയ്യാറായി തറ്റും ഉടുത്തു നില്‍ക്കുന്നു. കേരളത്തില്‍ കണ്ടല്‍ കാടുകളും ജൈവ വൈവിധ്യവും നാടന്‍ കുത്തകള്‍ക്ക്‌ വിറ്റു തുലക്കാന്‍ മുഖത്ത് പൌഡറും പൂശി നില്‍ക്കുന്ന വ്യവസായ മന്ത്രി .'തെങ്ങിന്റെ മണ്ടക്ക് വ്യവസായം വളരാന്‍ പറ്റുമോ '? എന്ന ചോദ്യം .
ഇത് പോലെ മലയാളി വിഷമ വൃത്തത്തില്‍ ആയ മറ്റൊരു കാലം ഉണ്ടോ എന്ന് സംശയം . പെട്ടെന്ന് ഖദര്‍ കുപ്പയത്തിലേക്ക് മാറിയതിന്റെ അസ്കിത മാറാത്ത അഴകുഴംബന്‍ അത്ഭുത കുട്ടി ഒരു വശത്ത് ,എതിര്‍വശത്ത് തടിമിടുക്ക്‌ കൊണ്ട് എല്ലാം നേടാം എന്ന് ഗര്‍വുള്ള ഒരു സഖാവും .
പോരെ മലയാളിക്ക് സന്തോഷിക്കാന്‍ .
ആസിയാന്‍ കരാറും , Bt വഴുതനങ്ങയും എന്താണെന്ന് അറിയാത്ത പാവം ജനം . തല വല്ലവെന്റെയും കക്ഷത്തില്‍ ആയി കഴിഞ്ഞേ കാര്യം മനസ്സിലാകു . എന്നിട്ട് കൈയും കാലും അടിച്ചിട്ട് എന്ത് കാര്യം .
മറ്റെല്ലാ കാര്യങ്ങളിലും നമുക്ക് തിരഞ്ഞെടുക്കാന്‍ നിരവധി .

Monday, October 12, 2009

യുദ്ധവും സമാധാനവും .

ലോകപോലീസിനു സമാധാനത്തിനുള്ള നോബല്‍ സമ്മാനം. എത്ര തലകുത്തി നിന്ന് ആലോചിച്ചിട്ടും പിടികിട്ടാത്ത ഒരു കാര്യം .പോലീസും സമാധാനവും ആയിട്ട് എന്ത് ബന്ധം . അല്‍പ ബുദ്ധികള് അല്ലെ പിന്നെന്തു മനസ്സിലാക്കാന്‍ എന്നാവും ഉത്തരം . ആരോ പറഞ്ഞ പോലെ മിശേല്ലിനു ലോക സുന്ദരി പട്ടം കൂടി കിട്ടിയാല്‍ കാര്യം പൂര്‍ണമായി.
സമാധാനത്തിന് വേണ്ടി തന്റെ ജീവിതവും മനസ്സും അര്‍പിച്ച മഹാത്മാ ഗാന്ധിക്ക് മൂന്നു പ്രാവശ്യവും കിട്ടാതെ പോയ സമ്മാനം അമേരിക്കന്‍ പ്രസിഡന്റിന് പൂ ബിസ്കട് പോലെ കിട്ടുന്നു. കലികാല വൈഭവം .അല്ലാതെ എന്ത് പറയാന്‍ . രണ്ടു കയ്യും നീട്ടി ഉപഹാരം സ്വീകരിക്കാന്‍ ഒബാമ ചേട്ടന് ഒരു ഉളുപ്പും ഇല്ലായിരുന്നു എന്നതും എടുത്തു പറഞ്ഞെ പറ്റു.
അമേരിക്ക ആര് ഭരിച്ചാലും നയപരമായ കാര്യങ്ങളില്‍ വലിയ വ്യതിയാനം ഉണ്ടാകാറില്ല എന്നത് കൊണ്ട് ഒബാമ സമാധാന ശ്രമങ്ങള്‍ക്ക് ആക്കം കൂട്ടി എന്ന് വിശ്വസിക്കാനും ആകുന്നില്ല.നമ്മള്‍ വ്യാകുല പെട്ടിട്ട് കാര്യമില്ല എന്ന് സമാധാനിക്കാം. അങ്ങനയെ കാര്യങ്ങള്‍ നടക്കു . ലോകമെമ്പാടും പ്രതിഷേധത്തിന്റെ അലയടികള്‍ ഉണ്ടായി .അമേരിക്കകാര്‍ ഉള്‍പ്പെടെ ഉള്ളവര്‍ പ്രതിഷേധം അറിയിച്ചു . ആര് കേള്‍ക്കാന്‍ .ഏതായാലും 2009 ലെ ഏറ്റവും വലിയ തമാശ ആയി നോബല്‍ സമ്മാനം . പിരിമുറുക്കത്തിന്റെ ഈ കാലത്ത് ഉള്ളു തുറന്നു ചിരിക്കാന്‍ വകയായി എന്ന് സമാധാനിക്കാം . സമധാനം നീണാള്‍ വാഴട്ടെ !











Sunday, August 9, 2009

Twitter.

കുറച്ചു നാളായി ട്വിട്ടെരില്‍ ആയിരുന്നു .വളരെ നല്ല അപ്ലിക്കേഷന്‍. ഇനിയും ബ്ലോഗ്ഗെരിലേക്ക് തിരിച്ചു വരാന്‍ സാധിക്കുമെന്ന് തോന്നുന്നില്ല . ഇത്രയും നാള്‍ സഹകരിച്ച എല്ലാവര്‍ക്കും നന്ദി .

Sunday, July 12, 2009

ഗുമസ്ഥന്മാര്‍ നമുക്കു ഇനിയും വേണോ ?

പാരലല്‍ കോളേജുകള്‍ കൂണുകള്‍ പോലെ പൊട്ടി മുളച്ചിരുന്ന ഒരു കാലം ഉണ്ടായിരിന്നു‌ .ഇപ്പോള്‍
സ്ഥാനം സര്‍വകലാശാലകള്‍ കയ്യടക്കി കൊണ്ടിരിക്കുന്നു . ഓരോ ജില്ലയിലും രണ്ടോ മൂന്നോ
സര്‍വകലാശാലകള്‍ എന്ന അവസ്ഥ . സംസ്ഥാനത്തിന്റെ വക മലയാളം .മെഡിക്കല്‍ ,സാങ്കേതിക
സര്‍വകലാശാലകള്‍ . കേന്ദ്രത്തിന്റെ വക അലിഗഡ് സര്‍വകലാശാല .മലയാളിയുടെ മനസ്സു
നിറയാന്‍ ഇതില്‍ കൂടുതല്‍ എന്ത് വേണം . സര്‍വകലാശാലകളുടെ എണ്ണം പെരുകിയാല്‍ ഉന്നത
വിദ്യാഭ്യാസ നിലവാരം മെച്ചപ്പെടുമോ ? ഒരു സംശയം . യു ജി സി യില്‍ നിന്നും കിട്ടുന്ന ഗ്രാന്റ് പോലും
ശരിയായ രീതിയില്‍ ഉപയോഗിക്കാന്‍ നിലവിലുള്ള യുനിവേര്സിടി കള്‍ക്ക് കഴിയുന്നില്ല . ഒരു സംസ്കൃത
സര്‍വകലാശാല ഉണ്ടാക്കിയിട്ട് അതിന്റെ ഗതി എന്തായി . നമ്മുടെ സര്‍വകലാശാലകള്‍ ഗവേഷണ
രംഗത്ത് എത്ര മുന്നേറിയിട്ടുണ്ട് .
ഒരു ഐ ഐ ടി കേരളത്തിന് വേണമെന്നു യാചിക്കാന്‍ തുടങ്ങിയിട്ട് എത്ര നാളായി . പകരം പ്രവാസി
സര്‍വകലാശാലയുടെ വാഗ്ദാനം . ഇങ്ങനെ ആണ് കാര്യങ്ങളുടെ പോക്ക് . വിരലില്‍ എണ്ണാന്‍ കഴിയുന്ന
സ്ഥാപനങ്ങള്‍ ഒഴിച്ചാല്‍ ഉന്നത നിലവാരം പുലര്‍ത്തുന്ന എത്ര ഗവേഷണ സ്ഥാപനങ്ങള്‍ നമുക്കുണ്ട് .
കേരളത്തിനെക്കാളും ഭൌതിക സാഹചര്യങ്ങള്‍ മോശമായ എത്രയോ സംസ്ഥാനങ്ങളില്‍ ലോകോത്തര ഗവേഷണ സ്ഥാപനങ്ങള്‍ സ്തുത്യര്‍ഹമായ സേവനം നടത്തുന്നു .
നമുക്കു തൊടുന്നതെല്ലാം" പൊന്നാക്കുന്ന" വിദ്യാഭ്യാസ മന്ത്രി ഉണ്ടല്ലോ . പ്രസംഗം നിര്‍ത്തി പ്രവര്‍ത്തിക്കാന്‍ ഉള്ള കാലം അതിക്രമിച്ചു . അല്ലെങ്കില്‍ നമ്മുടെ കുട്ടികളുടെ ഭാവി അധോഗതി .

Tuesday, July 7, 2009

കുട.

മഴ മഴ
കുട കുട.
കുട വേണ്ടാ മഴ
കല പില .

Sunday, July 5, 2009

വണ്ടി വണ്ടി നിന്നെ പ്പോലെ ................

മമത കേരളത്തിനോട് മമത കാണിച്ചു എന്ന് ചമത്കാര ഭാഷയില്‍ പറയാമെങ്കിലും ബജെട്ടില് നമുക്കു എന്ത് കിട്ടി എന്ന് പരിശോധിക്കുന്നത് നന്നായിരിക്കും .ശരിയാണ് നാല്‍പ്പതു അമ്പതു മേല്‍പ്പാലങ്ങള്‍ കിട്ടി പോരാത്തതിന് നാലഞ്ചു ദീര്‍ഘ ദൂര വണ്ടികളും . പക്ഷെ ഈ വണ്ടികള്‍ എവിടെ ഓടിക്കും .ഉള്ള വണ്ടി തന്നെ സമയത്തിനു ഓടിക്കാന്‍ സാധിക്കുന്നില്ല പിന്നല്ലേ പുതിയത് . പാത ഇരട്ടിപ്പിക്കാതെ ഇനിയും കേരളത്തിന് മുമ്പോട്ടു പോകാന്‍ കഴിയില്ല .പാത ഇരട്ടിപ്പിക്കലിന് മാറ്റി വച്ച തുക കണ്ടാല്‍ നമുക്കു കാര്യംപിടികിട്ടും . കുറച്ചു നാളായി നമ്മള്‍ ഒരു റെയില്‍വേ സോണിനു വേണ്ടി മുറവിളി കൂട്ടുന്നു .ഈ പ്രാവശ്യവും അതിനെ കുറിച്ചു ഒരക്ഷരം മിണ്ടിയിട്ടില്ല . പിന്നെ വാഗണ്‍ ഫാക്ടറി .
അഹമ്മദ്‌ സാഹിബ്‌ സഹ മന്ത്രി ആയപ്പോള്‍ ഇവിടെ എല്ലാം ശരിയായി എന്ന് പത്രങ്ങള്‍ എല്ലാം എഴുതി.
സ്വതന്ത്ര ചുമതല ഇല്ലാത്ത സഹ മന്ത്രി വെറും പി എ മാത്ര മാണെന്ന് അന്നേ ആരോ പറഞ്ഞിരുന്നു .
പിന്നെ മമത സാഹിബിനു അധികാരങ്ങള്‍ നല്‍കാന്‍ മടിക്കുന്നു എന്ന് അന്നേ പത്ര വാര്‍ത്ത ഉണ്ടായിരുന്നു . ഏതായാലും കേരളത്തിന് കൊണ്ഗ്രെസ്സ്കാര്‍ പ്രചരിപ്പിക്കുന്ന പോലെ പ്രത്യേക പരിഗണന ഒന്നും കിട്ടിയിട്ടില്ല . മമത സ്വന്തം നാടിനു നല്കിയ പാരിതോഷങ്ങള്‍ ഇതിന്റെ കൂടെ ചേര്‍ത്ത് വായിക്കുക .
കഴിഞ്ഞ സാമ്പത്തിക വര്‍ഷം കേരളത്തില്‍ നിന്നും റെയില്‍വേക്ക് കിട്ടിയത് 1230 കോടി രൂപ .
ബജറ്റില്‍ കേരളത്തിലെ വികസന പ്രവര്‍ത്തനങ്ങള്‍ക്ക് മാറ്റി വച്ചിരിക്കുന്നത് വെറും 300 കോടി രൂപ .
ഈ അനുപാതം കണ്ടിട്ടും കേരളത്തിനു പ്രതീക്ഷ നല്കുന്ന ബജറ്റ് എന്ന് വായ്ത്താരി ഇടുന്ന ആളുകളെ
സമ്മതിക്കണം .

Sunday, June 28, 2009

നമ്മുടെ ഭാവി .

നമ്മുടെ വീടുകള്‍ ഓരോ പവര്‍ ഹൌസ് ആകുക ,നമുക്കു ആവശ്യ മുള്ള ഊര്ജത്തിന്റെ ഭൂരിഭാഗവും
നമ്മുടെ വീട്ടില്‍ തന്നെ ഉല്‍പ്പാദിപ്പിക്കുക .ഒരു ഭ്രാന്തന്‍ ആശയം ആയി പലര്ക്കും തോന്നാം .
2050 ആകുമ്പോഴേക്കും രണ്ടു ലക്ഷം മെഗാ വാട്ട്സ്‌ സൌരോര്‍ജം ഉല്പാദിപ്പിക്കാന്‍ ഉള്ള ഒരു
പദ്ധതി കേന്ദ്ര സര്‍ക്കാരിന്റെ ഒരു ഏജന്‍സി തയ്യാറാക്കിയിട്ടുണ്ട് എന്നാണു അറിയുന്നത് .
ബന്ധപ്പെട്ട വകുപ്പുകള്‍ അംഗീകാരം നല്‍കിയിട്ടില്ല എങ്കിലും ഊര്ജ മേഘലയില്‍ ഒരു കുതിച്ചു
ചാട്ടത്തിനു വഴിവെക്കുന്ന ഈ പദ്ധതി സാധ്യമാണ് എന്നാണ് വിദഗ്ദ്ധര്‍ പറയുന്നതു .
250-300 ദിവസം സൂര്യ പ്രകാശം കിട്ടുന്ന ഇന്ത്യയില്‍ വേണ്ടുവോളം സൌരോര്‍ജം ഉല്പാദിപ്പിക്കാന്‍
കഴിയും എന്നാണു കണക്കാക്കപ്പെടുന്നത് . ഒരു സോളാര്‍ പാനല്‍ കൊണ്ടു ഊര്ജ വിപ്ലവം .
പക്ഷെ ഇതു സാക്ഷാല്‍കരിക്കാന്‍ വേണ്ട ദിശാബോധം നമ്മുടെ ഭരണാധികാരികള്‍ക്ക് ഉണ്ടോ ?
ആണവ ഊര്ജതിനു വേണ്ടി കോടികള്‍ ചിലവാക്കാന്‍ മടികാട്ടാത്ത ആളുകള്‍ ഈ വഴിക്ക് ഒരു ശ്രമം
നടത്തുമോ ? സംശയമാണ് .
കാരണം പലതാണ് . നമ്മുടെ പല വികസന ചിന്തകളെയും പൊളിച്ചു എഴുതാനുള്ള ആര്‍ജവം ഉണ്ടായിക്കണം . പല കോര്‍പ്പറേറ്റ് ഭീമന്‍ മാരെയും നിരാശ പ്പെടുത്തേണ്ടി വരും .
ഒരു ഇതര മാര്‍ഗം എന്നുള്ള നിലയില്‍ ഈ വഴിയും ചിന്തിക്കുന്നത് നന്നായിരിക്കും എന്ന് തോന്നുന്നു .
അവലംബം :വേള്‍ഡ് watch institute .

Saturday, June 20, 2009

ആരുടെ പുത്തി ?

ഈ സി പി എം കാര്‍ക്ക് എന്ത് പറ്റി .കത്തോലിക്കാ സഭയുമായി ചര്‍ച്ചക്ക് തയ്യാറാണെന്ന് . വിമോചന സമര ജൂബിലി ആഘോഷിക്കുന്ന സമയത്തു ഹല്ലെലുയ്യ പാടാനോ . അതോ സഭയുടെ വിദ്യാഭ്യാസ കച്ചവടത്തിന് ലൈസെന്‍സ് നല്‍കാനോ . എന്തിനാണ് ചര്‍ച്ച ? എന്തിനെ പറ്റിയാണ് ചര്‍ച്ച ?
"മതമില്ലാത്ത ജീവനെ " കുഴിച്ചു മൂടിയതിന്റെ വാര്‍ഷികം രണ്ടു കൂട്ടരും ചേര്‍ന്ന് ആഘോഷിക്കട്ടെ .
തിരഞ്ഞെടുപ്പില്‍ തോറ്റതിന് ഇത്രയും നാണം ഇല്ലാത്ത പരിഹാര ക്രിയ വേണോ ?
അങ്ങനെ ആണെങ്കില്‍ യു ഡി എഫ്‌ എന്നെ തല മുണ്ഡനം ചെയ്തു കാശിക്കു പോകണമായിരുന്നു .
സി പി എമില്‍ കഴിവുറ്റ ,കാര്യ പ്രാപ്തി യുള്ള നേതാക്കളുടെ അഭാവം ഇത്ര പ്രകടമായ കാലം വേറെ
ഉണ്ടെന്നു തോന്നുന്നില്ല . ഇപ്പോള്‍ ഇതൊരു കേഡര്‍ പാര്‍ട്ടി പോലുമല്ല . വെറുമൊരു ആള്‍ക്കൂട്ടം .
ഈ പാര്‍ട്ടി ഇപ്പോള്‍ പ്രതിനിധാനം ചെയ്യുന്നത് ആരുടെ താല്പര്യങ്ങള്‍ ആണ് ? അടിസ്ഥാന വര്‍ഗങ്ങള്‍ക്ക് വേണ്ടി നിലകൊള്ളേണ്ട പാര്‍ട്ടി ഇപ്പോള്‍ അവരില്‍ നിന്നും വളരെ അകലെയാണ് .
വാസ്തവത്തില്‍ ചര്‍ച്ച നടത്തേണ്ടത്‌ ദളിതനോടും ആദിവാസിയോടുമാണ് . അവരാണ് പാര്‍ട്ടിയുടെ
main stay. അല്ലാതെ നായരും ,ക്രിസ്ത്യാനിയും ഈഴവനും അല്ല . തലയില്‍ ആള്‍താമസം ഉള്ള ആരെങ്കിലും പാര്‍ട്ടിയില്‍ ഉണ്ടെങ്കില്‍ ഒരു നിമിഷം ചിന്തിക്കു . ഇനിയും സമയം വൈകിയിട്ടില്ല .

Friday, June 12, 2009

ഒടിക്കുഴിക്ക് കുറുക്കന്‍ സാക്ഷി ...........

ഗവര്‍ണര്‍ ചെയ്തത് ന്യായമോ അന്യായമോ ആകാം . അത് നിയമജ്ഞര്‍ തല നാരിഴ കീറി പരിശോധിക്കട്ടെ ,അഭിപ്രായം പറയട്ടെ . ലോ കോളേജിന്റെ പടി ചവുട്ടി എന്നത് കൊണ്ട്
കാണുന്ന ചെമ്മാനും ചെരുപ്പ് കുത്തിക്കും അഭിപ്രായം പറയാനുള്ള മേഖല അല്ല ഇത് .
നമ്മുടെ നാട്ടില്‍ രാഷ്ട്രീയകാര്‍ക്ക് എതിരായുള്ള ഏത് കേസ് ആണ് ശിക്ഷിക്കപ്പെട്ടിട്ടുള്ളത് .
അടുത്ത അസംബ്ലി തിരഞ്ഞെടുപ്പ് വരെ ഈ പ്രശ്നം ലൈവ് ആയി നിര്‍ത്തുക എന്ന ഉദ്ദേശമേ
കോണ്‍ഗ്രസിനും ഉള്ളു എന്നത് വ്യക്തം .
കോണ്‍ഗ്രെസ്സ്കാരുടെ നീതി ബോധത്തെ പറ്റി ചിലത് പറയാതെ വയ്യ .അല്ലഹാബാദ് ഹൈ കോടതി വിധിയെ തുടര്‍ന്ന് ഇന്ദിര ഗാന്ധി അടിയന്തരാവസ്ഥ പ്രഖ്യാപിച്ചപ്പോള്‍ എവിടെ പ്പോയിരുന്നു ഈ സദാചാര ബോധവും നീതി ബോധവും .ജയ പ്രകാശ്‌ നാരായണനെ പോലെയുള്ള
നേതാക്കളെ ജയിലില്‍ അടച്ചപ്പോള്‍ കോണ്‍ഗ്രസ്‌ കാര്‍ക്ക് ഒരു ഉളുപ്പും തോന്നിയില്ല .
വേശ്യയുടെ സദാചാര പ്രസംഗം . കൊട്ടരോചിയെ കയ്യില്‍ കിട്ടിയിട്ട് വിട്ടുകളഞ്ഞ സി ബി ഐയുടെ
നടപടിയും പ്രശംസനീയം തന്നെ . ഇപ്പോള്‍ ലാവലിന്‍ മേധാവിയെ പിടിക്കാന്‍ നടപടി സ്വീകരിക്കും പോലും . നമുക്ക് കാത്തിരുന്ന് കാണാം .

Saturday, June 6, 2009

രണ്ടു കിഴവന്‍മാരും ഒരു സംസ്ഥാനവും .

ആയിരം പുര്‍ണചന്ദ്രന്മാരെ കണ്ട രണ്ടു വയോധികര്‍ പൊതുനിരത്തില്‍ ഇറങ്ങി അന്യോന്യം മുണ്ട് പൊക്കി കാണിക്കുന്നു . അത് കണ്ടു കയ്യടിക്കാനും പ്രോല്‍സാഹിപ്പിക്കാനും കുറെ മാധ്യമങ്ങളും കുറെ കിഴങ്ങന്മാരും.
മനുഷ്യന്‍ ആണെങ്കില്‍ പനിപിടിച്ചു നെട്ടോട്ടം ഓടുകയാണ് ,മരുന്നിനു തീ പിടിച്ച വില അതിന് എതിരെ
പ്രതികരിക്കാന്‍ ഒരു കുഞ്ഞുമില്ല ,കുഞ്ഞുഞുമില്ല . ഇതല്ലേ ഏറ്റവും വലിയ ആഭാസം .
"എട്ടുകാലി മമ്മു‌ഞ്ഞു കോംപ്ലക്സ്‌ " ആയി നടക്കുന്ന ഒരു സാംസ്കാരിക നായകന്‍ .ചത്തില്ലെന്നു നാട്ടുകാരെ
അറിയിക്കാന്‍ ആഴ്ചയില്‍ ഓരോ പ്രസ്താവന . തന്റെ പ്രസംഗമോ ലേഖനമോ ആണ് ലോകത്തിന്റെ ഗതി
നിര്‍ണയിക്കുന്നത് എന്ന് ധരിച്ചു വശായ ഒരു മൂഢന്‍ കിഴവന്‍ .
"അമ്മാവന് അടുപ്പിലും തൂറാം " എന്ന് ബലമായി വിശ്വസിക്കുന്ന മറ്റൊരു കിഴവന്‍ .മുഖ്യമന്ത്രി ആയതു
കൊണ്ടു അദ്ദേഹത്തിന്റെ അവനവന്‍ മിമിക്രി ജനം ഇത്രനാളും സഹിച്ചു . ഇനിയും എത്ര നാള്‍ .ഒന്നും
ചെയ്യാന്‍ കഴിവില്ലാത്തവന്‍ കസേര നിലനിര്‍ത്താന്‍ പെടാപ്പാടു നടത്തുന്നത് കണ്ടു ജനം നെടുവീര്‍പ്പിടുന്നു .
ഇമ്മാതിരിയുള്ള കിഴവന്മാരുടെ എണ്ണം കേരളത്തില്‍ വര്‍ദ്ധിച്ചു കൊണ്ടിരിക്കയാണ് .
പട്ടിയൊട്ടു പുല്ലു തിന്നുകയും ഇല്ല , പശുവിനെ ഒട്ടു തീറ്റുകയും ഇല്ല .
ആരായാലും മനം നൊന്തു പ്രാകി പോകും .

Saturday, May 30, 2009

ആരോഗ്യ നികേതനം .

മഴക്കാലം ആരംഭിക്കുമ്പോള്‍ തന്നെ രോഗങ്ങളുടെ ഒരു വന്‍ പട നമ്മെ ആക്ക്രമിക്കാനായി അരയും തലയും മുറുക്കി ഇറങ്ങുകയാണല്ലോ .ചികുന്‍ ഗുനിയ ,ഡെങ്കി പനി ,കോളറ ,വൈറല്‍ ഫിവെര്‍ പിന്നെ പേരറിയാത്ത ഒട്ടനേകം രോഗങ്ങളും . ഇത് എല്ലാ മഴക്കാലത്തും ഒരു തുടര്‍ക്കഥ ആവുകയാണ് .
ആരോഗ്യ വകുപ്പ് എല്ലാ പ്രതിരോധ നടപടികളും എടുത്തു കഴിഞ്ഞു എന്ന് ആണയിട്ടു പറയുന്നുമുണ്ട് .
പോരാത്തതിന് ശ്രീമതി മന്ത്രിയുടെ ഉറപ്പും . പക്ഷെ എല്ലാ മഴക്കാലവും കടന്നു പോകുന്നത് പത്തു നൂറു പേരുടെ എങ്കിലും ജീവന്‍ അപഹരിച്ചു കൊണ്ടാണ് . ആരോട് പരാതി പറയാന്‍ .ചെണ്ട ചെന്നു മദ്ദള ത്തിനോട് പറയുന്നതു പോലെ . നമ്മുടെ ജലാശയങ്ങള്‍ എല്ലാം രോഗ വാഹിനികള്‍ ആയിട്ട് നാള് കുറെ
ആയി . പോരാത്തതിന് പ്ലാസ്റ്റിക് മാലിന്യങ്ങള്‍ നിക്ഷേപിച്ചു നീരൊഴുക്ക് പോലും നമ്മള്‍ തടസ്സപ്പെടുത്തി കൊണ്ടിരിക്കയാണല്ലോ . മരുന്ന് കമ്പനികള്‍ക്കും മരുന്ന് കച്ചവടക്കാര്‍ക്കും ചാകര . മരുന്ന് വാങ്ങാന്‍ കിടപ്പാടം വില്‍ക്കേണ്ട അവസ്ഥ . ആശുപത്രിയില്‍ പുറംതിണ്ണയില്‍ പോലും സ്ഥലം
കിട്ടാത്ത അവസ്ഥ .
പേടിച്ചു വീട്ടില്‍ കുത്തിയിരുന്നാല്‍ അടുപ്പില്‍ തീ പുകയുമോ ? വരുന്നതു വരട്ടെ എന്ന് മലയാളി .

Wednesday, May 27, 2009

എന്നെ തല്ലേണ്ട അമ്മാവാ ..........

തിരഞ്ഞെടുപ്പിലെ കനത്ത തിരിച്ചടിയെ തുടര്‍ന്നു പരാജയ കാരണങ്ങള്‍ അന്വേഷിക്കുന്നതിനു പകരം ഉത്തരവാദിത്വം ആരുടെയെങ്കിലും തലയില്‍ വെച്ചുകെട്ടാനാണ് സി പി എം നേതൃത്വം ശ്രമിച്ചു കൊണ്ടിരിക്കുന്നത് . എത്ര കൊണ്ടാലും പഠിക്കില്ല എന്ന വാശി പോലെ . ആയിരങ്ങള്‍ ചോരയും നീരും നല്കി പടുത്തുയര്‍ത്തിയ ഈ പ്രസ്ഥാനം രണ്ടു വ്യക്തി കളുടെ ബാലബല പരീക്ഷണങ്ങളുടെ വേദി ആയി മാറിയല്ലോ എന്ന് പരിതപിക്കുന്നവര്‍ ഏറെ ആണ് . സ്വന്തം കാല്‍ച്ചുവട്ടിലെ മണ്ണ് ഒലിച്ചു പോകുന്നത് ഈ കൂട്ടര്‍ അറിയുന്നില്ല .
തിരഞ്ഞെടുപ്പില്‍ ജയവും തോല്‍വിയും ഉണ്ടാകുക സ്വാഭാവികമാണ് . പരാജയ കാരണങ്ങള്‍ അന്വേഷിക്കയും വേണം . പക്ഷെ ഇവിടെ നടക്കുന്നത് കുലംകുത്തല്‍ അല്ലെ . പാര്‍ട്ടി ഇത്ര അധപ്പതിച്ച കാലം വേറെ യില്ല.
തിരഞ്ഞെടുപ്പ് പ്രവര്‍ത്തനങ്ങള്‍ പാര്‍ട്ടിയുടെ സംഘടന ദൌര്‍ബല്യം വളരെ
വ്യക്തമാകുകയും ചെയ്തു . ജനങ്ങള്‍ അകന്നു പോയതിനു അവരെ കുറ്റം പറഞ്ഞിട്ട് കാര്യമില്ല .

Thursday, May 21, 2009

പ്രോഗ്രസ്സ് റിപ്പോര്‍ട്ട്‌ ?

പുതിയ കേന്ദ്ര മന്ത്രി സഭ നാളെ സത്യ പ്രതിജ്ഞ ചെയ്യാന്‍ പോവുകയാണല്ലോ . ഈ അവസരത്തില്‍ കഴിഞ്ഞ മന്ത്രി സഭയിലെ മലയാളി മന്ത്രിമാരുടെ പെര്‍ഫോമന്‍സ് ഒന്നു വിലയിരുത്തുന്നത് നന്നായിരിക്കും . താരതമേന്യ നല്ല പ്രകടനം കാഴ്ച വച്ചത് ആന്റണി തന്നെയാണ് . ആയുധ ഇടപാടുകളില്‍ സുതാര്യതയും സത്യസന്ധതയും പുലര്‍ത്താന്‍ ശ്രമിച്ചു എന്ന് തോന്നിപ്പിക്കാന്‍ കഴിഞ്ഞു .എങ്കിലും തിരഞ്ഞെടുപ്പ് വിജ്ഞാപനം വരുന്നതിനു തൊട്ടു മുമ്പു ഇസ്രൈലുമായി ഏര്‍പ്പെട്ട മിസൈല്‍ കരാര്‍ അത്ര സുതാര്യം ആയിരുന്നു എന്ന് തോന്നുന്നില്ല .1200 കോടി രു‌പയുടെ കോഴ ഇതില്‍ ഉണ്ട് എന്ന് DNA പത്രം തെളിവുകള്‍ സഹിതം റിപ്പോര്‍ട്ട്‌ ചെയ്തതാണല്ലോ .ഈ ആരോപണങ്ങളെ വെറും വാക്കുകള്‍ കൊണ്ടു നിഷേധിക്കാന്‍ അല്ലാതെ വ്യക്തമായ മറുപടി പറയാന്‍ ആന്റണിക്ക് ഇതുവരെ കഴിഞിട്ടില്ല .
പ്രവാസി മന്ത്രി ആയ വയലാര്‍ രവി പ്രവാസി ക്ഷേമത്തിന് എന്ത് ചെയ്തു എന്ന് എന്ന് ചോദിച്ചാല്‍ വട്ട പൂജ്യം എന്ന് ഉത്തരം .സര്‍ക്കാര്‍ ചിലവില്‍ കുറച്ചു വിദേശ യാത്രകള്‍ നടത്തി എന്നല്ലാതെ വേറെ എന്തുണ്ട് എടുത്തു പറയത്തക്കതായി .ഇങ്ങനെ ഒരു മന്ത്രി ആവശ്യമില്ല എന്ന് പല പ്രവാസി മലയാളികളും പറഞ്ഞു കേട്ടിട്ടുണ്ട് .
പിന്നെ ഇ അഹമ്മദ്‌ . അങ്ങനെ ഒരു മന്ത്രി ഉള്ളതായി സാമാന്യ ജനത്തിന് തോന്നിയിട്ടില്ല .മുസ്ലിം സമുഹത്തിന് ഗുണം ഉണ്ടായോ അതും ഇല്ല .മുസ്ലിം ലീഗ് മന്ത്രി ആണല്ലോ . വെറും പാഴ് ചെലവ് .
ഈ പ്രാവശ്യം ആരൊക്കെ ആണോ വരാന്‍ പോകുന്നത് .കാത്തിരുന്നു കാണാം .

Sunday, May 17, 2009

എല്ലാം നല്ലതിന് .

ഇടതു മുന്നണി കട്ടയും പടവും മടക്കി കളം കാലിയാക്കിയതിനു കൂടുതല്‍ കാരണങ്ങള്‍ കണ്ടെത്താന്‍ സമയം കളയേണ്ട കാര്യമില്ല . മദനി,ലാവലിന്‍ ,സഭയുടെ രണ്ടാം വിമോചന സമരം . ഇതൊക്കെ തന്നെ ധാരാളം .2004തിരഞ്ഞെടുപ്പില്‍ വലതു മുന്നണിക്കും ഇതേ ഗതികേട് തന്നെ ഉണ്ടായി .ഒരു "പണ്ഡിതന്‍ "
പറഞ്ഞ പോലെ ചെറുപ്പക്കാര്‍ ഒന്നായി മാറ്റത്തിന് വോട്ട് ചെയ്തു എന്നതല്ല കാരണം .ചെറുപ്പക്കാര്‍ തിരഞ്ഞെടുപ്പിനോട് പൊതുവെ നിസ്സംഗതയാണ് പുലര്‍ത്തിയത്‌ .പോളിംഗ് ബൂത്തില്‍ വല്യപ്പന്മാരുടെയും വല്ല്യമ്മമാരുടെയും നീണ്ട നിരയാണ് പകരം കണ്ടത് .
സി പി എം ഒരു അടി അര്‍ഹിച്ചിരുന്നു . അത് ജനം കൊടുത്തു .അത്രേ ഉള്ളു . ഇടതു മുന്നണിയിലെ പടല പിണക്കങ്ങള്‍ പലയിടത്തും ദോഷം ചെയ്തു . പരമ്പരാഗതമായി കിട്ടിക്കൊണ്ടിരുന്ന വോട്ടുകള്‍ മറിഞ്ഞു പോയി . സമസ്ത ജാതികളും ഇടതു മുന്നണിക്ക്‌ എതിരായി . പള്ളികള്‍ കൂട്ടമണിയടിച്ചു അപകട മുന്നറിയിപ്പ് നല്കി ."നികൃഷ്ട ജീവി " പ്രയോഗങ്ങള്‍ എരിതീയില്‍ എണ്ണ ഒഴിച്ചു .സുധാകരനെ പോലുള്ള മന്ത്രിമാര്‍ പ്രചരണം നടത്തിയാല്‍ കേട്ടു നില്ക്കുന്ന സ്വന്തം തന്ത പോലും വോട്ടു ചെയ്യില്ല .
പക്ഷെ ,ചക്കിനു വച്ചത് കൊക്കിനു കൊണ്ടു എന്ന പോലെയായി .സി പി ഐ യുടെ എല്ലാ സീറ്റും പോയി .സി പി എം നാല് സീറെന്കിലും നേടി മുഖം രക്ഷിച്ചു .
സംഭവാമി യുഗേ യുഗേ.

Tuesday, May 12, 2009

കളിയല്ല കല്ല്യാണം .

പല കാര്യങ്ങളിലും നമ്മുടെ കൊച്ചു കേരളം ഇതര സംസ്ഥാനങ്ങളെക്കാള്‍ മുന്നില്‍ ആണല്ലോ .
ഇതിനെ കേരള മോഡല്‍ എന്ന് വിളിച്ച് പ്രകീര്‍ത്തിക്കുന്നുമുണ്ട് .പക്ഷെ നാം കാണാതെ പോയ അല്ലെങ്കില്‍ കണ്ടില്ല എന്ന് നടിക്കുന്ന ഒരു സാമുഹ്യ വിപത്ത് പകര്‍ച്ച വ്യാധിയുടെ നിലയിലേക്ക് മാറിക്കൊണ്ടിരിക്കയാണ്
. പെരുകുന്ന വിവാഹ മോചനങ്ങള്‍ . കുടുംബ കോടതികളുടെ പരിസരത്ത് കൂടി ഒരിക്കലെങ്കിലും പോയിട്ടുള്ളവര്‍ക്ക് ഈ കാര്യം മനസ്സിലാകും .കോടതികള്‍ക്ക് ഉള്‍ക്കൊള്ളാന്‍ പറ്റുന്നതിലും അധികം കേസുകള്‍ .ഭാര്യയും ഭര്‍ത്താവും ഒന്നു പരിചയപ്പെട്ടു വരുന്നതിനു മുമ്പ് തകര്‍ന്നു പോകുന്ന ബന്ധങ്ങള്‍ . വിവാഹ ബന്ധത്തിന് ഒരു ഉടമ്പടി യുടെ വില മാത്രം കല്‍പ്പിക്കുന്ന തലമുറ .use and throw സംസ്ക്കാരത്തില്‍ വളര്‍ന്നു വന്ന അവരെ കുറ്റം പറഞ്ഞിട്ട് കാര്യമില്ല .ആര്‍ക്കും ആരോടും ഒരു ബാധ്യതയും ഇല്ലാത്ത അവസ്ഥ .തന്റെ ചുറ്റും കറങ്ങുന്ന ലോകം .വളരെ നിസ്സാരമായ കാര്യങ്ങള്‍ പോലും ഊതി വീര്‍പ്പിച്ച് ഇണങ്ങാത്ത കണ്ണികള്‍ ആക്കുന്ന മാതാ പിതാക്കള്‍ .മറ്റുള്ളവരുടെ സ്വാതന്ത്ര്യം അംഗീകരിക്കുമ്പോള്‍ മാത്രമേ നമ്മുടെ സ്വാതന്ത്ര്യം സഫലം ആകു എന്ന തിരിച്ചറിവില്ലായ്മ .
മറ്റുള്ള എല്ലാ കാര്യങ്ങളിലും ഒരു മിനിമം യോഗ്യത നിഷ്കര്‍ഷിക്കുന്ന സമുഹം വിവാഹത്തിന് മാത്രം ഒരു യോഗ്യതയും ആവശ്യ മില്ലെന്ന നിലപാടെടുക്കുന്നു .ഇങ്ങനെ പറഞ്ഞാല്‍ ഒരുപാട് കാര്യങ്ങള്‍ . ത്രീവ്ര ചികിത്സ ആവശ്യമായ ഈ ദുരന്തത്തെ നാം കണ്ടില്ലെന്നു നടിച്ചു കൂടാ .

Saturday, May 9, 2009

അക്ഷമനായ മനുഷ്യന്‍ ..

ഒരു പരസ്യ ചിത്രത്തിലെ ഈ തല വാചകം ശ്രദ്ധിക്കുക -impatient is the new life .പ്രത്യക്ഷത്തില്‍ നിര്‍ദോഷമെന്നു തോന്നാമെങ്കിലും അങ്ങനെ ആണോ ? അക്ഷമയാണ് പുതിയ തലമുറയുടെ മുഖ മുദ്ര എന്നല്ലേ പറഞ്ഞു വയ്ക്കുന്നത് . ക്ഷമയോടെ ജീവിക്കുന്നവന്‍ ഈ കാലഘട്ടത്തിനു യോജിച്ചവനല്ല എന്നും വായിക്കാം . ശരിയാണ് .ഒരു തിരക്കുമില്ലാത്തവനും നിരത്ത് കുറുകെ കടക്കാന്‍ ഒരു മിനിട്ട് വൈകിയാല്‍ അക്ഷമയായി ,ദേഷ്യമായി, കുറ്റപ്പെടുത്തല്‍ ആയി . എല്ലാര്‍ക്കും തിരക്കോട് തിരക്ക് .ഓഫീസില്‍ പോകുന്ന കാലത്ത് ഉള്ള ഒരു സുഹൃത്തിന്റെ രസകരമായ സ്വഭാവ വിശേഷം പറയാം .അദ്ദേഹം വരുന്നതിനു മുമ്പു ട്രെയിന്‍ വന്നാല്‍ ദേഷ്യമായി .അതേപോലെ അദ്ദേഹം വന്നതിനു ശേഷം അഞ്ചു മിനിട്ട് ട്രെയിന്‍ വൈകിയാല്‍ വീണ്ടും ദേഷ്യം . അദ്ദേഹം ഒരിക്കലും ട്രെയിനിന്റെ സമയത്ത് വരാറുമില്ല . ഇങ്ങനെ അല്ലെ നാമെല്ലാവരും .ലോകം നമ്മള്‍ വിചാരിക്കുന്ന പോലെ നീങ്ങി കൊള്ളണം .അല്ലെങ്കില്‍ പരിഭവമായി ,പരാതിയായി . ആവലാതികള്‍ കേള്‍ക്കാതെ ,പറയാതെ ഒരു ദിവസവും കടന്നു പോകാറില്ല .
ശ്രീ രജനീഷ് പറഞ്ഞത് പോലെ "ഒരു പട്ടിയുടെ കുര നിങ്ങളെ അലോസരപ്പെടുത്തുന്നുവെങ്കില്‍ അതിന് കാരണം പട്ടിയല്ല മറിച്ചു പട്ടി കുരക്കുന്നതു നിങ്ങളെ അലോസരപ്പെടുത്താന്‍ ആണെന്ന് ചിന്തിക്കുന്നത് കൊണ്ടാണ് ."
ഈ അക്ഷമ നമ്മളെ രോഗികള്‍ ആക്കി അത്ര മാത്രം .

Tuesday, May 5, 2009

zoozoos.

ഓവറുകള്‍ക്കിടയിലുള്ള പരസ്യങ്ങള്‍ മിക്കപ്പോഴും രസം കൊല്ലിയായി മാറാറുണ്ട് . പക്ഷെ വോഡഫോണിന്റെ പുതിയ പരസ്യ പരമ്പര ഈ ചെറിയ ഇടവേളകള്‍ രസകരമാക്കുന്നു . സൂ സൂ എന്ന പേരിലറിയപ്പെടുന്ന ഈ കഥാപാത്രങ്ങള്‍ എല്ലാവരുടെയും മനം കവര്‍ന്നു കഴിഞ്ഞു . ബോളിവുഡ് താരങ്ങളുടെ മോന്ത കണ്ടു മടുത്ത ജനത്തിന് ആശ്വാസത്തിന്റെ കുളിര്‍ തെന്നല്‍ . മൊട്ട തലയന്മാരും തലച്ചികളും ചേര്‍ന്ന് ഒരുക്കുന്ന കാഴ്ചകള്‍ അതീവ രസകരമാണ് . animated കഥാപാത്രങ്ങള്‍ ആണെന്ന് തോന്നിപ്പിക്കുമെങ്കിലും വാസ്തവത്തില്‍ മേക്കപ്പ്‌ അണിഞ്ഞ സ്ത്രീകളും കുട്ടികളുമാണ് ഇതില്‍ അഭിനയിച്ചിരിക്കുന്നത് . കോഴിമുട്ട പോലുള്ള തലയും ഉണക്ക കമ്പ്‌ പോലുള്ള കൈയുംകാലും ഉള്ള ഇവര്‍ സൃഷ്ടിക്കുന്ന നര്‍മ മുഹൂര്തങ്ങള്‍ നിരവധി ആണ് . സ്റ്റോക്ക്‌ അലെര്ട്സിനെ സൂചിപ്പിക്കുന്ന പരസ്യമാണ് ഏറ്റവും രസകരമായി തോന്നിയത് . മറ്റുള്ളവ മോശമാണെന്നല്ല . ഇന്ത്യയിലെ തന്നെ ഒരു പരസ്യ ഏജന്‍സി ആണ് ഈ commercial നിര്‍മിച്ചിരിക്കുന്നത് . അനുദിനം ഫാന്‍സിന്റെ എണ്ണം കൂടിക്കൊണ്ടിരിക്കയാണ് . zoozzoos പുതിയ പുതിയ രൂപത്തില്‍ ദിവസവും നമ്മുടെ മുന്നില്‍ എത്തട്ടെ .

Thursday, April 30, 2009

Bt വഴുതനങ്ങ ?

അടുത്ത പ്രാവശ്യം നിങ്ങള്‍ വഴുതനങ്ങ മെഴുക്കു പുരട്ടി ഉണ്ടാക്കി കഴിക്കുമ്പോള്‍ സൂക്ഷിക്കുക .നിങ്ങള്‍ ഉപയോഗിക്കുന്ന വഴുതനങ്ങ ജനിതക മാറ്റങ്ങള്‍ വരുത്തിയതാവാം .അസാധാരണ വലിപ്പമോ നിറമോ ഉള്ള പച്ചക്കറികള്‍ ഈ കൂട്ടത്തില്‍ പെട്ടതാവാം .അമിതമായ കീടനാശിനികളുടെ പ്രയോഗം മൂലം ഇപ്പോള്‍ തന്നെ എല്ലാ ഭക്ഷ്യ വസ്തുക്കളും വിഷലിപ്തമായി കഴിഞ്ഞിരിക്കയാണ് . ജനിതക മാറ്റം വരുത്തിയ പച്ചക്കറികളും മറ്റും ഇതുവരെ കണ്ടിട്ടില്ലാത്ത പല രോഗങ്ങളും ഉണ്ടാക്കാന്‍ വഴി വയ്ക്കും എന്ന് വിദഗ്ദ്ധര്‍ പറയുന്നു . സുപ്രീം കോടതിയുടെ ഇടപെടലിനെ തുടര്‍ന്ന് ജനിതക മാറ്റം വരുത്തിയ പച്ചക്കറികളുടെ കൃഷി തല്ക്കാലം നിര്‍ത്തി വച്ചിക്കയാണെങ്കിലും കര്‍ഷകരെ തെറ്റിദ്ധരിപ്പിച്ചു പരീക്ഷണങ്ങള്‍ നടത്തുന്നുണ്ട് എന്നാണ് അറിയുന്നത് .ഈ കുടില തന്ത്രങ്ങള്‍ക്ക് ചുക്കാന്‍ പിടിക്കുന്നത്‌ Monsanto എന്ന അമേരിക്കന്‍ കമ്പനി ആണ് .അമേരിക്കയില്‍ ,ജൈവ ഉത്പന്നങ്ങള്‍ മാത്രം വില്‍ക്കുന്ന കടകള്‍ക്കെതിരെ നിയമ യുദ്ധത്തിന് ഇറങ്ങി പുറപ്പെട്ടിരക്കയാണ് ഈ കമ്പനി .മെക്സിക്കോ പോലെയുള്ള രാജ്യങ്ങളില്‍ ഇപ്പോഴും ഈ കമ്പനിയെ പടിക്ക് പുറത്തു നിര്‍ത്തിയിരക്കയാണ് . പക്ഷെ ഇന്ത്യന്‍ ഭരണകൂടം ഈ കമ്പനിയെ ചുവന്ന പരവതാനി വിരിച്ചു സ്വീകരിക്കയാണെന്നും മനസ്സിലാക്കണം .ഭക്ഷ്യ ക്ഷാമം തീര്‍ക്കാന്‍ ഇതല്ലാതെ വേറെ പോംവഴി ഇല്ല എന്നാണു ഇവരുടെ വാദം . പക്ഷെ രൂക്ഷമായ ഭക്ഷ്യ ക്ഷാമം നേരിടുന്ന ആഫ്രികന്‍ രാജ്യങ്ങള്‍ പോലും ഈ കമ്പനിയെ സ്വീകരിക്കുന്നില്ല എന്നത് വളരെ ശ്രദ്ധേയമാണ് .
പത്തു പതിനഞ്ചു വര്‍ഷം കൊണ്ട് നമ്മുടെ നാട്ടിലെ ഭക്ഷ്യ വസ്തുക്കളുടെ ഉത്പാദനവും വിതരണവും അവരുടെ കൈപ്പിടിയില്‍ ആക്കുക എന്നതാണ് ലക്‌ഷ്യം .മറ്റു നാടുകള്‍ ഈ വിപത്ത് മനസ്സിലാക്കി ,പക്ഷെ നമ്മളോ .ഇവിടെ ആണ് ജനകീയ പ്രതിരോധങ്ങളുടെ പ്രസക്തി ഏറുന്നത് .വിപണിയില്‍ Bt ഉത്പന്നങ്ങള്‍ അല്ലാതെ മറ്റൊന്നും കിട്ടാത്ത അവസ്ഥ ഉണ്ടായിക്കൂടാ .കേരളത്തിലെ ഭരണകൂടവും ഗേറ്റ്സ് ഫൌണ്ടേഷന്‍ നല്‍കുന്ന പണം ഉപയോഗിച്ച് ജനിതക മാറ്റം വരുത്തിയ നെല്‍വിത്തുകള്‍ വികസിപ്പിക്കാന്‍ ആലോചിക്കുന്നു എന്ന് പത്ര വാര്‍ത്തകള്‍ സാക്ഷ്യപ്പെടുത്തുന്നു. തലതിരിഞ്ഞ വികസന സ്വപ്നങ്ങളുമായി നടക്കുന്ന ഈ വര്‍ഗങ്ങളെ നേര്‍ വഴിക്ക് നടത്താന്‍ ജനങ്ങളുടെ കൂട്ടായ്മകള്‍ക്കെ കഴിയു .വരും തലമുറയെ നാശത്തിലേക്ക് തള്ളിവിടാന്‍ നമുക്ക് ആരും അധികാരം തന്നിട്ടില്ല .

Tuesday, April 28, 2009

മാധ്യമ സിന്‍ഡിക്കേറ്റ്‌ അഥവാ മീഡിയ ഫയര്‍വാള്‍ ?

പ്രശസ്ത മാധ്യമ വിചാര വിദഗ്ധയും കോളം എഴുത്ത് കാരിയും ആയ സെവന്തി നൈനാന്‍ തന്റെ വാരാന്ത്യ കോളത്തില്‍ മാധ്യമ രംഗത്തെ അദൃശ്യ മായ ഒരു പ്രതിഭാസത്തെ വിശകലനം ചെയ്യുന്നു . പാശ്ചാത്യ രാജ്യങ്ങളില്‍ ഇതിനെ മീഡിയ ഫയര്‍വാള്‍ എന്നാണു വിളിക്കുന്നത് .വാര്‍ത്താ മാധ്യമങ്ങള്‍ തങ്ങള്‍ക്കു ഇഷ്ടമല്ലാത്ത വാര്‍ത്തകളെ ബോധപൂര്‍വം തമസ്കരിക്കയോ താല്പര്യം ഉള്ളവയ്ക്ക് അമിത പ്രാധാന്യം നല്‍കുകയോ ചെയ്യുന്ന പ്രവൃത്തി ആണിത് .കമ്പ്യൂട്ടര്‍ ഉപയോഗിക്കുന്ന ഏവര്‍ക്കും ഫയര്‍വാള്‍ എന്താണെന്ന് അറിയാമായിരിക്കുമല്ലോ .
നമ്മുടെ ദേശീയ വാര്‍ത്താ മാധ്യമങ്ങള്‍ ഈ പ്രവൃത്തിയില്‍ ഒട്ടും പുറകിലല്ലാ എന്ന് ഉദാഹരണങള്‍ സഹിതം അവര്‍ തെളിയിക്കുന്നു .
നമ്മുടെ ,മലയാളം , മാധ്യമ രംഗം പരിശോധിച്ചാല്‍ കാര്യങ്ങള്‍ കുറച്ചു കൂടി വ്യക്തമാകും .തിരഞ്ഞെടുപ്പ് കാലത്ത് ഈ ഇടപെടലുകള്‍ കുറച്ചു കൂടി തീഷ്ണമാകുന്നത് നമുക്കു കാണാം . സി പി എം - പി ഡി പി ബാന്ധവത്തിന്റെ പേരില്‍ എത്ര പത്ര താളുകളും മണിക്കൂറുകളും ആണ് ചിലവാക്കിയതെന്നു നമുക്കറിയാം . അതിനേക്കാള്‍ എത്ര വാര്‍ത്താ പ്രാധാന്യമുള്ള വിഷയങ്ങള്‍ നമുക്കു ചര്‍ച്ച ചെയ്യാന്‍ ഉണ്ടായിരുന്നു .ഇനി അടുത്ത അഞ്ചു വര്‍ഷം ഇന്ത്യ ആര് ഭരിക്കണം എന്ന് തീരുമാനിക്കാന്‍ പ്രാദേശിക വിഷയങ്ങള്‍ക്കാണോ ദേശീയ വിഷയങ്ങള്‍ക്കാണോ കൂടുതല്‍ പ്രാധാന്യം നല്കേണ്ടത് . നയപരമായ വിഷയങ്ങളെ ക്കുറിച്ച് എന്തെങ്കിലും ഫലപ്രദമായ ചര്‍ച്ചകള്‍ നടത്താന്‍ മാധ്യമങ്ങള്‍ ശ്രമിച്ചിട്ടുണ്ടോ എന്ന് സംശയം . അപ്പോള്‍ മാധ്യമങ്ങളും ചില സ്ഥാപിത താല്പര്യങ്ങള്‍ക്ക് വേണ്ടി നിലകൊണ്ടു എന്ന് വേണം അനുമാനിക്കാന്‍ .പാര്‍ടി പത്ര - ചാനലുകളെക്കാള്‍ പാര്‍ടി വിധേയത്തം കാണിച്ച മാധ്യമങ്ങളല്ലേ ഇവിടെ കൂടുതല്‍ ഉള്ളത് . ജാതി മത ജിഹ്വകള്‍ക്ക് ഇത്ര അമിത പ്രാധാന്യം ഉണ്ടായ വേറൊരു തിരഞ്ഞെടുപ്പും ഇതിനു മുമ്പ് ഉണ്ടായതായി തോന്നുന്നില്ല .കാര്യങ്ങള്‍ ഈ വഴി തരിച്ചു വിട്ടതിനു പ്രധാന ഉത്തരവാദികള്‍ മാധ്യമങ്ങള്‍ തന്നെ ആണ് .

Saturday, April 25, 2009

രാവണന്‍ കോട്ട .

പുലി പ്രഭാകരനെ ജീവനോടെ പിടിക്കുകയും ഇന്ത്യക്ക് കൈ മാറുകയും ഒക്കെ ആവാം .പക്ഷെ വീടും കൂടും ഉപേക്ഷിച്ചു കൂട്ടത്തോടെ പലായനം ചെയ്യുന്ന ലക്ഷ ക്കണക്കിന് തമിഴ് വംശജരുടെ നിലനില്‍പ്പ്‌ പോലും അപകടത്തിലാണ് .യു എന്‍ സംഘത്തെ പ്പോലും ഈ മേഘലയിലേക്ക് കടക്കാന്‍ ലങ്കന്‍ ഭരണ കൂടം അനുവദിക്കുന്നില്ല .അഭയാര്‍ഥി ക്യാമ്പില്‍ എത്തി പെട്ടവര്‍ പോലും ആവശ്യത്തിനു ഭക്ഷണവും ,മരുന്നും ,വെള്ളവും കിട്ടാതെ ചത്തൊടുങ്ങുന്നു .2000 ത്തില്‍ അധികം ആളുകള്‍ മരിച്ചു എന്നാണു റെഡ് ക്രോസ്സിന്റെ കണക്ക്‌ . അതില്‍ അധികം ആകാനെ വഴിയുള്ളൂ .ഈ ഹത ഭാഗ്യര്‍ നീതി അര്‍ഹിക്കുന്നില്ലേ .
തമിഴരര്‍ ആണെങ്കിലും ഇവരും ശ്രീലങ്കന്‍ പൌരന്മാരല്ലേ. പല രാജ്യങ്ങളും പറയുന്നതു പോലെ ഇത് ലങ്കയുടെ ആഭ്യന്തര പ്രശ്നം മാത്ര മല്ല . അവിടെ നടക്കുന്ന മനുഷ്യാവകാശ ധ്വംസനങ്ങള്‍ കണ്ടില്ലെന്നു നടിക്കാന്‍ അന്താരാഷ്ട്ര സമുഹത്തിന് കഴിയുമോ . പ്രഭാകരന്‍ ഇവരെ മനുഷ്യ മറയായി ഉപയോഗിച്ചിട്ടുണ്ടാവാം .ലങ്കന്‍ പട്ടാളവും പുലികളും തമ്മിലുള്ള വെടിവെയ്പില്‍ എത്ര നിരപരാധികളുടെ ജീവന്‍ പൊലിഞ്ഞു കാണും .
ഇന്ത്യാ സര്‍ക്കാര്‍ ഈ പട്ടാള നടപടിക്ക് പച്ചകൊടി കാട്ടിയോ എന്ന സംശയം മനസ്സില്‍ ഉടക്കുന്നു .
രണ്ടു പ്രധിനിധികളെ അങ്ങോട്ട് വിട്ട് ഒരു ചര്‍ച്ച നടത്തി ഒരു പ്രസ്താവനയും നല്കി ഇന്ത്യന്‍ ഭരണകര്താക്കള്‍ക്ക് ഇതില്‍ നിന്നും കൈ കഴുകാന്‍ പറ്റുമോ . കരുണാനിധി കാണിച്ച തറ വേല പോലെ . ഇവിടെ പ്രഭാകരനല്ല പ്രശ്നം .ലക്ഷ ക്കണക്കിന് നിസ്സഹായരായ ,നിരാലംബരായ മനുഷ്യ ജീവികളാണ് .

Thursday, April 23, 2009

ബാപ്പുവിന്റെ നേര്‍ ശിഷ്യന്മാര്‍ .

നമ്മുടെ നാട്ടിലും രാഷ്ട്രീയക്കാരും ക്രിമിനലുകളും ആയുള്ള ബന്ധം കൂടി ക്കൂടി വരികയാണല്ലോ .ഇതൊക്കെ വടക്കെ ഇന്ത്യയില്‍ മാത്രം നടക്കുന്ന കാര്യമായി വിശ്വസിക്കാന്‍ നാം ശ്രമിക്കയാണെന്ന് തോന്നുന്നു .പക്ഷെ അങ്ങനെ അല്ല സംഭവിക്കുന്നത് എന്ന് വിചാരിക്കാന്‍ ന്യായമായ കാരണങ്ങള്‍ ഉണ്ട് . തിരഞ്ഞെടുപ്പ് കാലത്ത് ഒരു ഗുണ്ടാ സംഘം കണ്ണൂരില്‍ എന്തിനാണ് വന്നതെന്നും ആരുടെ ആവശ്യ പ്രകാരമാണ് വന്നതെന്നും ഉത്തരം കിട്ടാതെ അവശേഷിക്കുന്നു .അതില്‍ മൂന്നു പേരെ പോലീസ് അറസ്റ്റ് ചെയ്യുകയും തുടര്‍ന്ന് സുധാകരന്‍ എം എല്‍ അവരെ പോലീസ് കസ്റ്റഡിയില്‍ നിന്നും മോചിപ്പിക്കാന്‍ നടത്തിയ നാടകങ്ങളും എല്ലാവരും ചാനലുകളില്‍ കണ്ടതാണ് . ഇവരെല്ലാം സുധാകരെന്റെ സുഹൃത്തുക്കളോ ബിസിനെസ്സ് പങ്കാളികളോ ആണെന്നാണ്‌ അദ്ദേഹം പറയുന്നത് . തുടര്‍ന്നുള്ള പോലീസ് അന്വേഷണത്തില്‍ ഇവര്‍ കുപ്രസിദ്ധ ഗുണ്ടാകളാണ് എന്നാണ് അറിയുന്നത് . സമാധാനത്തിന്റെയും അഹിംസയുടെയും സന്ദേശ വാഹകരായ കോണ്‍ഗ്രസുകാര്‍ ഇങ്ങനെ പാടുണ്ടോ. കമ്മ്യൂണിസ്റ്റ്കാര്‍ അക്രമം കാണിക്കാന്‍ മടിയില്ലാത്തവരാനെന്നു പണ്ടേ മുദ്ര കുത്തപ്പെട്ടവരാണല്ലോ . അത് പോലെയാണോ ഗാന്ധിജിയുടെ പിന്മുറക്കാരായ കോണ്‍ഗ്രസുകാര്‍ . സദാചാര മൂല്യങ്ങള്‍ രാഷ്ടീയത്തിനോട് വിട പറഞ്ഞിട്ട് നാളുകള്‍ ഒരുപാടായി . ഉമ്മന്‍ ചാണ്ടി എന്തിന് തിരക്ക് പിടിച്ചു കണ്ണൂരേക്ക്‌ പറന്നു .അവിടെ ലോ ആന്‍ഡ് ഓര്‍ഡര്‍ കൈ കാര്യം ചെയ്യാന്‍ പോലീസും പട്ടാളവും ധാരാളം ഉണ്ടായിരുന്നല്ലോ . പിന്നെന്തിനു രഹസ്യ സന്ദര്‍ശനം .ഇപ്പോള്‍ പരസ്യം ആയെങ്കിലും .

Tuesday, April 21, 2009

നാളെ ഇല്ലാത്തവര്‍ .

നമ്മടെ നാട് ആഗോള സാമ്പത്തിക മാന്ദ്യത്തില്‍ നിന്നും മുക്തമല്ല എന്ന റിപ്പോര്‍ട്ടുകള്‍ വന്നുകൊണ്ടിരിക്കയാണല്ലോ .അങ്ങനെയല്ല എന്ന് നമ്മളെ വിശ്വസിപ്പിക്കാന്‍ പ്രധാന മന്ത്രിയും കൂട്ടരും കിണഞ്ഞു പരിശ്രമിക്കുന്നുണ്ട് .തിരഞ്ഞെടുപ്പ് കഴിയുന്നത്‌ വരെയെങ്കിലും ജനങ്ങളുടെ കണ്ണില്‍ പൊടി ഇടണമല്ലോ . ചില തലതിരിഞ്ഞ വികസനങ്ങളുടെ കണക്കു പറഞ്ഞു മേനി നടിക്കാന്‍ ശ്രമിക്കയാണവര്‍. 2006 തൊട്ട് ഉള്ള കണക്കുകള്‍ പരിശോധിച്ചാല്‍ ഈ കാര്യം വ്യക്തമാകും . യു എന്‍ ഹ്യൂമന്‍ റിസോര്‍സ് index ഇല്‍ ഇന്ത്യയുടെ സ്ഥാനം 132 ആണ് .അതും ഭു‌ട്ടാനിനും താഴെ .പോഷക ആഹാരങ്ങള്‍ കിട്ടാതെ മരിച്ചു ജീവിക്കുന്ന കുട്ടികളുടെ എണ്ണം ഓരോ വര്‍ഷവും ഭയാനകമായ രീതിയില്‍ കൂടി കൊണ്ടിരിക്കയാണ് .തൊഴില്‍ ഇല്ലാത്തവരുടെ ഒരു വന്‍ സേന തന്നെ നമുക്കു സ്വന്തമാണ് .നഗരങ്ങളില്‍ നിന്നും തൊഴിലില്ലാതെ ഗ്രാമങ്ങളിലേക്ക് മടങ്ങുന്ന ഈ സേനയെ ഉള്‍കൊള്ളാന്‍ ഇപ്പോഴത്തെ ദേശീയ തൊഴിലുറപ്പ് പദ്ധതിക്ക് കഴിയില്ല എന്നതും സത്യം . അപ്പോള്‍ കോണ്‍ഗ്രസ് പാര്‍ട്ടി പറയുന്നതു പോലെ കാര്യങ്ങള്‍ അത്ര ശുഭ സൂചകമല്ല .കുറച്ചു കോടി കോടി പതികള്‍ ഉണ്ടായി എന്നത് സത്യം തന്നെ .പക്ഷെ അതാണോ ഒരു രാജ്യത്തിന്റെ പുരോഗതിയുടെ സൂചകം .
ഒരു സുഹൃത്ത് ചോദിച്ച പോലെ "ഇന്ത്യ മുഴുവന്‍ ഒരു രൂപയ്ക്കു ഫോണ്‍ വിളിക്കാം , അത് പോരെ ". നമ്മുടെ മധ്യ വര്‍ഗം ഇങ്ങനെ ചിന്തിക്കുന്നു . ഭരണ കൂടവും ഈ ചിന്ത തന്നെ പ്രതിഫലിപ്പിക്കുന്നു .

Sunday, April 19, 2009

ശേഷം ചിന്ത്യം .....

കേരളത്തിലെ തിരഞ്ഞെടുപ്പ് മാമാങ്കം കഴിഞ്ഞു . ജാതി മത സമവാക്യങ്ങള്‍ ആരെ ഒക്കെ രക്ഷിക്കും ശിക്ഷിക്കും എന്നറിയാന്‍ നീണ്ട ദിനങ്ങളുടെ കാത്തിരിപ്പ്‌ . ഈ തിരഞ്ഞെടുപ്പ് ഓരോ ജാതിയുടേയും ശക്തി പരീക്ഷിക്കാന്‍ ഉള്ള മത്സരം ആയി മാറിയത് പോലെ തോന്നുന്നു . പ്രബുദ്ധ കേരളം ചര്‍ച്ച ചെയ്ത വിഷയങ്ങള്‍ പരിശോധിച്ചാല്‍ ഈ കാര്യം വെളിവാകും . മദനി തിരുമേനിമാരുടെ പ്രസ്താവനകള്‍ പോളിസി ചര്‍ച്ചകളെക്കാള്‍ പ്രാമുഖ്യം നേടി എന്നതും സത്യം . ദേശീയ നേതാക്കള്‍ പല കാര്യങ്ങളും ചര്‍ച്ചക്കായി അവതരിപ്പിച്ചു എങ്കിലും വലിയ ശ്രദ്ധ കിട്ടിയില്ല .അതിന് മുമ്പെ ജനങ്ങളുടെ വിചാര ഗതി മറ്റൊരു ദിശയില്‍ തിരിച്ചു വിടപ്പെട്ടു കഴിഞ്ഞിരുന്നു . നമ്മുടെ മാധ്യമങ്ങളും ചാനലുകളും തന്നെ ഇതിനു ഉത്തരവാദികള്‍ .ഒരു കോര്‍ണര്‍ യോഗവും കേള്‍ക്കാതെ വീട്ടിലിരുന്നു കാര്യങ്ങള്‍ തീരുമാനിക്കാം എന്ന അവസ്ഥ വന്നു . ജാതിക്ക് വോട്ടു ചെയ്യാന്‍ കൂടുതല്‍ അറിയേണ്ട കാര്യമില്ലല്ലോ .
വോട്ടിങ്ങ് ശതമാനം കൂടിയത്തിനും കാരണം അതായിരിക്കുമല്ലോ .
വിമോചന സമരം വോട്ടിങ്ങ് യന്ത്രത്തിലൂടെ .

Thursday, April 9, 2009

മലയാളികളേ ,നിങ്ങള്‍ പിച്ചക്കാര്‍ ?????

സോണിയ ഗാന്ധിയുടെ ചുഴലിക്കാറ്റ് തിരഞ്ഞെടുപ്പ് പര്യടനെത്തില്‍ മുഴങ്ങി കേട്ട ഒരു വാക്യമുണ്ട്; "കേരളത്തില്‍ 40000 കോടി രു‌പയുടെ വികസന പ്രവര്‍ത്തനങ്ങള്‍ കേന്ദ്ര സര്‍ക്കാര്‍ നടത്തി " .ആത്മാഭിമാനമുള്ള മലയാളിയുടെ മുഖത്തടിച്ച പോലെയായി ആ പ്രസ്താവം . കപ്പം നല്കുന്ന സാമന്ദന്‍മാരോടുള്ള രാജാവിന്റെ ധാര്‍ഷ്ട്യം നിറഞ്ഞ പെരുമാറ്റം പോലെയായി ഇത് . കേരളം ആരുടേയും ഔദാര്യം പറ്റി ജീവിക്കുന്ന ഒരു സംസ്ഥാനമല്ല എന്ന് ഇവിടുത്തെ കോണ്‍ഗ്രെസ്സുകാരെന്കിലും മനസ്സിലാക്കിയാല്‍ നന്ന് . പ്രവാസി മലയാളികള്‍ നാട്ടിലേക്ക് ഒഴുക്കുന്ന വിദേശ നാണ്യം കേന്ദ്ര ഖജനാവിനെ എത്രമാത്രം താങ്ങി നിര്‍ത്തുന്നു എന്ന കാര്യം കോണ്‍ഗ്രസ് നേതാവ് സൌകര്യ പൂര്‍വ്വം മറന്നു കളഞ്ഞു .നമുക്കെന്തോ പിച്ച തന്നത് പോലെയല്ലേ അവരുടെ സംസാരം .
കേന്ദ്രം കേരളത്തിനോട് കാണിച്ച ചിറ്റമ്മ നയത്തിന്റെ പ്രത്യക്ഷ ഉദാഹരണമാണ് പാലക്കാട് റെയില്‍വേ ഡിവിഷന്റെ വിഭജനം .ഇത് ആരുടെ നിര്‍ബന്ധത്തിനു വഴങ്ങിയാണ് ചെയ്തതെന്ന് നമുക്കറിയാം . റെയില്‍വേക്ക് നല്ല ലാഭം ഉണ്ടാക്കി കൊടുക്കുന്ന പ്രമുഖ സംസ്ഥാനങ്ങളില്‍ ഒന്നാണ് കേരളം എന്നും നാം ഓര്‍ക്കണം .ഒരു സോണിനു വേണ്ടിയുള്ള നമ്മുടെ അഭ്യര്‍ഥനകള്‍ ആര് കേള്‍ക്കാന്‍ .
എഴിമല നാവിക അക്കാദമി നമ്മോടു കാണിച്ച ഔദാര്യ മായി വ്യാഖ്യാനിക്കപ്പെടുന്നതാണ് അതിലും കഷ്ടം .ഇന്ത്യയില്‍ വേറൊരു ഏഴിമല കണ്ടെത്താന്‍ ആകുമോ .എഴിമലയുടെ തന്ത്ര പ്രാധാന്യം വിവരമുള്ളവര്‍ക്ക് മനസ്സിലാകും .
വ്യവസായ ലോബിയുടെ ഇംഗിതത്തിനു വഴങ്ങി നമ്മുടെ നാണ്യ വിളകളുടെ വില സ്ഥിരത തകര്‍ത്തതും നാം മറക്കണോ.കേന്ദ്രത്തില്‍ ഷുഗര്‍ ലോബിയുടെയും ടയര്‍ ലോബിയുടെയും താല്പര്യങ്ങള്‍ക്ക് അനുസരിച്ച് പ്രവര്‍ത്തിക്കാന്‍ ആളുണ്ട് . കേരളത്തിലെ പാവം കര്‍ഷകന് കേന്ദ്രത്തില്‍നിന്നും എന്താണ് പ്രതീക്ഷിക്കാനുള്ളത്‌ .
APL വിഭാഗത്തില്‍ പെട്ടവര്‍ക്ക് വിതരണം ചെയ്യാനുള്ള അരിയുടെ 75 % കേന്ദ്രം വെട്ടിക്കുറച്ചു .
നാണമാവില്ലേ ഇവറ്റകള്‍ക്ക് .ഇലക്ഷന്‍ അടുക്കുമ്പോള്‍ വന്നിട്ട് കേരളത്തിന് പിച്ച തന്നതിനെ പ്പറ്റി മേനി പറയാന്‍ .

Tuesday, April 7, 2009

കോമരങ്ങള്‍ .

തിരഞ്ഞെടുപ്പ് അടുക്കുമ്പോള്‍ ജാതി മത കോമരങ്ങള്‍ ഉറഞ്ഞാടുന്ന കാഴ്ച ആണ് നാം കാണുന്നത് .സ്വാര്‍ഥ ലാഭങ്ങള്‍ക്ക് വേണ്ടി ഈ കോമരങ്ങള്‍ നടത്തുന്ന ജല്‍പ്പനങ്ങള്‍ ജനം അപ്പാടെ വിശ്വസിക്കും എന്ന് കരുതാനാകുമോ .ഈ അവസ്ഥക്ക് ഉത്തരവാദികള്‍ രാഷ്ട്രീയ പാര്‍ടികള്‍ തന്നെ എന്നും നമുക്കറിയാം .എല്ലാ സ്ഥാനാര്‍ഥികളും കണിച്ചുകുളങ്ങരയിലേക്ക് തീര്‍ഥാടനം നടത്തിയതും നാം കണ്ടു .നടേശ ഗുരു എല്ലാവരെയും അനുഗ്രഹിച്ചു വിട്ടു .പണിക്കര് സ്വാമികളും പ്രകടനം ഒട്ടും മോശമാക്കിയില്ല .പിതാക്കന്മാരും തിരുമേനിമാരും എല്ലാവരെയും അനുഗ്രഹിച്ചില്ല.
കേരളത്തില്‍ ഇത്രയും ജാതി സംഘടനകള്‍ ഉണ്ടെന്നു നാം അത്ഭുതത്തോടെ മനസിലാക്കുന്നു . അപ്പോള്‍ ജാതി സംഘടനകളുടെ പിന്തുണ ഇല്ലെന്കില്‍ കേരളത്തില്‍ ഒരു സ്ഥനാര്തിയും ജയിക്കില്ല എന്ന അവസ്ഥ ആയോ .
മാധ്യമ കോമരങ്ങളും അവരുടെ ദൌത്യം കൃത്യമായി നിര്‍വഹിച്ചു വരുന്നു .ഓരോരുത്തര്‍ക്കും ഓരോ അജണ്ട ഉണ്ടെന്നു മനസ്സിലാകാന്‍ മൂന്നാം കണ്ണിന്റെ ആവശ്യം വരുമെന്ന് തോന്നുന്നില്ല .നല്ല പരസ്യം കിട്ടിയാല്‍ എന്തോ മാധ്യമ ധര്‍മം . മാധ്യമങ്ങള്‍ ഇപ്പോള്‍ പാര്‍ട്ടികള്‍ക്ക് വേണ്ടി ഓരോ പാക്കേജ് അവതരിപപിച്ചിട്ടുന്ടെന്നു കേള്‍ക്കുന്നു . പതിനഞ്ചു ഇരുപതു ല്ക്ഷം കൊടുത്താന്‍ ഭേദപ്പെട്ട coverage കൊടുക്കും .പുതിയ പത്ര ധര്‍മം .
നമ്മുടെ ജനാധിപത്യം ഇത്ര അധപ്പതിച്ചു പോയല്ലോ .
കേഴുക പ്രിയ നാടേ.

Sunday, April 5, 2009

ഖദറില്‍ പൊതിഞ്ഞ ചതി .........

രാഷ്ട്രീയത്തില്‍ കരിയരിസ്റ്റ് എന്ന വിശേഷണം ഒരു ഭൂഷണം ആയി കരുതാത്തവര്‍ ഏറെ ഉണ്ടാവും .പക്ഷെ ഈ അടുത്ത കാലത്ത് കരിയരിസ്റ്റുകള്‍ ഇടിച്ചു കേറുന്ന കാഴ്ചകളാണ് നാം കാണുന്നത് . കോണ്ഗ്രസ് കാര്‍ വേഷം കെട്ടിയിറക്കിയ തരൂര്‍ ഒരു കരിയരിസ്റ്റ് അല്ലാതെ മറ്റെന്താണ് .
തന്റെ ഉന്നതിക്കു വേണ്ടി ആരെയും തള്ളിപ്പറയാനും ,പറഞ്ഞവ തിരിച്ചു വിഴുങ്ങാനും ഒരു മടിയും ഇല്ലാത്ത ഇവരെ നാം സൂക്ഷിക്കണം .മറ്റൊന്നുമല്ല നാളെ നമ്മളെയും തള്ളിപ്പറയില്ല എന്ന് എന്തെങ്കിലും ഉറപ്പുണ്ടോ .ഒരു മുന്‍ നയതന്ത്ര വിദഗ്ധന്‍ പറയുന്നത് തരൂരിന് എതിരെ പറയുന്നതെല്ലാം അടിസ്ഥാനരഹിതം ആണെന്നാണ്‌ .ജനങ്ങള്‍ വായിച്ചും കേട്ടും മനസ്സിലാക്കിയ കാര്യങ്ങള്‍ തന്നെയാണ് ഈ എതിര്‍ അഭിപ്രായങ്ങള്‍ക്ക് ആധാരം .ആരും പുതുതായി കണ്ടു പിടിച്ചതല്ല .
ഇന്ത്യയെ അപഹാസ്യമായ രീതിയില്‍ ചിത്രീകരിച്ച് സായിപ്പന്മാരുടെ കയ്യടി വാങ്ങാനാണ് നോവലുകളിലൂടെ അദ്ദേഹം ശ്രമിച്ചിട്ടുള്ളത് . imperialist , Zionist ചിന്താധാരകളാണ് അദ്ദേഹത്തിന്റെ ലേഖനങ്ങളുടെ മുഖമുദ്ര എന്ന കാര്യം നമുക്കു വിസ്മരിക്കാന്‍ കഴിയില്ല . വംശീയ ശുദ്ധീകരണം മുന്‍നിര്‍ത്തി എന്ത് ക്രു‌രതയും ചെയ്യാന്‍ മടിക്കാത്ത ഇസ്രായിലിനെ ന്യായികരിക്കാന്‍ ഒരു മടിയും കാണിക്കാത്ത ഈ മനുഷ്യന്‍ ആരുടെ മിത്രമാണ് .
ഒരു സ്ഥാനാര്‍ഥിയുടെ ക്രിമിനല്‍ പശ്ചാത്തലം അന്വേഷിക്കുന്ന പോലെ അയാളുടെ വിശ്വാസ പ്രമാണങ്ങളെ ക്കുറിച്ചും അന്വേഷിക്കേണ്ടതല്ലേ . എന്നാലല്ലേ അയാള്‍ ആരുടെ കൂടെയാണെന്ന് മനസ്സിലാക്കാന്‍ കഴിയു. റേഷന്‍ അരി കാണാത്തവന്‍ എങ്ങനെ റേഷന്‍ അരി കിട്ടാത്തവന്റെ ദുഃഖം മനസ്സിലാക്കും .
ഒരു സാധാരണ കോണ്‍ഗ്രെസ്സുകാരെന്റെ മഹത്വം പോലും ഇയാള്‍ക്ക് അവകാശപ്പെടാനില്ല .
തരം പോലെ വേഷം മാറി നമ്മെ പറ്റിക്കാന്‍ വരുന്ന ഈ അവതാരങ്ങളെ തിരിച്ചറിയേണ്ട കാലം ആയിരിക്കുന്നു . മിന്നുന്നതെല്ലാം പൊന്നല്ല .

Saturday, April 4, 2009

പുണ്യാളനും മിസൈലും ?????

നമ്മള്‍ ചിലപ്പോള്‍ അറിഞ്ഞോ അറിയാതയോ ചിലര്‍ക്ക് ചില പരിവേഷം ചാര്‍ത്തി കൊടുക്കാറുണ്ട് .അങ്ങനെ കോണ്‍ഗ്രസ്സ്കാര്‍ ശ്രീമാന്‍ ആന്റണിയെ പുണ്യവാളന്‍ ആക്കി .പ്രതിസന്ധി ഘട്ടം വരുമ്പോള്‍ രാജി വയ്ക്കുക ,കൂടെ നില്‍ക്കുന്നവരെ കുരുതി കൊടുക്കുക ഇതൊക്കെയാണ് ഇദ്ദേഹത്തിന്റെ പ്രധാന അടവ് നയങ്ങള്‍ . ഒരു പ്രഭാവലയം ഉണ്ടാക്കി തടിതപ്പുക മുതലായ പൂഴിക്കടകന്‍ പ്രയോഗങ്ങള്‍ ഇദ്ദേഹത്തിനു മാത്രം സ്വന്തം .
പതിനായിരം കോടി ഉറുപ്പികയുടെ ഇസെരിലുമായുള്ള ആയുധ കരാറിനെ പ്പറ്റി ആരോപണം ഉയര്‍ന്നപ്പോള്‍ ഇദ്ദേഹം കുറച്ചു നാള്‍ മൌനം വരിച്ചു .ഒടുവില്‍ തിരുവനന്തപുരത്ത് വന്നു വാ തുറന്നു .പത്രക്കാരുടെ സംശയങ്ങള്‍ക്ക് വ്യക്തമായി മറുപടിപറയാന്‍ കഴിഞ്ഞില്ല എന്നത് സത്യം .രണ്ടു വര്‍ഷമായി ചര്‍ച്ച ചെയ്യുന്ന കരാര്‍ ആണ് ഇതു എന്നാണ് പറഞ്ഞതു . അപ്പോള്‍ ഒരു സംശയം .അങ്ങനെയെങ്കില്‍ എന്തിന് തിരഞ്ഞെടുപ്പ് പ്രഖ്യാപനത്തിന് രണ്ടു ദിവസം മുമ്പ്‌ ധൃതി പിടിച്ചു ഈ കരാറില്‍ ഒപ്പിട്ടു . അതും ആരും അറിയാതെ .അറുനൂറു കോടി ഉറുപ്പികയുടെ "ബിസിനസ്സ് ചാര്‍ജ്ജസ് " എന്താണെന്ന് ഇതു വരെ വ്യക്തമാക്കി യിട്ടില്ല . ഇടനിലക്കാരന്‍ ഉണ്ടെങ്കില്‍ കരാര്‍ ഉപേക്ഷിക്കാം എന്നാണു വകുപ്പ് എന്ന് ആന്റണി പറയുന്നു .മന്ത്രി കമല്‍ നാഥിന്റെ മരുമകന്‍ ആണ് agent എന്ന് ഡി എന്‍ എ പത്രം ആരോപിക്കുന്നു .ഇതിനൊന്നും ഉത്തരം ഇല്ല .പാകിസ്താന്‍ എന്ന ഉമ്മാക്കി കാണിച്ചു പാവം ജനങ്ങളുടെ കണ്ണില്‍ മണ്ണിടാന്‍ ശ്രമിക്കുന്നു . ഐ എ ഐ എന്ന ഇസ്രേല്‍ സ്ഥാപനം അത്ര നല്ല ട്രാക്ക് റെക്കോര്‍ഡ് ഉള്ള സ്ഥാപനം അല്ലെന്നാണ് പറയുന്നത് .ഈ അഴിമതി ആരോപണം ആദ്യം വെളിയില്‍ കൊണ്ടുവന്നത് ഡി എന്‍ എ പത്രമാണ്‌ .ഒരാഴ്ച പ്രതിരോധ മന്ത്രാലയം കുറ്റകരമായ നിശ്ശബ്ദത പാലിച്ചു .ഏതായലുമ് ഒരു മാസം കൊണ്ടു മിസൈല്‍ ടെക്നോളജി വികസിപ്പിച്ചെടുക്കാന്‍ കഴിയില്ലല്ലോ .കൊണ്ഗ്രെസ്സ്കാരെല്ലാം പ്രതിരോധത്തിലാണ് എന്നതും ശ്രദ്ധേയമാണ് .ആന്റണി ചെയ്യില്ല ,ചെയ്യില്ല എന്ന് നാഴികക്ക് നാല്‍പ്പതു വട്ടം ഒരുവിട്ടത് കൊണ്ടൊന്നും കാര്യമില്ല . ഇതിനെ പ്പറ്റി ഒരു ഇസ്രേലി പത്രം എഴുതിയതാണ് രസകരം ,ഇന്ത്യയിലെ മുസ്ലിം സംഘടനകള്‍ ഈ കരാറിനെ അട്ടിമറിക്കാന്‍ ശ്രമിക്കുന്നു എന്ന് . നമുക്കല്ലേ അവരുടെ പെടാപ്പാട് അറിയൂ . അടുത്ത ബോഫോഴ്സ് ആണോ ഇതു .ഒരു പാവം പൌരന്റെ സംശയം .

Friday, April 3, 2009

സി ബി ഐ യുടെ ക്രു‌രകൃത്യം !!!!!!!!!

ദില്ലിയില്‍ മൂവായിരത്തോളം സിക്ക് കാരെ കൊന്ന കേസിലെ മുഖ്യ പ്രതിയായ ജഗ്ദിഷ് ടൈട്ലെരിനു സി ബി ഐ ക്ലീന്‍ ചിറ്റ് നല്‍കിയിരിക്കുന്നു . ഇതാര് വിശ്വസിക്കും .അല്ലെങ്കില്‍ ആരെ വിശ്വസിപ്പിക്കാനാണ് .രാജ്യത്തെ പരമോന്നത അന്വേഷണ ഏജന്‍സിയെ ഭരണകൂടം എങ്ങനെ തരപ്പെടുത്തി എടുക്കുന്നു എന്നതിന് ഒരു പ്രത്യക്ഷ ഉദാഹരണം . സി ബി ഐ യുടെ വിശ്വാസ്യത ഇത്ര അപഹാസ്യ മായ രീതിയില്‍ തരം താണ് പോയ നിമിഷങ്ങള്‍ ചരിത്രത്തില്‍ വേറെ അധികം ഉണ്ടാകില്ല .
ഈ കൂട്ടക്കൊലയില്‍ കൊല്ലപ്പെട്ടവരുടെ ബന്ധുക്കളുടെ ശാപം കൊണ്ഗ്രെസ്സിന്റെ തലയില്‍ ഇടിത്തീ പോലെ പതിക്കുമെന്നത് തീര്‍ച്ചയാണ് .
സദാചാരം പ്രസംഗിക്കുന്ന കൊണ്ഗ്രെസ്സുകാര്‍ക്ക് എന്ത് മറുപടി പറയാനുണ്ട് .മാനിപുലെഷനില്‍ മാത്രം അഭിരമിക്കുന്ന കോണ്‍ഗ്രസ് എത്രനാള്‍ ഇരുട്ട് കൊണ്ടു ഓട്ടഅടയ്ക്കും . തങ്ങളുടെ കാല്‍ ചുവട്ടിലെ മണ്ണ് ഒലിച്ചു പോകുന്നത് കണ്ടിട്ടും കണ്ടില്ല എന്ന് നടിക്കുന്നു .

Wednesday, April 1, 2009

അമീര്‍ -ഒരു ദൃശ്യാനുഭവം

യാദര്‍ഛികമായി ഉണ്ടാകുന്ന ചില കണ്ടു മുട്ടലുകള്‍ സുദീര്‍ഘമായ സുഹൃത്ത് ബന്ധങ്ങള്‍ ആയി തീരാറുണ്ട് . അതുപോലെ ഒരു മുന്നൊരുക്കവും കൂടാതെ നമ്മള്‍ തിരങ്ങെടുക്കുന്ന ചില പുസ്തകങ്ങള്‍ ,സിനിമകള്‍ നമ്മുടെ മനസ്സിനെ ഗാഢമായി പുല്കാറുണ്ട് . അങ്ങനെ ഉള്ള ഒരു കണ്ടുമുട്ടലിനെ പറ്റിയാണ് പറയുന്നത് .
ഒരു വീഡിയോ കടയില്‍ നിന്നും കയ്യില്‍ വന്നു പെട്ട ഒരു സിനിമ ആണ് അമീര്‍ .നായകന്റെ വേഷം അവതരിപ്പിക്കുന്നത് ഒരു പുതു മുഖം ആണെന്ന് മനസ്സിലായപ്പോള്‍ സന്തോഷം തോന്നി . സ്ഥിരം ഹിന്ദി സിനിമകളുടെ ജാടകള്‍ ഒന്നും കാണില്ലല്ലോ എന്ന് മനസ്സു പറഞ്ഞു .എന്നാലും വലിയ പ്രതീക്ഷ ഉണ്ടായിരുന്നില്ല .ഏറ്റവും ആകര്‍ഷിച്ചത് സിനിമക്ക് നല്കിയ നിര്‍വചനം ആണ് - "നമ്മുടെ വിധി നിര്‍ണയിക്കുന്നത് നാം തന്നെ ആണെന്ന് ആര്‍ പറഞ്ഞു ?".
ആദ്യത്തെ ഷോട്ട് തന്നെ മനസ്സില്‍ ഉടക്കി . ദീര്‍ഘ നാളത്തെ വിദേശ വാസത്തിനു ശേഷം നാട്ടില്‍ വന്ന ഒരു എന്‍ ആര്‍ഐ യെ തലങ്ങും വിലങ്ങും ചോദ്യം ചെയ്യുന്ന എയര്‍പോര്‍ട്ട് ഉദ്യോഗസ്ഥര്‍ .കാരണം മറ്റൊന്നുമല്ല .അയാള്‍ ഒരു മുസ്ലിം ആണ് .ഒരു വിധം പുറത്തു കടക്കുന്ന അയാളെ കാത്തിരിക്കുന്നത് അതിലും വലിയ അത്ഭുതങ്ങളാണ് .വീട്ടില്‍ വിളിച്ചപ്പോള്‍ ആരും ഫോണ്‍ എടുക്കുന്നില്ല .പൊടുന്നനെ ഹെല്‍മെറ്റ്‌ വെച്ച രണ്ടു യുവാക്കള്‍ ഒരു സെല്‍ ഫോണ്‍ ഇയാള്‍ക്ക് എറിഞ്ഞു കൊടുക്കുന്നു . ഫോണ്‍ റിങ്ങ് ചെയ്യുന്നു .മറ്റേ തലക്കല്‍ നിന്നും ഒരു അപരിചിത ശബ്ദം പറയുന്നു ,അമീറിന്റെ കുടുംബത്തെ അയാള്‍ ഹോസ്ടാജ് ആക്കിയിരിക്കയാണെന്ന് ,ഇനിയും അയാള്‍ പറയുന്നത് പോലെ പ്രവര്‍ത്തിച്ചാല്‍ കുടുംബത്തെ മോചിപ്പിക്കാംഎന്നും . ഉദ്വേഗം നിറഞ്ഞ നിമിഷങ്ങലാളിനി. ഒരു തീവ്രവാദി സംഘത്തിന്റെ തലവനാണ് മറ്റേ ആള്‍ എന്ന് അമീറിന് മനസ്സിലാകുന്നു . പഴയ മുംബൈയുടെ ഗള്ളി കളിളുടെയും ചെരികളിലുടെയും അയാളുടെ നിര്‍ദേശ പ്രകാരം അമീര്‍ യാത്ര ചെയ്യുന്നു .കഥ നീട്ടി പറയുന്നില്ല .ഒടുവില്‍ തീവ്ര വാദിയുടെ നിര്‍ദേശ പ്രകാരം ബസ്സില്‍ ബോംബ് നിറച്ച ഒരു ചുവന്ന പെട്ടി വയ്ക്കാന്‍ അമീര്‍ നിര്‍ബന്ധിതതന്‍ ആകുന്നു .പക്ഷെ അവസാന നിമിഷം ബസ്സില്‍ നിന്നും പെട്ടിയെടുത്ത്‌ മാറ്റി തന്റെ മാറോടു ചേര്‍ത്ത് ,ബോംബിനോടൊപ്പം കത്തി അമരുന്നു .തന്റെ ഒരാളുടെ ജീവനേക്കാളും മറ്റു നൂറു കണക്കിന് ആളുകളുടെ ജീവനാണ് കൂടുതല്‍ വില എന്ന തിരിച്ചറിവില്‍ അമീര്‍ എത്തുന്നു .ഇതാണ് കഥ സാരം .

രാജീവ് ഖണ്ടെല്വാല്‍ ആണ് നായകനായ ഡോക്ടര്‍ അമീര്‍ അലി യെ അവതരിപ്പിക്കുന്നത് .വാസ്തവത്തില്‍ ഒരു ദുരന്ത നായകന്റെ എല്ലാ വിഹ്വലകളും ഈ നടന്‍ നമ്മിലേക്ക്‌ പകരുന്നത് ചില നോട്ടങ്ങളും മറ്റും കൊണ്ടാണ് .വളരെ അയത്ന ലളിത മായ അഭിനയം .ഓരോ ഷോട്ടും നാം അനുഭവിക്കയാണ് . ഒരു ത്രില്ലര്‍ എന്ന് വേണമെങ്കില്‍ വിശേപ്പിക്കാവുന്ന ഈ ചിത്രം നമ്മെ മനുഷ്യന്റെ നിസ്സഹായതയെ വീണ്ടും വീണ്ടും ഓര്‍മപ്പെടുത്തുന്നു .സംഗീതത്തെ എങ്ങനെ സമര്‍ഥമായി ഉപയോഗിക്കാം എന്ന് ഈ ചിത്രം കാണിച്ചു തരുന്നു .രാജകുമാര്‍ ഗുപ്തയുടെ സംവിധാനം വളരെ മിതത്വം പാലിക്കുന്നു .ഒരു കല്ല്‌ കടിയും നമു‌ക്ക് അനുഭവപ്പെടുന്നില്ല . രണ്ടോ മൂന്നോ ആവര്‍ത്തി ഈ ചിത്രം കണ്ടാലും നമുക്ക് വിരസത അനുഭവപ്പെടുന്നില്ല . ഹിംസയുടെ പ്രതീകമായ ആ ചുന്ന പെട്ടി കുറച്ചു നാള്‍ എങ്കിലും നമ്മെ വേട്ടയാടിക്കൊണ്ടിരിക്കും .

Friday, March 27, 2009

ഇങ്ങനെയും ജീവിക്കുന്നവര്‍ !!!!!!

ഉപഭോക്തൃ സംസ്കാരത്തിന്റെ നീരാളി പിടുത്തത്തില്‍ നിന്നും കുതറി മാറാനുള്ള ശ്രമത്തില്‍ ഏര്‍പ്പെട്ടെരിക്കുന്ന ഒരു പറ്റം ആളുകളെ ഫ്രീജന്‍സ് എന്ന് വിളിക്കാം .ഒരു ബദല്‍ ജീവിത ശൈലി കരുപ്പിടിപ്പിക്കാന്‍ ഉള്ള ശ്രമം നടത്തുക്കയാണിവര്‍ . എന്ത് കുടില തന്ത്രങ്ങള്‍ ഉപയോഗിച്ചും ലാഭം ഉണ്ടാക്കുക എന്ന ഉദ്ദേശം വച്ച് ഉല്‍പ്പാദനം നടത്തുന്ന കോര്‍പ്പറേറ്റ് കളെ ചെറുത്തു തോല്‍പ്പിക്കുകയാണ് ഇവരുടെ ലക്ഷ്യം .

പ്രതി സംസ്കാരമെന്നോ ,ബദല്‍ ജീവിത രീതി എന്നോ വിശേഷിപ്പിക്കാവുന്ന ഈ പ്രസ്ഥാനത്തിന്റെ ഉദ്ദേശങ്ങള്‍ എന്താണെന്ന് പരിശോധിക്കാം . മുതലാളിത്ത സമ്പദ് വ്യവസ്ഥയെയും പണാധി പത്യത്തെയും ചെറുത്തു തോല്പ്പിക്കലാണ് ഇവരുടെ ലക്‌ഷ്യം . വാങ്ങല്‍ എന്ന പ്രക്രിയ തന്നെ പരമാവധി ഒഴിവാക്കാന്‍ ശ്രമിക്കുന്നു . പണം സമ്പാദിക്കാന്‍ വേണ്ടി ഇവര്‍ ജോലി ചെയു‌ന്നില്ല .ജീവിക്കുന്നത് തന്നെ പണമുണ്ടാക്കാന്‍ വേണ്ടി ആണെന്ന് വിശ്വസിക്കുന്ന ഈ കാലത്ത് ഇവര്‍ ആ വഴി മാറി നടക്കുന്നു .

അസാന്മാര്‍ഗിക മാര്‍ഗങ്ങളിലുടെ ലാഭം ഉണ്ടാക്കാന്‍ ശ്രമിക്കുന്ന കോര്‍പ്പറേറ്റ് കളെ ഒഴിവാക്കി ചിന്തിച്ചു തുടങ്ങിയ ഇവര്‍ കാലക്രെമേണ തിരിച്ചറിവിന്റെ പാതയില്‍ എത്തുന്നു .എല്ലാ മൂലധന വ്യവസ്ഥയുടെയും ലക്ഷ്യം കൂടുതല്‍ ലാഭം തന്നെ എന്ന് .
ഫ്രീ എന്നും വെഗാന്‍ എന്നും രണ്ടു വാക്കുകള്‍ കൂടി ചേരുന്നതാണ് ഫ്രീഗന്‍ . മൃഗങ്ങളില്‍ നിന്നും ഉള്ള ഉല്‍പന്നങ്ങള്‍ പരമാവധി ഒഴിവാക്കാന്‍ ഇവര്‍ ശ്രമിക്കുന്നു .ഇവര്‍ എങ്ങനെ ഭക്ഷണം കഴിക്കുന്നു എന്ന് സംശയിക്കുന്നവര്‍ ഉണ്ടാകാം ."അര്‍ബന്‍ ഫോരിങിന്ഗ് " എന്നാണ് ഇവരുടെ ഭക്ഷണ സമ്പാദന രീതിയെ ക്കുറിച്ച് പറയുന്നത് .പക്ഷി മൃഗാദികള്‍ എങ്ങനെ ഭക്ഷണം തേടുന്നുവോ ആ രീതി തന്നെ .ഭക്ഷണ ശാലകളില്‍ നിന്നും മറ്റും ഉപേക്ഷിക്കുന്ന കേടുവരാത്ത വിഭവങ്ങളില്‍ ഇവര്‍ അഭയം കണ്ടെത്തുന്നു .താമസിക്കുന്നതോ ഉപേക്ഷിക്കപ്പെട്ട കെട്ടിടങ്ങളില്‍ അല്ലെങ്കില്‍ പുറമ്പോക്കുകളില്‍ . ഭിക്ഷക്കാരും അങ്ങനെ ആണല്ലോ എന്ന് ചോദിക്കാം .ഭിക്ഷക്കാര്‍ നിവൃതികേടുകൊണ്ടും ഇവര്‍ സ്വയം തിരഞ്ഞെടുത്തതും .വ്യത്യാസം അതാണ്‌ .അമേരിക്കയിലും യുറോപ്പിലും ഈ പ്രസ്ഥാനം വ്യാപിച്ചു കഴിഞ്ഞു .മുതലാളിത്തത്തിന്റെ ഭീകരത അവര്‍ അത്ര മാത്രം അവര്‍ അനുഭവിച്ചു കഴിഞ്ഞു . പാരിസ്ഥിതിക പ്രശ്നങ്ങള്‍ ഉന്നയിച്ചു കൊണ്ടുള്ള ഒരു പോരാട്ടമായി ഇതിനെ വിശേഷിപ്പിക്കാം .മനുഷ്യന്‍ പ്രകൃതിയെ അത്ര മാത്രം ചൂഷണം ചെയ്തു കഴിഞല്ലോ .ഫോസ്സില്‍ ഫുവലിന്റെ ഉപഭോഗം പരമാവധി കുറക്കാന്‍ ഇവര്‍ പല ശ്രമങ്ങളും നടത്താറുണ്ട്‌ .പരസ്യത്തിന്റെ മായിക വലയത്തില്‍ വീണു പലപ്പോഴും അത്യാവശ്യമില്ലാത്ത പലതും നാം വാങ്ങി കൂട്ടാറുണ്ട്. ചിന്തിക്കുക , നഷ്ടം ആര്‍ക്കു ?
അണ്ണാറ ക്കണ്ണനും തന്നാലായത് .

Tuesday, March 24, 2009

ദേശീയ ഗാനവും തരൂരും

ദേശീയ ഗാനാലാപന വേളയില്‍ അതിനെ അവമതിക്കുന്ന രീതിയില്‍ പെരുമാറിയതിന് ശശി തരൂരിന് കോടതി സമന്‍സ് അയച്ചു .മു‌ന്നു സാക്ഷികളെ വിസ്തരിച്ചതിനു ശേഷമാണ് ഈ ഉത്തരവ് പുറപ്പെടുവിച്ചത് .ഇതും തെരഞ്ഞെടുപ്പും ആയി എന്ത് ബന്ധം എന്ന് ചോദിക്കുന്നവരുണ്ടാകാം .ഒന്നേ പറയാനുള്ളൂ .ദേശീയ ഗാനം ,ദേശീയ പതാക മുതലായവ ഒരു ജനതയുടെ ആത്മാഭിമാനത്തിന്റെ ,രാജ്യസ്നേഹത്തിന്റെ പ്രതീകങ്ങളാണ് . ഈ പ്രതീകങ്ങളെ ആര് അവമാനിച്ചാലും അവര്‍ക്ക് വേദന ഉണ്ടാകും .
ഓരോ രാജ്യവും അവരുടെ ദേശീയ ഗാനത്തെ ആദരിക്കുന്നത് അവരവരുടെ പ്രത്യേക രീതിയില്‍ ആയിരിക്കും .അമേരിക്കക്കാരന്‍ ചെയ്യുന്നത് പോലെ നാമും ചെയ്യണം എന്ന് പറയുന്നത് രാജ്യത്തോട് കൂറ് ഇല്ലാത്തത് കൊണ്ടല്ലേ .
മുമ്പും ഉന്നയിച്ച ഒരു സംശയം ആവര്‍ത്തിക്കുന്നു .ഈ "ലോക പൌരന്റെ" കൂറ് ആരോടാണ് . നമ്മോടോ അതോ അമേരിക്കയോടോ . അദ്ദേഹത്തിന് തിരഞ്ഞെടുപ്പിന് മല്‍സരിക്കാന്‍ പോലും അര്‍ഹത ഉണ്ടോ എന്ന് സംശയിക്കുന്നു .വാക്കിലും പ്രവൃത്തിയിലും അമേരിക്കന്‍ വിധേയത്വം വച്ചു പുലര്‍ത്തുന്ന ഈ മഹാന്‍ എങ്ങനെ കേരളത്തിലെ ഒരു മണ്ഡലത്തിന്റെ വികാരങ്ങള്‍ ഉള്‍ക്കൊള്ളും .
ജനകീയ ചെറുത്തു നില്‍പ്പുകളോട് ഇദ്ദേഹത്തിനു പണ്ടേ പുഛമാണ്. ജനകീയ കോടതിയിലും നീതിന്യായ കോടതിയിലും ഇദ്ദേഹത്തിന്റെ മാറ്റ് ഉരച്ചു നോക്കപ്പെടും .

Sunday, March 22, 2009

കോള രാഷ്ട്രീയം .

അവസാനം കോണ്‍ഗ്രസിന്റെ സ്ഥാനാര്‍ഥി പട്ടിക പുറത്തിറങ്ങി . മൂന്നു സിറ്റിംഗ് എം എല്‍ എ മാരും പട്ടികയില്‍ സ്ഥാനം നേടി . ചെറുപ്പക്കാരെയും വനിതകളെയും വേണ്ടവിധം പരിഗണിച്ചില്ല എന്ന് പരക്കെ പരാതി . കൂട്ടത്തില്‍ മുകളില്‍ നിന്നും കെട്ടിയിറക്കിയ സ്ഥാനാര്‍ഥികളും .
രാഹുല്‍ഗാന്ധിയുടെ ഹൈ ടെക് ഉപദേശ സമതിയിലെ അംഗമായ ശശി തരൂര്‍ സ്ഥാനാര്‍ഥി ആയതില്‍ ആരും അത്ഭുതപ്പെടെണ്ട കാര്യമില്ല . ഇതില്‍ രാഹുല്‍ ഗാന്ധിയുടെ താല്പര്യം മാത്രമേ ഉള്ളോ എന്നും പരിശോധിക്കേണ്ടിയിരിക്കുന്നു . അമേരിക്കന്‍ കോര്‍പ്പറേറ്റ് താല്‍പര്യവും ഇതിലുണ്ട്‌ എന്ന് പറഞ്ഞാല്‍ നിഷേധിക്കാന്‍ പ്രയാസമാകും .തരൂര്‍ ഇപ്പോള്‍ ഒരു കോള കമ്പനിയുടെ ഉപദേഷ്ടാവ് കൂടിയാണ് .ഈ കോള കമ്പനിക്ക് എതിരെ ഇപ്പോളും പ്ലാച്ചിമടയില്‍ സമരം നടന്നു കൊണ്ടിരിക്കയാണല്ലോ .ഈ കമ്പനി പ്ലാച്ചിമടയില്‍ ജല ചൂഷണവും പരിസ്ഥിതി മലിനീകരണവും നടത്തി എന്നതാണല്ലോ സമരത്തിന്‌ ആധാരമായ കാര്യം . ഈയിടെ കോള കമ്പനിയുടെ പ്രവൃത്തികളെ ന്യായികരിച്ചുകൊണ്ടു തരൂര്‍ ഒരു പത്ര പ്രസ്താവന ഇറക്കിയത് മിക്കവാറും എല്ലാവരും കണ്ടു കാണും . അപ്പോള്‍ തരൂരിന്റെ കൂറ് ആരോടാണെന്ന് വ്യക്തമല്ലേ .കോര്‍പ്പറേറ്റ് താല്പര്യങ്ങള്‍ക്ക് വേണ്ടി മാത്രം നിലകൊള്ളുന്ന ഒരു വ്യക്തിയെ , എത്ര വലിയവന്‍ ആണെങ്കിലും, അംഗീകരിക്കുന്നത് ആത്മഹത്യാപരമല്ലേ . പ്ലാച്ചിമട സമര നായിക മയിലമ്മയുടെ ആത്മാവിന് ആദരാഞ്ജലികള്‍ അര്‍പ്പിക്കാനുള്ള അവസരമായി നമുക്കു ഈ അവസരം ഉപയോഗിച്ചു കൂടെ .
ഇന്ന് ലോക ജല ദിനം .

Thursday, March 19, 2009

ദ ഗ്രേറ്റ്‌ ഇന്ത്യന്‍ സര്‍ക്കസ് !!!!!

ഈ പിള്ളേര്‍ക്കൊക്കെ എന്ത് പറ്റി. നില്‍ക്കാന്‍ ഒരു തറയും മുമ്പില്‍ കുറച്ചു ആളുകളും ഉണ്ടെങ്കില്‍ എന്തും പറയാം എന്ന അവസ്ഥ ആയി .വരുണ്‍ ഗാന്ധിയുടെ തീപ്പൊരി പ്രസംഗത്തെ പ്പറ്റിയാണ് പറയുന്നത് . അക്രമത്തിന് ആളുകളെ പ്രോല്‍സാഹിപ്പിക്കുന്ന തരത്തില്‍ പ്രസംഗിക്കുക. വെട്ടില്‍ വീണപ്പോള്‍ താന്‍ അങ്ങനെ അല്ല പറഞ്ഞത് എന്ന് പറയുക . കാവി പാര്‍ട്ടിക്ക് ഒരു നെഹ്‌റു കുടുംബാംഗത്തെ കൂടാതെ കഴിയില്ലല്ലോ .അപ്പുറത്തും ഇതു പോലൊരു സാധനം ഉണ്ടല്ലോ . നമ്മുടെ രാഷ്ട്രീയ പാര്‍ടികളുടെ അവസ്ഥ എത്ര പരിതാപകരം . നയങ്ങളുടെ കാര്യത്തില്‍ രണ്ടു പാര്‍ട്ടി കളും തമ്മില്‍ വലിയ അന്തരം ഇല്ലെന്നിരിക്കെ ചില പൊടികൈകള്‍ പ്രയോഗിച്ചല്ലേ പറ്റു . ഏതായാലും തെരഞ്ഞെടുപ്പ് കമ്മിഷന് പണിയായി .
മത പ്രീണനത്തില്‍ രണ്ടു കക്ഷികളും മോശമല്ല്ലോ .ഒരാള്‍ ഭൂരിപക്ഷ വര്‍ഗിയതെയും മറ്റെയാള്‍ ന്യൂനപക്ഷ വര്ഗീയതേയുമ് പ്രോല്‍സാഹിപ്പിക്കുന്നു അത്ര മാത്രം .
പിന്നെ മു‌ന്നാം മുന്നണി എന്ന പരീക്ഷണം .ഫലത്തില്‍ എത്തുമെന്ന് ബസു വിനു പോലും വിശ്വാസമില്ല .പണ്ട് കയ്യില്‍ കിട്ടിയ അവസരം നഷ്ട പ്പെട്ടത്തിന്റെ അരിശമാവാം. ബെഹന്ജിയും പുരൈചിതലവിയും തമ്മിലുള്ള ഫ്രീ സ്റ്റൈല്‍ ഗുസ്തി ഇനി കാണാന്‍ കിടക്കുന്നതെ ഉള്ളു . ഗൌടാജി പകുതി ഉറക്കത്തില്‍ പറയുന്ന കാര്യങ്ങള്‍ ആര് വിശ്വസിക്കും .ഏതായാലും വരുന്ന രണ്ടു മാസം കൊണ്ട് നമ്മുടെ നാട്ടിലെ സാമ്പത്തിക മാന്ദ്യം മാറിക്കിട്ടുമെന്ന് പ്രതീക്ഷിക്കാം .പതിനായിരം കോടി ഉറുപ്പിക അല്ലെ കളത്തില്‍ ഇറങ്ങാന്‍ പോകുന്നത് .
സാരെ ജഹാംസെ അച്ഛാ
ഹിന്ദു സിത ഹമാര .

Tuesday, March 17, 2009

മാത്യു ടി യെ എന്തിന് ബലി കൊടുത്തു !!!!!

മന്ത്രിസഭയിലെ ഏറ്റവും നല്ല മന്ത്രി ആയിരുന്ന മാത്യു ടി യെ രാജിവെപ്പിച്ചു ജനതാദള്‍ എന്ത് നേടാന്‍ പോകുന്നു എന്ന് മനസ്സിലാകുന്നില്ല .ദളിലെ ചില എം എല്‍ എ മാര്‍ക്ക് ഈ സ്ഥാനം കിട്ടാന്‍ പണ്ടേ മോഹമുണ്ടായിരുന്നു എന്ന കാര്യം പരസ്യമായ രഹസ്യം ആയിരിന്നു .അവസരം കിട്ടിയപ്പോള്‍ പാര വച്ചു അത്ര മാത്രം .അല്ലാതെ ഇതിനു വേറെ പരിവേഷം ഒന്നും നല്‍കേണ്ടകാര്യമില്ല . സ്വന്തം നാടായ വയനാട് നിന്നു മല്‍സരിക്കാന്‍ വീരന് എന്താണിത്ര പേടി . ഉറപ്പുള്ള സീറ്റിലെ അദ്ദേഹം മത്സരിക്കു എന്ന് തോന്നുന്നു .
ബസ്സ് ചാര്‍ജ് കുറക്കാന്‍ സന്നദ്ധത കാണിക്കയും അത് നടപ്പിലാക്കുകയും ചെയ്ത മന്ത്രി എന്ന നിലയില്‍ അദ്ദേഹം അഭിനന്ദനം അര്‍ഹിക്കുന്നു .മന്ത്രി ആയിട്ടും എം എല്‍ എ എന്ന നിലയിലുള്ള തന്‍റെ കടമകള്‍ നിര്‍വഹിക്കാന്‍ അദ്ദേഹം പ്രത്യേകം ശ്രദ്ധിച്ചിരുന്നു . മണ്ഡലത്തില്‍ അദ്ദേഹം ഒരു സജീവ സാന്നിധ്യം ആയിരുന്നു .നേരിട്ടു അറിവുള്ള കാര്യമായതിനാലാണ് ഇതു പറയുന്നതു .ഒരു മാതൃകാ ജനപ്രതിനിധി എങ്ങനെ ആയിരിക്കണം എന്ന് കാണിച്ചു തരികയും ചെയ്തു .
കേരളത്തിന് ഒരു നല്ല മന്ത്രിയെ നഷ്ടപ്പെട്ടു എന്ന ഖേദം അടക്കാന്‍ കഴിയുന്നില്ല .

Monday, March 16, 2009

തിരുമേനിമാര്‍ എന്തിന് സി പി എമ്മിനെ പേടിക്കുന്നു???

അഭിവന്ദ്യ തിരുമേനിമാര്‍ സി പി എമ്മിനെതിരെ ഇടയലേഖനങ്ങള്‍ പടച്ചു വിടുന്ന തിരക്കിലാണല്ലോ. തിരുമേനിമാരെ പ്രകോപിതരാക്കാന്‍ സി പി എം എന്ത് ചെയ്തു . വിശ്വാസികളെ വഴിതെറ്റിക്കാന്‍ ശ്രമിക്കുന്നു എന്ന് പ്രധാന ആരോപണം . അത്ര ഉറപ്പില്ലാത്ത നിലത്താണോ വിശ്വാസം നിലകൊള്ളുന്നത് . ജനപക്ഷ നിലപാടുകള്‍ സ്വീകരിക്കുന്ന പ്രസ്ഥാനമെന്ന നിലയില്‍ മനുഷ്യന്റെ എല്ലാ പ്രശ്നങ്ങളിലും ഇടപെടാന്‍ സി പി എമ്മിന് ബാധ്യത ഉണ്ട് . ഒരു അര്‍ദ്ധവതായ സംവാദം നടത്താന്‍ പോലും മത മേധാവികള്‍ ഒരുക്കമല്ല . തങ്ങളുടെ സാമ്രാജ്യം തകര്ന്നുപോകുമോ എന്ന ഭയം.
. ആത്മീയ കാര്യങ്ങളെ ക്കാള്‍ ഭൌതിക കാര്യങ്ങളില്‍ ഇടപെടാനാണ്‌ കുടുതല്‍ താല്പര്യം എന്ന് ആര്‍കെങ്കിലും തോന്നിയാല്‍ അവരെ കുറ്റം പറഞ്ങിട്ടു കാര്യമില്ല .

ഇന്ത്യയുടെ ഇതര സംസ്ഥാനങ്ങളില്‍ പള്ളികള്‍ തീവച്ചു നശിപ്പിക്കപ്പെട്ടപ്പോലും ,കന്യാസ്ത്രീകളെ മാനഭംഗ പ്പെടുത്തിയപ്പോഴും അവിടെ ആദ്യം ഓടി എത്തിയത് ആരാണ് .മറ്റാരുമല്ല സി പി എം തന്നെ . കേരളത്തില്‍ തന്നെ വൈക്കത്ത് സെമിത്തേരി പൊളിക്കാന്‍ ശ്രമം നടന്നപ്പോള്‍ അതിനെ ചെറുത്തു തോല്‍പ്പിച്ചത് ആരാണ് . തിരുമേനിമാര്‍ മണിമാളികകളില്‍ സ്വസ്ഥമായി കിടന്നു ഉറങ്ങുന്നതു ഇടതു പക്ഷ പ്രസ്ഥാനങ്ങളുടെ ശക്തമായ സാന്നിധ്യം ഒന്ന് കൊണ്ട് മാത്ര മാണെന്ന് തിരിച്ചറിയാന്‍ കഴിയുന്നില്ലേ .അതിനു കഴിയണം ,അല്പമെങ്കിലും സത്യസന്ധത മനസ്സില്‍ അവശേഷിക്കുന്നുണ്ടെങ്കില്‍.

കോണ്‍ഗ്രസിന്റെ ചില മണ്ഡലങ്ങളിലെ സ്ഥാനാര്‍ഥി കളെ നിശ്ചയിക്കുന്നത്‌ പോലും തിരുമേനി മാരാണെന്ന് തോന്നും കാര്യങ്ങളുടെ പോക്ക് കണ്ടാല്‍ .തിരുമേനിമാരുടെ മൂട് താങ്ങികളായ ചില കോണ്‍ഗ്രസ് നേതാക്കളാണ് അതിനു കാരണക്കാര്‍ . താല്‍ക്കാലിക ലാഭത്തിനു വേണ്ടി എന്തും ചെയ്യാന്‍ മടിയില്ലാത്ത കുറെ ചെറ്റ രാഷ്ട്രിയ ക്കാരാണ് ഈ ഇടപെടലുകള്‍ക്ക് വഴിയൊരുക്കുന്നത് എന്ന് സാധാരണ ജനങ്ങള്‍ മനസ്സിലാക്കും .

കുഞ്ഞാടുകള്‍ പഴയത് പോലെ ഇടയ ലേഖനങ്ങള്‍ ഉള്‍ക്കൊള്ളുന്നില്ല എന്ന സത്യം തിരുമേനിമാരെ അലട്ടുന്നുണ്ട് . അതാണല്ലോ ഇടയ ലേഖനങ്ങളുടെ ഈ മലവെള്ളപ്പാച്ചില്‍ . പ്രാര്‍ഥന മനസ്സിന് ശാന്തി നല്‍കാന്‍ ആണെന്നെന്നാണ് ധരിച്ചിരുന്നത് . പക്ഷെ ഈ പ്രതിഷേധ പ്രാര്‍ഥന .
സീസറിന് ഉള്ളത് സീസറിനും ദൈവത്തിനു ഉള്ളത് ദൈവത്തിനും ,പോരെ .

Saturday, March 14, 2009

ഗല്ലിവര്‍ ഇന്‍ ലില്ലിപെട് !!!!

എന്റെ അമ്മോ . തെരഞ്ഞെടുപ്പ് രംഗം കൊഴുക്കുകയാണല്ലോ. പൊന്നാനി സ്ഥാനാര്‍ഥി നിര്‍ണയം ഇത് വരെ എങ്ങും എത്തിയില്ല .മൂന്നാം അതാണിക്കുള്ള തിരച്ചില്‍ തുടരുന്നു . പാവം ഒരു കോളേജു വാദ്ധ്യാരെ ഉറക്കത്തില്‍ നിന്നും ഉണര്‍ത്തി സ്ഥാനാര്‍ഥി ആകാന്‍ പറയുന്നു .അത് കേട്ട് വിശ്വസിച്ചു അതിയാന്‍ ഗോദായില്‍ ഏറന്ങന്നു .ഇപ്പം വല്ല്യേട്ടനും വേണ്ട കുഞ്ഞേട്ടനും വേണ്ട . ഇനി ഇസ്ലാമിക ചരിത്ര പണ്ഡിതന്‍ എന്തോ ചെയ്യും . ഇപ്പോ കമലിന്റെ പുറകെ ആണെന്ന് കേള്‍ക്കുന്നു .ഒരു പുതിയ തിരക്കഥയുടെ പണിപ്പുരയില്‍ ആണ് അദ്ദേഹം .കമലിന്റെ കഞ്ഞി കുടി മുട്ടിച്ചേ അടങ്ങു എന്ന് തോന്നുന്നു . വീരന് ആശ്വാസമായി കോഴിക്കോട് കിട്ടുമെന്ന് തോന്നുന്നു .
അറുപത്തി അഞ്ചു പേരുടെ ലിസ്റ്റുമായി കുന്ഞ്‌ുഞ്ഞും ചെന്നിത്തലയും ദില്ലിക്ക് പറന്നു .പുറകെ ഭൈമി കാമുകരും . ദില്ലിയില്‍ ഇപ്പോ ലോഡ്ജില്‍ മുറികിട്ടാന്‍ വളരെ പ്രയാസം ആണത്രേ .
വടക്കനും ,തരു‌രിനും സീറ്റ് ഇല്ല എന്ന് കേള്‍ക്കുന്നു .വടക്കെന്റെ ഹൃദയ ഭേദകമായ ഒരു പ്രസ്താവന ഉണ്ടായിരുന്നു .തൃശ്ശൂരിലെ സമസ്ത ജാതി കളും തന്നോട് മത്സരിക്കണമെന്ന് ആവശ്യ പ്പെട്ടെന്നു വടക്കന്‍ .
തൃശ്ശൂരിനെ രക്ഷിക്കാന്‍ വടക്കന്‍ തന്നെ വേണമെന്ന് അഴിക്കോടും ,യൂത്ത് കോണ്‍ഗ്രസ് നേതാവും ഒഴിച്ച് മറ്റെല്ലാവര്‍ക്കും തോന്നിയത് വടക്കന്റെ കുറ്റമാണോ ? അവിടുത്തു കാര്‍ക്ക് ഭാഗ്യം ഇല്ലാതായി . മാഡം ചിലപ്പോള്‍ ഇടപെട്ടേക്കും . പെപ്സി യുടെ വ്യക്താവിനു എന്ത് പറ്റിയോ ആവോ . ഏതായാലുമ് പതിനാറു വരെ ഹൈ കമാന്‍ഡ് ലിസ്ടിനു മുകളില്‍ അടയിരിക്കാന്‍ തീരുമാനം ആയി .
മു‌ന്നാം മുന്നണി ശൂന്യാകാശത്തിലേക്ക് വിക്ഷേപിക്കപ്പെട്ടു .പേടകത്തിന്റെ ചില ഭാഗങ്ങള്‍ക്ക് തകരാകുകള്‍ ഉണ്ടെന്നു വിക്ഷേപക കേന്ദ്രത്തില്‍ നിന്നും അറിയുന്നു . കണ്ണും കാതും സദാ ജാഗരൂകമായി വയ്ക്കുക .

Wednesday, March 11, 2009

വീട്ടമ്മമാരുടെ കു‌ട്ടായ്മ !!!

വയനാട്ടില്‍ വീട്ടമ്മമാര്‍ ഒരു സംഘടന രൂപീകരിച്ചു എന്ന് അറിഞ്ഞു .വളരെ നല്ല കാര്യം .മുഖ്യധാരാ പത്രങ്ങള്‍ ഇതു വെറും തമാശയായി കണ്ടു എന്ന് തോന്നുന്നു . ആരുടെയെന്കിലും താങ്ങും തണലും ഇല്ലാതെ തുടങ്ങുന്ന പ്രസ്ഥാനങ്ങളെ അവഗണിക്കാന്‍ ആണല്ലോ നമുക്കു താല്പര്യം . സ്ത്രീ ശാക്തി കരണത്തെ ക്കുറിച്ച് വാതോരാതെ പറയുന്നവര്‍ പോലും ഒന്നും മിണ്ടുന്നില്ല . ഒരു ചെറിയ തീപ്പൊരി മതിയല്ലോ കാട്ട് തീ ആയി മാറാന്‍ .
ബോളിവിയയില്‍ ,അമിതമായി വെള്ളക്കരം കൂട്ടിയതിനെതിരെ ഒരു സംഘം സ്ത്രീ കളുടെ പ്രതിഷേധം ഒരു സമരാഗ്നി യായി പരിണമിച്ചു ഭരണ വര്‍ഗ്ഗത്തിന്റെ ഉറക്കം കെടുത്തിയത് ചരിത്ര മാണല്ലോ .

വീട്ടമ്മമാര്‍ എന്തിന് സംഘടിക്കുന്നു ? ഒരു കുടുംബം കരുപിടിപ്പിക്കുന്നതില്‍ വീട്ടമ്മ യുടെ സേവനം എത്ര മഹത്തരമാണെന്നു നമ്മള്‍ എപ്പോഴെങ്കിലും ചിന്തിക്കാറുണ്ടോ . ഉണ്ടാകാം , പക്ഷെ മിക്കവാറും എല്ലാവരും ഇതൊരു സൗജന്യസേവനമായി കാണുന്നു . ഉദ്യോഗസ്ഥകളായ വീട്ടമ്മമാരുടെ കാര്യമല്ല പറയുന്നതു . വീടിന്റെ നാല് ചുവരുകള്‍ക്കുള്ളില്‍ ഒതുങ്ങി നിന്നു ജീവിതത്തിന്റെ എല്ലാ കഷ്ടതകളും ദുരിതങ്ങളും ഏറ്റു വാങ്ങുന്ന കുറെ ഹതഭാഗ്യരുടെ കാര്യമാണ് .അവരുടെ വ്യാകുലതകളും വിഹ്വലതകളും പന്കുവക്കാന്‍ ഒരു വേദി ഉണ്ടാകുന്നത് നല്ലതല്ലേ . പ്രശ്നങ്ങള്‍ക്ക് പരിഹാരം കാണാന്‍ ഈ കു‌ട്ടായ്മ യിലുടെ ചിലപ്പോള്‍ കഴിഞ്ഞേക്കാം . സൗജന്യ സേവനം നടത്തുന്ന ഇവര്‍ക്ക് ഒരു അത്താണിയായി സര്‍ക്കാര്‍ നില കൊള്ളുന്നത്‌ നന്നായിരിക്കും . മുക്രിക്ക് വരെ പെന്‍ഷന്‍ കൊടുക്കുന്ന കാലമല്ലേ .

മറ്റൊരു കാര്യം .ഒരു രാഷ്ട്രീയ പാര്‍ട്ടിയും ഇതിന്റെ നേത്രുത്വം തട്ടിയെടുക്കാതെ സൂക്ഷിക്കേണ്ടതാണ് . പാര്‍ടികള്‍ക്ക് അടിയറ വച്ചാല്‍ കഥ കഴിഞ്ഞു എന്ന് കരുതിയാല്‍ മതി .

വീട്ടമ്മമാരെ ആശംസകള്‍ .

Sunday, March 8, 2009

വിക്രമാദിത്യനും വേതാളവും !!

പൊന്നാനി ഇടതു മുന്നണിക്ക്‌ കീറാമുട്ടി ആയിരിക്കുന്നു .പി ഡി പി ക്ക് സമ്മതനായ ഒരു സ്ഥാനാര്‍ഥിയെ അവിടെ നിര്‍ത്തണം പോലും .കേട്ടാല്‍ തോന്നും പി ഡി പി മുന്നണിയിലെ ഘടക കക്ഷി യാണെന്ന് . മദനിമാരും മറ്റുള്ളവരും ഇടതു മുന്നണിയിലെ കാര്യം തീരുമാനിച്ചു തുടങ്ങിയോ . പ്രശ്നം അതല്ല .പി ഡി പി ക്ക് പൊന്നാനിയില്‍ അന്‍പതിനായിരം വോട്ടില്‍ കുടുതല്‍ ഉണ്ടെന്നു . ഏതു കുറുക്കന്റെ കൂട്ട് പിടിച്ചാലും ജയിച്ചാല്‍ മതി . പിന്നെ കോണ്‍ഗ്രസ് ബി ജെ പി രഹസ്യ ബാന്ധവത്തെ ക്കുറിച്ച് എന്തിനു പരാതി പ്പെടുന്നു .എല്ലാവനും നമ്മളെ കുപ്പിയില്‍ ഇറക്കുന്നു . വലെയേട്ടന്റെ കണ്നുരുട്ടു പഴേപോലെ ഏക്കുന്നില്ല എന്ന് തോന്നുന്നു . അച്ചിയും നായരും ആയിട്ട് എന്നും അടി ആണല്ലോ . വെളിയം മസില്‍ പിടിച്ചു നില്ക്കയാണല്ലോ. ഒടുവില്‍ സാധാരണ പോലെ കാറ്റ് പോയ ബലൂണ്‍ ആകാതിരുന്നാല്‍ കൊള്ളാം .
തോളത്തു കേറ്റി വച്ച വേതാളം പോലെയായി മദനി . താഴത്ത് വക്കാനും വയ്യ , ഒന്നും പറയാനും വയ്യാത്ത അവസ്ഥ . മദനി ആണ് ഇപ്പോള്‍ താരം .ചാനലുകാര്‍ മദനിയുടെ മൊഴിമുത്തുകള്‍ പെറുക്കിയെടുക്കാന്‍ നെട്ടോട്ടമാണ് . രംഗം നല്ലപോലെ കൊഴുക്കുന്നുണ്ട് . എന്തൊരു സെകുലര്‍ പാര്‍ടികള്‍ .
ഇനി തെരഞ്ഞെടുപ്പ് തീയതി മാറ്റാന്‍ ഉള്ള ശ്രമം ആണെന്ന് കേട്ടു. ഈ പണ്ടാരം എത്രയും നേരത്തെ കഴിഞ്ഞിരുന്നെന്കില്‍ .സ്വസ്ഥമായിട്ട് വെളിയില്‍ ഇറങ്ങി നടക്കാമല്ലോ . ഇലക്ട്രോണിക് യന്ത്രം ആയതു കൊണ്ട് അസാധു വിനും സ്കോപ് ഇല്ലല്ലോ .

Friday, March 6, 2009

മല്ലയ്യ മുതലാളി കീ ജയ് !

മല്ലയ്യ മുതലാളി ,അങ്ങയോടു ഭാരതം കടപ്പെട്ടിരിക്കുന്നു .ബാപ്പുവിന്റെ ശേഷിപ്പുകള്‍ ലേലത്തില്‍ പിടിച്ചതിനു . ഒരു പീറ സായിപ്പ് നമ്മളെ വെരിട്ടി ക്കളഞ്ഞില്ലേ . ദില്ലി ഹൈക്കൊടതിയുടെ വിധിയെപ്പറ്റി ലേല സ്ഥാപനത്തിന്റെ ഉടമസ്ഥന്‍ ഒന്നു കൊട്ടി വിട്ടു . അതും നാണക്കേടായി . പോട്ടെ എല്ലാം ശുഭ പര്യവസായി ആയല്ലോ . ഭാഗ്യം . നാണം കേട്ട കുറെ കേന്ദ്ര മന്ത്രിമാര്‍ .അംബിക സോണി യുടെ മട്ടു കണ്ടാല്‍ സായിപ്പ് പേടിച്ചു എല്ലാം അടിയറവു വയ്ക്കും എന്ന് തോന്നി .

Thursday, March 5, 2009

മഹാത്മാവേ മാപ്പ് .

ഗാന്ധിജിയുടെ ചെരുപ്പ് ,കണ്ണട,വാച്ച് ,പാത്രങ്ങള്‍ മുതലായവ അമേരിക്കയില്‍ ലേലത്തിന് വച്ചിരിക്കുന്നു എന്ന വാര്‍ത്ത ഞെട്ടലോടെ ആണ് കേട്ടത് . തൊട്ടതിനും പിടിച്ചതിനും എല്ലാം മഹാത്മാവിനെ പിടിച്ചു ആണയിടുന്നവര്‍ക്ക് ഇതു വലിയ കാര്യം അല്ലായിരിക്കാം .രാഷ്ട്ര പിതാവിനെ ബഹുമാനിക്കുന്ന ,സ്നേഹിക്കുന്ന ഒരു പറ്റം ആളുകളെങ്കിലും ഇപ്പോഴും അവശേഷിക്കുന്നുണ്ട് . വല്ല പണക്കാരന്റെയും സ്വീകരണ മുറി അലങ്കരിക്കാന്‍ ഉള്ളതല്ല ഈ ചരിത്രാവശിഷ്ടങ്ങള്‍ എന്ന് വിശ്വസിക്കുന്നവരാണ് കൂടുതല്‍ ആളുകളും .ഇന്ത്യാ ഗവെര്‍മെന്റിന്റെ വൈകിയ വേളയിലെ ഇടപെടലുകള്‍ ഫലവത്തായിട്ടില്ല എന്നാണറിയുന്നത് .ഏറ്റവും വലിയ തമാശ അതല്ല . ഇന്ത്യയുടെ ജിഡി പി യുടെ അഞ്ചു ശതമാനം പാവപ്പെട്ടവര്‍ക്കായി മാറ്റി വയ്ക്കാം എങ്കില്‍ എല്ലാം തിരിച്ചു തരാം എന്ന് ലേലത്തിന് വച്ചവന്‍ . ലോകശക്തി ആകാന്‍ ശ്രമിക്കുന്ന നമ്മോടുള്ള ബഹുമാനം .അപാരം തന്നെ .പോരാത്തതിന് ദില്ലി ഹൈ ക്കോടതി ലേലം നിരോധിക്കുകയും ചെയ്തിട്ടുണ്ട് . സായിപ്പ് എന്ത് ചെയ്യും .നാണക്കേടായി .എല്ലാം വിറ്റു തിന്നുന്നവന് ഇതു വല്ലോം പ്രശ്നമാണോ ?

Tuesday, March 3, 2009

പൂരം കാണാന്‍ പോയവര്‍ ?

പാര്‍ലമെന്റിന്റെ അകത്തളങ്ങളില്‍ മുഴങ്ങിക്കേട്ട ശബ്ദങ്ങളുടെ സ്ഥിതിവിവര ക്കണക്കുകള്‍ പ്രസിദ്ധപ്പെടുത്തിയിരിക്കുന്നു .കോടിക്കണക്കിനു രൂപ ചെലവാക്കി ഇവരെ അങ്ങോട്ടേക്ക് കെട്ടിയെടുത്തത് എന്തിനെന്ന് ആരും ചോദിച്ചു പോകും .അവിടെ എന്തെങ്കിലും പറയാന്‍ വാപൊളിച്ചത് നൂറില്‍ താഴെ ആളുകള്‍ മാത്രം . ശമ്പളവും ദിനബത്തയും ആയി ലക്ഷക്കണക്കിന് രൂപ മാസവും കൈപ്പറ്റുന്ന ഇവര്‍ എന്തിനു അവിടെ ഇരുന്നു ഉറങ്ങുന്നു . സോണിയാജി വാ പൊളിച്ചത് മൂന്നേ മൂന്നു പ്രാവശ്യം മാത്രം .പലപ്പോഴും ഉറക്കം വരാതിരിക്കാന്‍ പാട്പെടുന്ന പോലെ തോന്നി .യുവ രാജാവ് രാഹുല്‍ ഗാന്ധിയും തഥൈവ .കൂടുതല്‍ പറഞ്ഞു മണ്ടത്തരം എഴുന്നള്ളിക്കണ്ട എന്ന് വിചാരിച്ചു ആയിരിക്കാം . ചില കിഴവന്‍ സിനിമാ താരങ്ങള്‍ കമാന്നൊരു അക്ഷരം മിണ്ടിയിട്ടില്ല . ഇവരൊക്കെ എന്തിനാണാവോ അവിടെ വരുന്നത് .
ഇടതു പക്ഷ എം പി മാരുടെ പ്രകടനമാണ് ഭേദം എന്നും റിപ്പോര്‍ട്ട് ഉണ്ട് .കിട്ടിയ അവസരം ശരിക്കും വിനിയോഗിച്ചതായി കാണുന്നു .
കേരളത്തില്‍ നിന്നും പി സി തോമസ് തന്നെ മുന്നില്‍ .അമിതാവേശം കാരണം പലപ്പോഴും സഭക്ക് പുറത്തു പോകേണ്ടി വന്നിട്ടുന്ടെന്കിലും . മുഴുവന്‍ മാര്‍ക്കും അര്‍ഹിക്കുന്നു . കേരളത്തില്‍ നിന്നും ഉള്ള മറ്റുള്ളവരും അത്ര മോശമായിരുന്നില്ല .
ഇതാണ് നമ്മുടെ പാരലമെന്ടരി ജനാധിപത്യം .നമ്മള്‍ ഊററം കൊള്ളുന്ന ജനാധിപത്യം . കഷ്ടം .

Sunday, March 1, 2009

പ്രത്യയ ശാസ്ത്രം നാണം മറയ്ക്കില്ല .

മഹാ സമുദ്രവും മണലാരണ്യവും ഒരുപോലെ മലയാളിയെ വേട്ടയാടി ക്കൊണ്ടിരക്കയാണല്ലോ. മഹാസമുദ്രത്തില്‍ ഉപ്പുവെള്ളം കുടിച്ചു ചാകാം .മണലാരണ്യത്തില്‍ വെള്ളം കിട്ടാതെ ചാകാം . വര്‍ഗശത്രു ആരെന്നു തിരിച്ചറിയാന്‍ അണികള്‍ കവടി നിരത്തേണ്ട ഗതികേടിലായി . വര്‍ഗസമരം കൊടിഅടയാളം മാത്രമായപ്പോള്‍ കൊടികള്‍ വലിച്ചെറിയാന്‍ അണികള്‍ക്ക് രണ്ടാമതൊന്നു ചിന്തിക്കേണ്ടി വരില്ല . നമുക്കു വേണ്ടാത്ത നമ്മെ വേണ്ടാത്ത നേതാക്കളെ ജനം തിരിച്ചറിഞ്ഞു തുടങ്ങി . നമുക്കു വേണ്ടത് നാം തീരുമാനിക്കുന്ന ,നമ്മുടെ മേല്‍ തീരുമാനങ്ങള്‍ അടിചെല്‍പ്പിക്കാത്ത ഒരു സംവിധാനം മാത്രമാണ് ഇന്നത്തെ ആവശ്യം . ജനകീയ പോരാട്ടങ്ങളുടെ വിജയം സമാന മനസ്കരായ ഒരുപറ്റം ആളുകളുടെ സ്വാതന്ത്ര്യ പ്രഖ്യാപനങ്ങളായി കരുതിയാല്‍ മതി .ഒരു രാഷ്ടീയ കക്ഷിയുടെയും ലേബല്‍ ഇല്ലാതെ സംരക്ഷണം ഇല്ലാതെ നേടിയെടുത്ത ഈ വിജയങ്ങള്‍ ഒരു സമൂഹത്തിന്റെ അനന്ത സാധ്യതകളിലേക്ക് വിരല്‍ ചൂണ്ടുന്നു .രാഷ്ട്രീയ കക്ഷി കളുടെ ഭരണം ഓരോ പുതിയ വരേണ്യ വര്‍ഗങ്ങളെ സംഭാവന ചെയ്തു എന്നല്ലാതെ മറ്റെന്തുണ്ട് .സാധാരണക്കാരുടെ ആശയാഭിലാഷങ്ങള്‍ പൂര്‍ത്തികരിക്കാന്‍ എന്ത് ശ്രമങ്ങള്‍ നടത്തിയിട്ടുണ്ട് എന്ന് പരിശോധിക്കേണ്ടതാണ് . എല്ലാ അഞ്ചു വര്‍ഷവും ആയിരം കോടി രു‌പായോളം മുടക്കി നടത്തപ്പെടുന്ന തിരഞ്ഞെടുപ്പ് മഹാമഹം ആര്‍ക്കു വേണ്ടി എന്ന ചോദ്യം മനസ്സിലുടക്കാത്ത ആരെങ്കിലും ഉണ്ടാകുമെന്ന് തോന്നുന്നില്ല . പക്ഷെ നാം ഇതില്‍ വീണു പോകുന്നു . നമുക്കാവശ്യം ഇല്ലാത്തവരെ തിരഞ്ഞെടുക്കാന്‍ നിര്‍ബന്ധിതരാവുന്നു . അരാഷ്ട്രീയ നിലപാടുകള്‍ എന്ന് ഇതിനെ വിശേഷിപ്പിക്കാന്‍ എളുപ്പമാണ് .രാഷ്ട്രീയ തിമിരം ബാധിക്കാത്ത ഒരു ജനതയുടെ വിഹ്വലതകള്‍ എന്ന് മനസ്സിലാക്കിയാല്‍ മതി . കണ്ണടച്ച് ഇരുട്ടാക്കാന്‍ പറ്റില്ലല്ലോ .

Thursday, February 26, 2009

ആള്‍ക്കൂട്ടത്തിന്‍റെ നേതാവ് .

ഇന്നത്തെ മലയാളം പത്രങ്ങളുടെ തലക്കെട്ടുകളിലുടെ ഒന്നു കണ്ണോടിച്ചാല്‍ ഒരു കാര്യം നമുക്കു വ്യക്തമാകും . വി എസ് അവരെ വല്ലാതെ നിരാശപ്പെടുത്തി .മാര്‍ച്ചില്‍ പങ്കെടുക്കില്ല എന്ന് അദ്ദേഹം സൂചിപ്പിച്ചിരുന്നു . എല്ലാവരും അത് വിശ്വസിച്ചു .പിയേഴ്സണ്‍ പറഞ്ഞതു പോലെ "ബാപ്പ മാറിയാലും വാക്കു മാറരുത് " എന്ന ചൊല്ല് അദ്ദേഹം പൊളിച്ചു . നിലപാടുകളിലുള്ള മലക്കം മറിചിചിലായി ഇതിനെ വേണമെങ്കില്‍ വ്യാഖാനിക്കാം .ഒരു ഗറില്ലാ തന്ത്രമാണ് പ്രയോഗിച്ചത് എന്ന് തോന്നുന്നു . പ്രതിയോഗി ശക്തനായിരിക്കുമ്പോള്‍ പിന്‍മാറുക ,ദുര്‍ബലന്‍ ആകുമ്പോള്‍ ആക്രമിക്കുക ; എന്ന പ്രായോഗിക തത്വം നടപ്പാക്കി എന്ന് മാത്രം . ഒരു ഒറ്റയാന്‍ പരിവേഷം ചാര്‍ത്തി കൊടുത്തവരെല്ലാം വിഡ്ഢികളായി എന്നും തിരിച്ചറിയണം .ഗൌരിഅമ്മയുടെ ഗതി ആകാതിരിക്കാന്‍ ഇതല്ലാതെ വേറെ മാര്‍ഗമില്ലല്ലോ . ഇന്നലെത്തെ T20 കളിപോലെ ആയിപ്പോയി .എതിരാളി എല്ലാ പഴുതുകളും അടച്ചു കൊണ്ടു മുന്നേറി .ഗ്യാലരിക്ക് വേണ്ടി കളിച്ചാല്‍ എങ്ങനെ കളി ജയിക്കും .

Wednesday, February 25, 2009

പ്രായമായവരുടെ എണ്ണം കൂടുമ്പോള്‍ .

എ ഡി ബി യുടെ ഒരു റിപ്പോര്‍ട്ടില്‍ ഏഷ്യയിലെ വര്‍ധിച്ചുവരുന്ന വൃദ്ധ സമുഹ ത്തെപ്പറ്റി മുന്നറിയിപ്പ് നല്കുന്നു .ജപ്പാനില്‍ രണ്ടായിരത്തി അമ്പതു ആകുമ്പോഴേക്കും അറുപതോ അതിലധികമോ പ്രായമുള്ളവരുടെ എണ്ണം അഞ്ചില്‍ രണ്ടാകും എന്നാണ് നിഗമനം . ഇന്ത്യയെ പ്പോലുള്ള രാജ്യങ്ങള്‍ക്ക് തല്ക്കാലം കുഴപ്പമില്ല എന്നും പറയുന്നു .ഈ അവസ്ഥയുടെ കുഴപ്പങ്ങള്‍ എന്താണെന്ന് അവര്‍ പറയുന്നതു ശ്രദ്ധിക്കുക . സര്‍ക്കാരുകളുടെ പെന്‍ഷന്‍ ,ആരോഗ്യ സംരക്ഷണം മുതലായവക്കുള്ള ചെലവുകള്‍ ക്രമാതീതമായി വര്‍ദ്ധിക്കും .ജനങ്ങളെ സംരക്ഷിക്കേണ്ട ചുമതല സര്‍ക്കാരിന് മാത്രം അല്ലെന്നാണ് അവരുടെ വാദം .പിന്നെ സര്‍ക്കാര്‍ എന്തിന് എന്ന് നമുക്കു സംശയം . നീതി നിര്‍വഹണ ചുമതല നിര്‍വഹിക്കാന്‍ എന്ന് ഉത്തരം . എന്ത് നീതി എന്നാനെന്കില്‍ വളരെ ക്കുറച്ചു പേര്‍ക്കു ബഹു ഭൂരിപക്ഷത്തെ ചുഷണം ചെയ്തു ജീവിക്കാനുള്ള അവസരം ഉണ്ടാകികൊടുക്കുക എന്ന നീതി . നമ്മുടെ സര്‍ക്കാര്‍ എ ഡി ബി ലോണ്‍ എടുത്തപ്പോള്‍ അവര്‍ ആദ്യം ആവശ്യപ്പെട്ട വ്യവസ്ഥകള്‍ എന്തായിരുന്നു എന്ന് ശ്രദ്ധിച്ചിരുന്നോ .
പ്രധാനമായി രണ്ടു മൂന്നു കാര്യങ്ങള്‍ ആണ് അവര്‍ ആവശ്യപ്പെട്ടത് . സര്‍ക്കാര്‍ ജീവനക്കാരുടെ എണ്ണം ഗണ്യമായി കുറയ്ക്കുക .നിയമന നിരോധനം മുതലായ നടപടികള്‍ സ്വീകരിക്കുക . ജനക്ഷേമ പരിപാടികളില്‍ നിന്നും സര്‍ക്കാര്‍ കഴിവതും പിന്തിരിയുക .there is no free lunch എന്ന് അര്‍ഥം .അമേരിക്കയില്‍ ആരോഗ്യ ഇന്‍ഷുറന്‍സ് അവതാളത്തില്‍ ആയതിന്റെ തിക്ത ഫലം അവിടുത്തുകാര്‍ അനുഭവിച്ചു കൊണ്ടിരിക്കയാണല്ലോ. വിലക്കയറ്റം പിടിച്ചു നിര്‍ത്താന്‍ സര്‍ക്കാര്‍ ഇടപെടേണ്ട കാര്യം ഇല്ലന്ന്നാണ് അവരുടെ പക്ഷം .

ഇതിലൊക്കെ നമുക്കു എന്ത് കാര്യം എന്ന് തോന്നാം . നമ്മുടെ പിടലിക്കും പിടി വീണു കഴിഞ്ഞു .
അവരുടെ വ്യാകുലതക്ക് കാരണം മറ്റൊന്നാണ് . ജോലിചെയ്യുന്നവരുടെ എണ്ണം കുറയുമ്പോള്‍ കൂലിയും കൂടും . അപ്പോള്‍ മുന്നാം ലോകരാജ്യങ്ങളില്‍ നിന്നും കുറഞ്ഞ കൂലിക്ക് തൊഴിലാളികളെ കിട്ടാതാവും . ബഹുരാഷ്ട്ര കുത്തകകളുടെ ലാഭം ഗണ്യമായി കുറയും . ലാഭം മാത്രം മുന്‍ നിര്‍ത്തിയുള്ള ഒരു വ്യവസ്ഥിതിയുടെ കൂലി പട്ടാളക്കാര്‍ക്ക് ഇതിനെപ്പറ്റി വ്യാകുലപ്പെടാതിരിക്കാന്‍ കഴിയില്ല .

Tuesday, February 24, 2009

നികൃഷ്ട ബ്ലോഗന്മാര്‍

ബ്ലോഗന്മാരെ മുട്ടിയിട്ടു നടക്കാന്‍ വയ്യെന്ന് ആയിരിക്കുന്നു .മലയാള ബൂലൊകത്തെ കഥയാണിത് . പല വിധത്തിലും തരത്തിലും ഉള്ള ബ്ലോഗന്മാര്‍ .പെണ്നെഴുതുകാര്‍ പിണങ്ങരുതേ . അവരെ എന്ത് വിളിക്കും . ബ്ലോഗന്മാര്‍ ഒരു പൊതുനാമം ആയി കരുതിയാല്‍ മതി . കുറച്ചു കാലത്തെ നിരീക്ഷണം കൊണ്ടു ഒരു കാര്യം പിടികിട്ടി .അന്യോന്യം പുറം ചൊറിയല്‍ ഒരു സ്ഥിരം കലാപരിപാടി ആണ് . പുതുതായി എഴുതി വരുന്നവനെ വെട്ടിനിരത്താന്‍ ഈനാംപീച്ചിയും മരപട്ടിയും ഒറ്റക്കെട്ട് . പിന്നെ അനോണിമസ് എന്ന മറവില്‍ പുലഭ്യം എഴുതുന്ന ആഭാസന്മാര്‍ . മൊഴി മുട്ടുമ്പോള്‍ കൊഞ്ഞനം കാണിക്കുന്ന വിവരദോഷികള്‍ . ഇതൊക്കെയാണ് ബുലോക പ്രയാണത്തിലെ കല്ലും മുള്ളും ചതികുഴികളും. ഇവയെ തരണം ചെയ്‌താല്‍ നമ്മുടെതായൊരു ലോകം കണ്ടെത്താം .

ചിലരുടെ ഗീര്‍വാണങ്ങള്‍ കേട്ടാല്‍ ഓക്കാനം വരും .ദിവസവും ആയിരം ഹിറ്റ് ഉണ്ടെന്നും അദ്ദേഹം സ്വയംഭു ആണെന്നും . അപ്പോള്‍ ശോഭ ഡേയ് യുടെയും മറ്റും ബ്ലോഗ് കണ്ടാല്‍ ഈ മഹാന്‍ ഉടുതുണിയില്‍ കെട്ടിയാന്നു ചത്തേനെ , തീര്‍ച്ച .

കൂട്ടത്തില്‍ മനോഹരമായ ചില ബ്ലോഗുകളും ഉണ്ടെന്നത് ആശ്വാസം . അവയൊക്കെ നിലനില്‍ക്കു എന്നതും സത്യം .

Monday, February 23, 2009

പുക്കുട്ടി ജയ് ഹൊ .

അഞ്ചലില്‍ നിന്നും കൊഡാക് തീയേറ്ററില്‍ .അത്ഭുതം തന്നെ ,അല്ലാതെന്തു പറയാന്‍ .സ്ലം ഡോഗിന്റെ കഥ പോലെ അവിശ്വസനീയം .പഴയ ഒരു കമ്മ്യൂണിസ്റ്റ് പ്രവര്‍ത്തന്റെ മകന്‍ ലോകത്തിന്റെ നെറുകയില്‍ . മലയാളികള്‍ തിരിച്ചറിയാതെ പോയ പ്രതിഭ . സംഭാഷണത്തില്‍ മുംബൈ യോടുള്ള കടപ്പാട് അദ്ദേഹം വിസ്മരിച്ചില്ല . മലയാളികള്‍ അന്ഗീകരിക്കപ്പെടുമ്പോള്‍ നാം കൂടെ കയ്യടിക്കുന്നു . ഒരു ഇന്ത്യന്‍ ചിത്രം ആയിരുനെന്കില്‍ ഈ അംഗികാരം കിട്ടുമായിരുന്നോ എന്ന കാര്യം വേറെ . അഭിനന്ദനങ്ങള്‍ .

Saturday, February 21, 2009

പ്രവാസികാര്യ മന്ത്രി ഉറങ്ങുകയാണോ ?

കേന്ദ്ര ഇടക്കാല ബജറ്റും സംസ്ഥാന ബജറ്റും അവതരിപ്പിച്ചു കഴിഞ്ഞു .സ്വന്തമായി ഒരു ധനകാര്യ മന്ത്രി പോലുമില്ലാത്ത കേന്ദ്രം ഇടക്കാലം എന്ന് പറഞ്ഞു തടിതപ്പി .സംസ്ഥാനത്തിന് അങ്ങിനെ ഒഴിയാന്‍ പറ്റില്ലല്ലോ . കേന്ദ്രത്തിനെ ഞെട്ടിക്കുന്ന തെരഞ്ഞെടുപ്പ് ബജറ്റെന്ന് പ്രതിപക്ഷം .പരോക്ഷമായി കേന്ദ്രം ആളുകളെ കബളി പ്പിക്ക യാണെന്ന് സമ്മതിച്ച പോലെ തോന്നുന്നു . പറഞ്ഞു വരുന്നതു അതല്ല .നമുക്കു വിദേശ നാന്ണ്യം നേടിത്തരുന്ന പ്രവാസികളെ കേന്ദ്രം സൗകര്യ പൂര്‍വ്വം മറന്നു . അവരുടെ കയ്യില്‍നിന്നും പലവിധത്തില്‍ പിരിച്ചെടുത്ത പതിനായിരം കോടി രൂപയ്ക്കു മുകളില്‍ വരുന്ന ഫണ്ട് എന്തിനുവേണ്ടി ഉപയോഗിച്ചു എന്നും നമുക്കറിയില്ല .കൂട്ടത്തോടെ മടങ്ങി വരുന്ന ഈ പ്രവാസികള്‍ക്കായി കേന്ദ്രം ബജറ്റില്‍ ഒന്നും ചെയ്യ്തു കണ്ടില്ല . നമുക്കു ഒരു പ്രവാസി മന്ത്രി ഉണ്ടല്ലോ .ബജറ്റിനു മുമ്പുള്ള ചര്‍ച്ചയില്‍ അദ്ദേഹം ഈ ക്കാര്യം ബജറ്റ് അവതരിപ്പിച്ച മന്ത്രിയുമായി സംസാരിച്ചില്ല എന്നുണ്ടോ . പ്രവാസി കളുടെ കാര്യം നോക്കാനും അവര്‍ക്ക് വേണ്ട പുനരധിവാസ പരിപാടികള്‍ ആസൂത്രണം ചെയ്യാനുമല്ലേ ഒരു മന്ത്രിയെ നിയോഗിച്ചിരിക്കുന്നത് . അതോ വിമാനത്തില്‍ കയറി അങ്ങോട്ടും ഇങ്ങോട്ടും യാത്ര ചെയ്തു പൊതുമുതല്‍ ദുര്‍വിനിയോഗം ചെയ്യാനോ . വാചകമടി മാത്രം തൊഴിലാക്കിയ ഒരു പണിയും ഇല്ലാത്ത കുറെ കേന്ദ്ര മന്ത്രി മാര്‍ . നാട്ടിലും വീട്ടിലും വേണ്ടാത്ത കുറേ കത്തിവേഷങ്ങള്‍ .രാജ്യം മുടിയാന്‍ വേറെ വല്ലതും വേണോ .

Wednesday, February 18, 2009

ഡാര്‍വിനും ശ്രീ രാമ സേനയും .

പരിണാമ സിദ്ധാന്തം അതിന്റെ നൂറ്റി അന്‍പതാം വര്‍ഷം പിന്നിടുകയാണല്ലോ .ജനിതക ശാസ്ത്രം ഇതിനു ശക്തിയും കരുത്തും പകര്‍ന്നു കൊണ്ടു മുന്നേറുന്ന കാഴ്ച യാണ് നാം കാണുന്നത് . ലോകത്തിലെ സകല ജീവ ജാലങ്ങളും അന്യോന്യം ബന്ധപ്പെട്ടിരിക്കുന്നു എന്നതും നമുക്കു ബോധ്യപ്പെട്ടു കഴിഞ്ഞു . മനുഷ്യന്റെയും ആള്‍കുരങ്ങിന്റെയും DNA കള്‍ തമ്മില്‍ പ്രകടമായ സാദൃശ്യം കണ്ടെത്തിക്കഴിഞ്ഞു . നാച്ചുറല്‍ സെലക്ഷന്‍ അഥവാ പ്രകൃതി നിര്‍ധാരണം പരിണാമ സിദ്ധാന്തത്തിന്റെ ആധാര ശില ആണല്ലോ . ഇടക്കിടക്കു Mutation സംഭവിക്കുന്നു . പ്രകൃതി നിര്ധാരണത്തിന് സാഹചര്യം ഒരുക്കുക മാത്രമാണ് ഇവയുടെ കര്‍മം . മനുഷ്യരിലും ഈ Mutation സംഭവിക്കുന്നുണ്ട് എന്ന് ന്യായമായി വിശ്വസിക്കാം . മനുഷ്യന്റെയും കുരങ്ങിന്റെയും സ്വഭാവ വിശേഷങ്ങളോട് കൂടിയ ചില Mutants ഉണ്ടായിട്ടുണ്ട് എന്ന് ന്യായമായി സംശയിക്കത്തക്ക ചില സംഭവങ്ങള്‍ നമ്മുടെ മുമ്പില്‍ ഉണ്ടല്ലോ . ഉദാഹരണം ശ്രീ രാമ സേന . പബിലെ ദൃശ്യങ്ങള്‍ സൂഷ്മമായി വീക്ഷിച്ചാല്‍ പലതും നമുക്കു വ്യക്ത മാകും . കുരങ്ങിന്റെ ശരീരഭാഷ , കുരങ്ങിന്റെ ആക്രമണ സ്വഭാവം ,വല്ലവന്റെയും ഇണയെ തട്ടിയെടുക്കാനുള്ള ആര്‍ത്തി മുതലായവ . ശ്രീ രാമ സേന എന്ന പേരു തിരഞ്ഞെടുത്തത്‌ ബോധ പൂര്‍വ്വം ആണെന്ന് തോന്നുന്നു . ശ്രീ രാമന്റെ സേന വാനരപ്പട ആണല്ലോ . പേരു സൂചിപ്പിക്കുന്ന പോലെത്തന്നെ പ്രവൃത്തികളും .

Monday, February 16, 2009

വി എസ്സിന് ഒരു തുറന്ന കത്ത് .

സഖാവേ ,
ഈ വിഴുപ്പു ഭാണ്ഡവും ചുമന്നു കൊണ്ടു എത്ര നാള്‍ അങ്ങേക്ക് മുന്നോട്ടു പോകാനാകും .
അഴിമതിക്ക് എതിരെ ഉള്ള കുരിശു യുദ്ധം യു ഡി എഫ് നേതാക്കള്‍ക്കെതിരെ മാത്രമായി പരിമിതപ്പെടുതിയോ ?
സ്വന്തം പാര്‍ട്ടി സെക്രട്ടറി ആരോപണത്തിന്റെ കരിനിഴലില്‍ നില്‍കുമ്പോള്‍ താങ്കള്‍ എങ്ങനെ ജനങ്ങളുടെ സംശയങ്ങള്‍ക്ക് മറുപടിപറയും .
ജനങ്ങള്‍ക്ക്‌ സംശയം ഉണ്ട് .പാര്‍ടിക്കു ഇല്ലെന്നു പറഞ്ഞാലും .
മുഖ്യമന്ത്രി കസേര താങ്കള്‍ക്ക് ഇത്ര പ്രിയപ്പെട്ടതാണോ ?
ഈ കസേര താങ്കള്‍ക്ക് നല്കിയത് ജനങ്ങള്‍ ആണെന്ന കാര്യം അങ്ങ് മറന്നുവോ .
പഴയ പടയോട്ടങ്ങള്‍ പറഞ്ഞു മേനി നടിക്കാനുള്ള സമയം ഇതല്ല .
മനസാക്ഷി ക്കുത്തില്ലാതെ വോട്ട് ചോദിക്കാന്‍ അങ്ങേക്ക് കഴിയുമോ .
താങ്കള്‍ വെറും ഉല്‍പ്പന്നംആണെന്ന് പറഞ്ഞു കഴിഞ്ഞു .
ഒരു പരാജിതന്റെ ശരീര ഭാഷയാണ് ഇപ്പോള്‍ താങ്കള്‍ക്ക് ഉള്ളത് എന്ന് ഖേദപൂര്‍വ്വം പറയട്ടെ .
ഒരു നിമിഷമെങ്കില്‍ ഒരു നിമിഷം ഞങ്ങളുടെ പഴയ വി എസ്സിനെ കാണാന്‍ കഴിഞ്ഞെങ്കില്‍ .

Saturday, February 14, 2009

ഭാരത രത്നം വില്പനയ്ക്ക് .

ഇന്നലെ ഒരു വലിയ തമാശ ഉണ്ടായി .ആരും ചിരിച്ചു മണ്ണ് കപ്പി പോകും . ജോര്‍ജ് ബുഷിന്‌ "ഭാരതരത്നം" പുരസ്കാരം നല്‍കണമെന്ന് കോണ്ഗ്രസ് വക്താവ് സാങ്ങ്വി യുടെ നിര്‍ദേശം .ബുഷ് ഇന്ത്യക്ക് നല്കിയ സംഭാവനകള്‍ക്ക് പ്രത്യുപകാരമായി ഇതില്‍ കുറഞ്ഞത് എന്ത് നല്‍കാന്‍ .പ്രത്യേകിച്ച് ആണവക്കരാര്‍ ഈ യുഗത്തിലെ ഏറ്റവും വലിയ നേട്ടം ആയി പരിഗണിക്കുമ്പോള്‍ . അമേരിക്കയിലെ ബഹുഭൂരിപക്ഷം ജനങ്ങള്‍ ബുഷിനെ ഒരു യുദ്ധ വെറിയനായി മാത്രം കാണുമ്പോള്‍ ആണ് ഈ നിര്‍ദേശം എന്ന് ഓര്‍ക്കണം . ബുഷിനെ യുദ്ധ കുറ്റങ്ങള്‍ക്കായി വിചാരണ ചെയ്യണം എന്ന ആവശ്യം പോലും അമേരിക്കയില്‍ ഉയര്‍ന്നു വന്നിട്ടുണ്ട് . സാമ്പത്തിക രംഗത്തെ തകര്‍ച്ചയുടെ കാര്യം പറയുകയും വേണ്ട . കച്ചവട താല്പര്യങ്ങള്‍ക്കായി നാടിനെയും ലോകത്തെയും താറുമാറാക്കിയ ഒരു ഭരണാധിപന്‍ എന്ന പട്ടം മനുഷ്യ മനസാക്ഷി അദ്ദേഹത്തിന് എന്നേ നല്‍കിക്കഴിഞ്ഞു . നമ്മുടെ നേതാക്കളുടെ അമേരിക്കന്‍ വിധേയത്വത്തിന് അറുതി ഉണ്ടാകില്ലേ . ആണവ ക്കരാരിന്റെ കാണാചരടുകള്‍ നമ്മെ ചുറ്റി വരിയുന്ന കാലം അതിവിദൂരമല്ല .സ്വിസ് ബാങ്കില്‍ നിക്ഷേപം ഉള്ളവര്‍ക്ക് ഇതൊന്നും ബാധകം അല്ലല്ലോ . "കള്ളന് കഞ്ഞി വച്ചവര്‍ ".

Thursday, February 12, 2009

എന്തുകൊണ്ട് ശ്രീനിവാസന്‍

നടന്‍ ശ്രീനിവാസന്‍ എന്തുകൊണ്ട് നമുക്കെല്ലാം പ്രിയങ്കരന്‍ ആകുന്നു . തീര്‍ച്ചയായും അദ്ദേഹം അവതരിപ്പിച്ച കഥാപാത്രങ്ങള്‍ നമ്മുടെ മനസ്സില്‍ എവിടെയോ ഒരു പോറല്‍ ,നൊമ്പരം ഉണ്ടാക്കിയിട്ടിണ്ട് .രണ്ടാമതൊന്ന് ആലോചിക്കാതെ അദ്ദേഹത്തിന്റെ സിനിമകള്‍ കാണാന്‍ തീരുമാനിക്കുന്നു . തട്ടുപൊളിപ്പന്‍ അഭിനയമോ , വാചക കസര്‍തതുകളോ ഒന്നും ഇവിടെ പ്രതീക്ഷിക്കണ്ട . എന്തിന് നായക സങ്കല്‍പ്പത്തെ പ്പോലും നിരാകരിക്കുന്നു .സാധാരണയില്‍ സാധാരണക്കാരുടെ നിറം ചേര്‍ക്കാത്ത ദയനീയ ചിത്രങ്ങള്‍ . അവരുടെ കോമാളിത്തരങ്ങള്‍ ,നിസ്സഹായതകള്‍ . ഇവരെല്ലാം നാം തന്നെ ആണെന്ന് നമുക്കറിയാം .പക്ഷെ വേറൊരു ആളാണെന്നു സ്വയം വിശ്വസിച്ചു ചിരിക്കുന്നു ,സഹതപിക്കുന്നു . അമാനുഷികര്‍ ആകാനാല്ലോ എപ്പോഴും നാം ശ്രമിക്കുന്നത് . ഇവിടെ ആണ് ശ്രീനിവാസന്‍ അദ്ദേഹത്തിന്റെ തട്ടകം ഉറപ്പിക്കുന്നത് . തന്റെ ശക്തിയും പരിമിതിയും തിരിച്ചറിഞ്ഞു മുന്നേറുന്നു .ഒരു പാവത്തിന്റെ നോട്ടം , പമ്മി പമ്മി യുള്ള നടത്തം ഇതെല്ലാം ആവര്‍ത്തിക്കപ്പെടുന്നു . നമ്മളറിയാതെ ആ കെണിയില്‍ നാം വീഴുന്നു . സ്വപ്നങ്ങള്‍ വില്‍ക്കാന്‍ മിനക്കെടുന്നില്ല . താദാമ്യം പ്രാപിക്കാന്‍ ഒരവസരവും തരാതെ ഒഴിഞ്ഞു മാറുന്നു .

Monday, February 9, 2009

സുധാകര ഉവാച.

സുധാകര തിരുവടികളുടെ മൊഴി മുത്തുകള്‍ ഭാവി തലമുറകള്‍ക്കായി നാം സൂക്ഷിച്ചു വയ്ക്കണം .അല്ലെങ്കില്‍ വരും തലമുറകള്‍ നമുക്കു മാപ്പു തരില്ല . ജീവിത യാത്രയില്‍ ഈ ദര്‍ശനങ്ങള്‍ കുട്ടികള്‍ക്ക് വഴികാട്ടിയാകും എന്ന കാര്യത്തില്‍ സംശയമില്ല . ഗുരു ഭക്തി ഗുരു നിന്ദ തന്നെ എന്ന പാഠഭേദം സവിശേഷമത്രേ. ഏഴാം ക്ലാസ്സിലെ സാമുഹ്യ പാഠ പുസ്തകത്തില്‍ ഒരു ഭാഗം ഇതിനായി മാറ്റിവയ്ക്കാവുന്നതാണ് . തുടര്‍ വായനക്കായി അദ്ദേഹത്തിന്റെ കവിതകളും മറ്റും ഉള്‍പ്പെടുത്തുന്നത് നന്നായിരിക്കും . മലയാള ഭാഷക്ക് അദ്ദേഹം എത്ര പദങ്ങള്‍ സംഭാവന ചെയ്തിരിക്കുന്നു . 'പോഴന്മാര്‍ ',' കൊഞ്ഞാണന്മാര്‍ ' എന്നീ വിശേഷണ പദങ്ങള്‍ കേട്ടാല്‍ വാലും ചുരുട്ടി മാളത്തില്‍ ഒളിക്കാത്ത ഏതു എതിരാളി ഉണ്ടാകും . എന്തൊരു തലയെടുപ്പ് ,എന്തൊരു ഗൗരവം .ഒറ്റനോട്ടത്തില്‍ എതിരാളികള്‍ ഭസ്മമായി പോകും . ഭരണഘടനയെയും നിയമങ്ങളെയും ഉള്ളംകയ്യില്‍ ഇട്ട് അമ്മാനമാടുന്ന കൈവഴക്കം ആരാണ് അംഗീകരിക്കാത്തത് .എന്നാണു മലയാളിയുടെ മുഖത്ത് നോക്കി 'പോടാ പുല്ലേ ' എന്ന് അദ്ദേഹം മൊഴിയുന്നത് എന്ന് പ്രതീക്ഷിച്ചിരിക്കയാണ് ജനം . ജന്മം സഫല മായി .

Saturday, February 7, 2009

സുന്ദര പുരുഷന്‍ .

ഒരു സുന്ദര സുകുമാര കളേബരന്‍ നമ്മുടെ കണ്ണിനെയും കരളിനെയും പുളകമണിയിക്കാനായി ഈയിടെ മിക്കവാറും പെട്ടിയില്‍ പ്രത്യക്ഷ പ്പെടാറുണ്ട് . കോളമിസ്റ്റ് ആയും നോവലിസ്റ്റ്‌ ആയും നമുക്കു ഒരുപാടു സന്തോഷം പകര്‍ന്നു തന്നിട്ടുണ്ട് . യു എന്‍ സെക്രടറി ജനറല്‍ സ്ഥാനത്തേക്ക് മത്സരിച്ചു തോറ്റതില്‍ പിന്നെ കേരളത്തിലേക്ക് പോന്നെന്നു തോന്നുന്നു . ആര് തള്ളി പറഞ്ഞാലും പെറ്റമ്മ തള്ളി പറയില്ലല്ലോ .അദ്ദേഹം ഈയിടെ ഒരു സത്യം കണ്ടെത്തി .അദ്ദേഹത്തിന്റെയും കോണ്‍ഗ്രസിന്റെയും ആശയങ്ങള്‍ സമാനമാണെന്ന് .വേറൊന്ന് കൂടി പറഞ്ഞു . എല്ലാവര്‍ക്കും കൊടുത്തുകഴിഞ്ഞു കോണ്‍ഗ്രസില്‍ ബാക്കി സീറ്റ് ഉണ്ടെങ്കില്‍ അദ്ദേഹം ലോകസഭയിലേക്ക് മത്സരിക്കാമെന്ന് . എന്തൊരു വിനീത വിധേയന്‍ .വടക്കനെ പോലെ അല്ലെ അല്ല . ഇത്ര നാളും ഭാരതത്തെ സേവിച്ചു ഇനിയും കേരളത്തെ സേവിക്കാന്‍ ഒരു മോഹം അത്രമാത്രം . അതാവശ്യം മംഗ്ലീഷ് പറയാന്‍ അറിയാമല്ലോ . ഭരണ ചാതുര്യം വേറെ .ഇതെക്കെ പോരെ ഒരു സ്ഥാനാര്‍ഥി ആകാന്‍ .

Friday, February 6, 2009

മൂട് മറന്ന മലയാളി

വെളിച്ചെണ്ണ യഥേഷ്ടം ഉപയോഗിച്ചിരുന്ന ഒരു കാലം നമുക്കുണ്ടായിരുന്നു .വെന്ത വെളിച്ചെണ്ണ യുടെ മണമുള്ള കുട്ടിക്കാലം നമുക്കെന്നോ നഷ്ടമായി .ദാഹത്തിനും വിശപ്പിനും ഇളനീര്‍ കുടിച്ചിരുന്ന ശീലം നാം ഉപേക്ഷിച്ചു . എന്തിന് ? എവിടെയോ നമ്മള്‍ മൂട് മറന്നു . അനുകരണ ഭ്രാന്തോ അതോ ഗോസായി പറയുന്നതെല്ലാം അപ്പടി വിശ്വസിച്ചതോ . വെളിച്ചെണ്ണ ആരോഗ്യത്തിനു ഹാനികരം ആണ് പോലും . നാം ദാല്‍ ഡാ ,പാമോഇല്‍ ഇവയിലേക്കു തരിഞ്ഞു .നമ്മുടെ കേരകര്‍ഷകന്‍ തേങ്ങക്ക് വിലയില്ലാതെ കടം കേറി മുടിഞ്ഞു . പെപ്സിയും ഫാന്റയും കരിക്കിനെ പുറംതള്ളി . ഇപ്പോള്‍ ഒരു സി എസ് വേണ്ടിവന്നു നമ്മളെ പല കാര്യങ്ങളും ബോധ്യ പ്പെടുത്താന്‍ . ഭക്ഷ്യ എണ്ണ കളില്‍ വെളിച്ചെണ്ണയും മറ്റും താരതമ്മ്യേന അപകടം കുറഞ്ഞവയാണെന്നു കണ്ടെത്തി . വനസ്പതി യും മറ്റും പല രോഗങ്ങളും ഉണ്ടാക്കുമെന്ന് . വെളിച്ചെണ്ണ ചേര്‍ത്ത കറി കളുടെ സ്വാദ് നാം പാമോയിലിന് അടിയറവെച്ചു . പലതും നഷ്ടപ്പെടുന്നത് നാം വളരെ വൈകിയേ അറിയുന്നുള്ളൂ . ചെത്തിയും തുളസിയും ഇട്ട് കാച്ചിയ എണ്ണ തേച്ചുള്ള കുളി യുടെ സുഖം തിരിച്ചറിയാന്‍ മലയാളിക്ക് കഴിയണം . അതിന്റെ പേറ്റന്റ് ആണുങ്ങള്‍ കൊണ്ടു പോകുമ്പോഴേ നമ്മള്‍ വിവരം അറിയൂ .എന്നും ഒരു വന്ദന ശിവ സഹായത്തിനു ഉണ്ടാകണമെന്നില്ല .

Tuesday, February 3, 2009

ഉപ്പളയിലെ ഉദയ സൂര്യന്‍

വിപ്ലവാഭിവാദനങ്ങള്‍ . ഉപ്പള നവ കേരളത്തെ സ്വാഗതം ചെയ്തു .തിരുവനന്തപുരത്ത് എത്തുമ്പോള്‍ കേരളം കീഴ്‌മേല്‍ മറിയുമോ ? ജനം ഉറ്റു നോക്കി ഇരിക്കയാണ് . പത്രക്കാര്‍ വി എസ് നെ വിടാതെ പിടികൂടിയിരിക്കയാണ് .അവസാനം പറഞ്ഞു ...ഇല്ല ഇല്ല . എസ് ആര്‍ പി യുടെ പ്രസംഗം ലാവലിന്‍ പ്രസംഗം ആയി പ്പോയി . അടുത്ത പാര്‍ട്ടി സെക്രട്ടറി എസ് ആര്‍ പി യോ ? ഒരു സൂചന പോലെ തോന്നി . പിണറായി എക്ക് നോട്ടു മാലകള്‍ . വക്കീലിന് കൊടുക്കാന്‍ കാശ് വേണ്ടേ . വേദിയില്‍ ഇരുന്ന പലരുടെയും മുഖം കടുന്നല് കുത്തിയ പോലെ . ആകെപ്പാടെ ഒരു ഉന്മേഷ ക്കുറവു. അണികളില്‍ അമിതാവേശം ഇല്ല .

Saturday, January 31, 2009

ആന മയില്‍ ഒട്ടകം

ചെന്നിത്തലയുടെ ത്യാഗ മനോഭാവം കോണ്‍ഗ്രസ് ചരിത്ര പുസ്തകത്തില്‍ തങ്ക ലിപികളാല്‍ വരച്ചു ചേര്‍ക്കേണ്ട ഒരു അദ്ധ്യായം തന്നെയാണെന്ന് ആര്‍ക്കുംസംശയം ഉണ്ടാവില്ല . രാജ്യ സഭ യിലേക്ക് ഇല്ല എന്ന അദ്ദേഹത്തിന്റെ പ്രഖ്യാപനം കോരിത്തരിപ്പോടെ മാത്രമേ കേള്‍ക്കാന്‍ കഴിഞ്ഞുള്ളൂ. വേറൊരു കാലന്‍ അടുത്ത പ്രവാസി മന്ത്രി യും താന്‍ തന്നെ എന്ന് ആലപ്പുഴയില്‍ ഒരു ഉളുപ്പും ഇല്ലാതെ പ്രസ്താവിച്ചതും നാം കേട്ടു . വേറൊരു അവതാരം തണുത്ത ദില്ലി രാവുകള്‍ പകലാക്കി കഠിന അദ്ധ്വാനം ചെയ്യുന്നതും നാം കണ്ടു സായു‌ജ്യം അടഞ്ഞു . വടക്കനെ ഇവിടെ വേണ്ടെന്നു ഡി സി സി പ്രസിഡണ്ട്‌ പറഞ്ഞപ്പോള്‍ ദില്ലിയില്‍ പോയി മാവിയോടു പരാതി പറഞ്ഞതും നമ്മള്‍ കേട്ടു . മാണി സാര്‍ ഒന്നും കണ്ടില്ല എന്നും കേട്ടില്ല എന്നും പറഞ്ഞ്‌ ഒരു വേദാന്തി യുടെ കരിമ്പടം പുതയ്ക്കുന്നതും നമ്മള്‍ നിര്‍വൃതിയോടെ കണ്ടിരുന്നു .അച്ചുമാമന്‍ നവകേരള യാത്ര എങ്ങനെ പൊളിച്ചു അടുക്കാം എന്ന ചിന്തയില്‍ മഹാ മൌനം പൂണ്ടതും നാം കണ്ടു . ബി ജെ പി മുഴുവന്‍ സ്ഥാനാര്‍ഥി പട്ടിക പ്രസിദ്ധീകരിക്കുന്നതും നമ്മള്‍ കണ്ടു . തോല്‍ക്കാന്‍ കൂടുതല്‍ ആലോചിക്കണ്ടല്ലോ .എന്നും വാര്‍ത്ത ചാനലുകള്‍ നിര്‍ബന്ധമായും കാണുക .നേരം പോക്കിനും തമാശയ്ക്കും വഴി യുണ്ട് . മൂന്നു നാലും മാസം മുഴുനീള കോമഡി കള്‍ സുലഭം .ചാണ്ടിക്കുഞ്ഞ് കറന്റ് ചാര്‍ജ് കുറക്കാന്‍ ആവശ്യപ്പെട്ടിട്ടുണ്ട് . മിക്കവാറും നടക്കും .പിന്നെ തെര്‍മല്‍ ചാര്‍ജ് പേടിക്കാതെ തമാശ കാണാം .

Friday, January 30, 2009

പാദസേവകര്‍ ഉണ്ടാകുന്നത് .

വളരെക്കാലം മുന്‍പ് വായിച്ച വി വിജയന്റെ 'ധര്‍മ പുരാണം ' ഓര്‍മയില്‍ വരുന്നു . പു ക സ നേതാവ് കേ ഇ എന്‍ രണ്ടു ദിവസ്സങ്ങളായി നടത്തുന്ന ജല്പനങ്ങള്‍ ആണെന്ന് തോന്നുന്നു ഇതിനു കാരണം . നല്ല മാധ്യമ ശ്രദ്ധയും കിട്ടുന്നുണ്ട്‌ . വി എസ് ഒന്നും പറയാത്തതാണ് പണ്ഡിത ശ്രേഷ്ടനെ ദേഷ്യപ്പെടുത്തിയത് . കൂലിക്ക് പ്രസംഗിക്കാന്‍ നടക്കുന്ന കുഞ്ഞമ്മതില്‍ നിന്നും ഇതില്‍ കൂടുതല്‍ എന്ത് പ്രതീക്ഷിക്കാന്‍ . പു ക സ വെറുമൊരു കുഴലൂത്ത് സംഘം ആയി മാറിക്കഴിഞ്ഞു . 'മന്ദബുദ്ധി ' പ്രയോഗം പിതൃ തുല്യനായ ഒരു മനുഷ്യന് നേരെ ആണെന്ന് ഓര്‍ത്താല്‍ നന്ന് . അദ്ദേഹത്തിന് ചില നിലപാടുകളുടെ പേരിലെങ്കിലും ചരിത്രത്തില്‍ സ്ഥാനമുണ്ടാകും .കുഞ്ഞമ്മതിനു ചളിക്കുണ്ട് തന്നെ വിധി . പിണറായി കളങ്കത്തിന്റെ ചെളി കഴുകി കളഞ്ഞു പുറത്തു വരെട്ടെ . നാട്ടില്‍ കോടതിയും നിയമവും ഉണ്ടല്ലോ .പിന്നെന്തിന് ഈ കോലാഹലങ്ങള്‍ . ജനം ഇതു വരെ വിധി എഴുതി കഴിഞ്ഞിട്ടില്ല . ആര്‍ജവമില്ലാത്ത വാക്കുകള്‍ കൊണ്ട് പകിട കളിക്കുന്ന നിങ്ങളെ രക്ഷിക്കാന്‍ നിങ്ങളുടെ നിഴലുകള്‍ പോലും ഉണ്ടാവില്ലാ . നിങ്ങളെ ജനം തിരിച്ചറിഞു കഴിഞ്ഞു .

Monday, January 26, 2009

ഇന്ത്യന്‍ താലിബാന്‍

മംഗലാപുരത്ത്‌ ശ്രീരാമസേന എന്നറിയപ്പെടുന്ന ഒരു പറ്റം ആളുകള്‍ ഒരു പബില്‍ കയറി പെണ്‍ക്കുട്ടികളെ മര്‍ദിച്ചു അവശരാക്കി എന്ന് വാര്‍ത്ത .ഇന്ത്യ വിഷനില്‍ ഇതിന്റെ ദയനീയ കാഴ്ചകള്‍ .
സ്ത്രീകളെ പട്ടിയെപ്പോലെ ഓടിച്ചിട്ട് തല്ലുന്നു .പ്രതിഷേധിച്ചവനും തല്ലിന്റെ പൂരം . ധര്‍മം പുനസ്ഥാപിക്കാന്‍ ആണത്രെ . സ്ത്രീകള്‍ കുടിക്കാന്‍ പാടില്ലത്രെ . ഇതു പറയാന്‍ ഇവര്‍ ആരാണ് . ഇന്ത്യന്‍ താലിബാന്‍ കാരോ ?. ഒരു നിയമ ലംഘനവും സ്ത്രീകള്‍ നടത്തിയതായി അറിവില്ല . പോലീസ് അധികാരം ഇവര്‍ക്ക് ആര് കൊടുത്തു . വലിയ താമസമില്ലാതെ സോഷ്യല്‍ പോലീസ് ഇവിടെ സതി നടപ്പാക്കണം എന്നും പറയും . കാടത്തരം കണ്ടു മിഴിച്ചിരിക്കുന്ന ഒരു സര്‍ക്കാരും . ഇതാണോ ഇന്ത്യ തിളങ്ങുന്നു എന്ന മുദ്രാവാക്യത്തിന്റെ ധ്വനി . അതോ സ്ത്രീ സ്വാതന്ത്ര്യ മര്‍ഹതി എന്നാണോ .

Sunday, January 25, 2009

വി എസിന്റെ മൗനം .

വി എസിന്റെ വാചാലമായ മൗനം നന്നേ പിടിച്ചു . സി ബി അന്വേഷിക്കുന്ന ഒരു കേസിനെ ക്കുറിച്ച് അദ്ദേഹം എന്തിന് പ്രതികരിക്കണം .അഭിപ്രായം പറയേണ്ട ഫോറങ്ങളില്‍ പറഞ്ഞിട്ടുമുണ്ടല്ലോ . ചാണ്ടിയും ചെന്നിത്തലയും അദ്ദേഹത്തിന്റെ പ്രതികരണത്തിനായി എന്നും കേഴുന്നു . പിണറായി വിജയന്‍ ക്രിമിനല്‍ കോണ്‍സ്പിരസി നടത്തി എന്നാണല്ലോ സി ബി കണ്ടെത്തല്‍ . അങ്ങനെ ആണെങ്കില്‍ കേന്ദ്ര ബോര്‍ഡിന്റെ എതിര്‍പ്പിനെ അവഗണിച്ച് ലാവലിനുമായി എം യു ഒപ്പിട്ട കാര്‍ത്തികേയന്‍ മന്ത്രിയുടെ പങ്കെന്താണ്‌ ? കാന്‍സര്‍ സെന്ററിനു കിട്ടേണ്ട കാശ് വാങ്ങാന്‍ ശ്രമം നടത്താതിരുന്ന ആര്യാടെന്റെ പങ്കെന്താണ്‌ ? ന്യായമായ സംശയങ്ങള്‍ . യു ഡി എഫും എല്‍ ഡി എഫും പന്ത് അങ്ങോട്ടും ഇങ്ങോട്ടും ഉരുട്ടി കളിക്കുന്നു .സത്യം എവിടെയോ ഒളിച്ചിരിക്കുന്നു . കോട്ടയം സഭയുടെ നിലവാരത്തിലേക്ക് പി ബി തരം താണതും ലജ്ജിപ്പിക്കുന്നു . കോടതി അന്വേഷിക്കാന്‍ ആവശ്യപ്പെട്ട ഒരു കാര്യം എങ്ങനെ രാഷ്ട്രീയമായി നേരിടും . ഉപ്പ് തിന്നവര്‍ വെള്ളം കുടിക്കണം എന്ന് തന്നെ ആണ് ജനവും താല്‍പര്യപ്പെടുന്നത്‌ . പക്ഷെ അങ്ങനെ സംഭവിച്ച ചരിത്രം രാഷ്ട്രീയത്തില്‍ ഇല്ലന്നു തന്നെ പറയാം . നമ്മുടെ മഹത്തായ ജനാധിപത്യത്തില്‍ . എത്ര അന്വേഷണങ്ങള്‍ ,കണ്ടെത്തലുകള്‍ . ഇവിടെയാണ്‌ വി എസിന്റെ മൗനം പ്രസക്തമാകുന്നത് .

Friday, January 23, 2009

ലാവ്ലിനും പിന്നെ നമ്മളും

ലാവ്‌ലിന്‍ കോലാഹലം വീണ്ടും ചൂടു പിടിച്ചു തുടങ്ങി . രാഷ്ട്രീയ പ്രേരിതമെന്നും രാഷ്ടീയമായി നേരിടുമെന്നും സി പി എം . അന്വേഷണത്തിന്റെ സ്വാഭാവിക പരിണാമം എന്നും പിണറായി സെക്രട്ടറി സ്ഥാനം ഒഴിയണം എന്നും കോണ്‍ഗ്രസ് . ഏതായാലും ഉഗ്രന്‍ timing. നവ കേരള യാത്ര പൊളിച്ചു അടുക്കിയ പോലെ തോന്നുന്നു . സി എ ജി റിപ്പോര്‍ട്ട് പ്രകാരം കേരളത്തിന് കോടി ക്കണക്കിന് രൂപ യുടെ നഷ്ടം ഉണ്ടായിട്ടുണ്ട് എന്ന് വ്യക്തം .ആര് വരുത്തി ? എല്‍ ഡി എഫ് ഓ യു ഡി എഫ് ഓ . ആരാണെന്ന് അറിയാന്‍ ഇനിയും എത്ര കാത്തിരക്കണം. അതോ ബോഫോര്‍സ് മുതല്‍ കോറി ഡോര്‍ വരെ യുള്ള കുംഭ കോണങ്ങള്‍ പോലെ ആകുമോ . ആ ,ആര്‍ക്കറിയാം . മടുത്തു .
വാല്‍ക്കഷ്ണം .

വൃദ്ധശാപം ഫലിക്കും .

Wednesday, January 21, 2009

വാന പ്രസ്ഥം

സര്‍ക്കാര്‍ ജീവനക്കാരും ,പൊതുമേഖല ജീവനക്കാരും ,അധ്യാപകരും മറ്റെല്ലാ മേഖലയില്‍ ഉള്ളവരും ഒരു നിശ്ചിത പ്രായം കഴിഞ്ഞാല്‍ സര്‍വീസില്‍ നിന്നും പിരിയണമെന്നു വ്യവസ്ഥയുണ്ട് . പ്രായമായി കഴിഞ്ഞാല്‍ ഇവരുടെ കാര്യക്ഷമത കുറയുന്നു എന്നതാവാം കാരണം . അല്ലെങ്കില്‍ കൂടുതല്‍ കാര്യ പ്രാപ്തി ഉള്ള ചെറുപ്പക്കാരെ ഉള്‍പ്പെടുത്തി ഒരു ബാലന്‍സ് നിലനിര്‍ത്താന്‍ വേണ്ടി ആവാം . രണ്ടായാലും പ്രായം ഏറുന്നവര്‍ സ്ഥലം കാലിയാക്കിയെ മതിയാവു . മുതിര്‍ന്നവര്‍ ചെറുപ്പക്കാര്‍ക്ക് വഴി മാറി കൊടുത്തേ പറ്റു എന്ന പ്രകൃതി നിയമത്തിനു അപവാദം ഒരു കൂട്ടരേ ഉള്ളു . നമ്മുടെ നാട്ടിലെ രാഷ്ട്രീയക്കാര്‍ . മരിച്ചാലേ കസേര ഒഴിയു എന്ന മനോഭാവം . പരസഹായം കൂടാതെ നടക്കാനും ഇരിക്കാനും വയ്യ . എങ്കിലും പൊതു വേദികളില്‍ ഇരുന്നു ഉറക്കം തൂങ്ങിയെ പറ്റു . കോമിക് റിലീഫിനു വേണ്ടി ക്യാമറ കണ്ണുകള്‍ ഈ രംഗം ഒപ്പി എടുക്കാറുണ്ട് . ലോകത്ത് മറ്റൊരിടത്തും ഈ രംഗം കാണാന്‍ പറ്റും എന്ന് തോന്നുന്നില്ല . മുതിര്‍ന്നവരെ ബഹുമാനിക്കണം . അപഹസിക്കരുത് . senile ആയ മനസ്സുകള്‍ക്ക് എങ്ങനെ പുതിയ ആശയങ്ങള്‍ ഉള്‍ക്കൊള്ളാന്‍ കഴിയും . ചെറുപ്പക്കാരുടെ സ്വപ്നങ്ങള്‍ തകര്‍ക്കാന്‍ ഇവരെ അനുവദിക്കരുത് .

Tuesday, January 20, 2009

രാഷ്ട്ര മീമാംസ .

നമ്മുടെ അന്തോണിച്ചന്‍ കടുത്ത തീരുമാനങ്ങള്‍ എടുത്തു തുടങ്ങി .തീവ്രവാദി ആക്രമണ പശ്ചാത്തലത്തില്‍ ചുണയുള്ള പല പ്രസ്താവനകളും അദ്ദേഹം ചെയ്തു .ഒരു സൈനിക നടപടി വേണ്ടിവന്നാല്‍ അതിനും മടിക്കില്ലെന്നും പറഞ്ഞു കഴിഞ്ഞു .മലയാളി ആയാല്‍ ഇങ്ങനെ വേണം .ശ്രീ ശാന്തിനെ പ്പോലെ .ഈയിടെ beml ഇന്റെ ഫാക്ടറി എക്ക് തറക്കല്ല് ഇടാന്‍ വന്നപ്പോള്‍ അദ്ദേഹം വേറൊരു വെടി പൊട്ടിച്ചു .കേരളത്തില്‍ ഇപ്പോള്‍ ശകുനം മുടക്കികള്‍ ഇല്ലെന്ന് .മുഖ്യന്‍ വിടുമോ . അവറ്റകളെ പടി അടച്ചു പിണ്ഡം വെച്ചു പുറത്താക്കിയത് തങ്ങളാണെന്ന് . അന്തോണിച്ചന്‍ ആരെ ആണ് ഉദ്ദേശിച്ചത് എന്ന് മാത്രം മനസ്സിലായില്ല . സ്വന്തം പാര്‍ട്ടിക്കാരെ തന്നെയാണോ ? തറക്കല്‍ ഇടീല്‍ കൂടി ക്കൂടി കല്ലിനു ക്ഷാമമായി എന്നും വാര്‍ത്ത .
പുര കത്തുന്നതിന് മുമ്പു അത്ഭുത ക്കുട്ടി പുറത്തു ചാടി . വേണമെങ്കില്‍ സഹായിക്കാമെന്നു ബി ജെ പി .
കലക്ക വെള്ളത്തില്‍ മീന്‍ പിടിക്കാന്‍ വലയും ആയി പലരും ഓടി നടക്കുന്നു .
മാണി സാര്‍ പതിവു പല്ലവിയുമായി രംഗത്തുണ്ട് . നടക്കില്ല എന്നറിയാം .കോട്ടയം എങ്കിലും മതി . മകനെ എവിടെ എങ്കിലും തിരുകി കയറ്റി ഇല്ലങ്കില്‍ പിന്നെ എന്ത് അച്ഛനാ .
ഈ പ്രാവശ്യം എന്‍ എസ് എസ് തുണക്കും എന്ന് വിശ്വാസം .

Sunday, January 18, 2009

രാജാവ് നഗ്നനാണ് .

ഒരു ദോഷൈക ദൃക്കിന്റെ പുലഭ്യം പറച്ചിലായി ഇത് തോന്നാം .എങ്കിലും സാരമില്ല .
കുമാരി മായാവതിക്ക് അന്‍പതിനാല് വയസ്സായി.പിറന്നാല്‍ ആഘോഷം ഗംഭീരമായി,അല്ല അതിഗംഭീരമായി കൊണ്ടാടി .
കൊന്നും ,കൊല്ലാതെയും കോടികള്‍ 'പിറന്നാള്‍ സമ്മാനമായി ' പിരിച്ചെടുത്തു .
പാര്‍ട്ടി ഫണ്ട് എന്നോ ,തെരഞെടുപ്പ് ഫണ്ട് എന്നോ വിളിക്കാം .
മൂവായിരം കോടി രൂപ യുടെ പിറന്നാള്‍ പ്രഖ്യാപനങ്ങള്‍ .സര്‍ക്കാര്‍ ഖജനാവില്‍ നിന്നും ആണേ .മുന്‍ വര്‍ഷത്തേക്കാള്‍ മൂന്നു ഇരട്ടി ആണ് പോലും .
എന്തൊരു സോഷ്യല്‍ എഞ്ചിനീയറിംഗ് .കണ്ടു പഠിക്കണം .
ചെറിയ ഒരു സംശയം .നമ്മള്‍ ഇപ്പോഴും രാജ ഭരണ കാലത്താണോ ജീവിക്കുന്നത്.
പാവപ്പെട്ട വന്റെയും ,അശരണരുടെയും രക്ഷക എന്ന് സ്വയം വിശേഷിപ്പിക്കുന്ന ഈ മഹതി എന്തിനീ തരം താണ വേലത്തരങ്ങള്‍ കാണിക്കുന്നു .
ഈദി അമീന്‍ പണ്ടു സായിപ്പിനെ ക്കൊണ്ട് തന്നെ ചുമപ്പിച്ചത് ഓര്‍ത്തു പോകുന്നു.
തനി ആവര്‍ത്തനങ്ങള്‍ .
യഥാ രാജാ തഥാ പ്രജ .

പാപിയുടെ കുമ്പസാരം .

ബുഷിന്റെ 'പടിയിറങ്ങല്‍ പ്രസംഗം ' ഒരു നനഞ്ഞ പടക്കം' പോലെ അവഗണിക്കപെട്ടു എന്ന് തോന്നുന്നു .അമേരിക്കന്‍ ജനതയ്ക്ക് ഒരു വിഴുപ്പു ഭാണ്ഡം തലയില്‍നിന്നും ഇറക്കിവച്ച ആശ്വാസം . ഈ എട്ടു വര്‍ഷത്തെ ഭരണത്തിന്റെ ബാക്കി പത്രം എന്താണ്? എങ്ങും എത്താത്ത രണ്ട് യുദ്ധങ്ങള്‍ , പോരാത്തതിന് കടുത്ത സാമ്പത്തിക മാന്ദ്യവും . ഈ മാന്ദ്യം ചാക്രിക മാണെന്ന് ചില 'വിദഗ്ദ്ധര്‍ ' ചൂണ്ടിക്കാണിക്കുന്നുണ്ട് . അത് ശരിയല്ലെന്ന് കാണാന്‍ അത്ര വലിയ വൈദഗ്ദ്ധ്യം ആവശ്യമുണ്ടെന്നു തോന്നുന്നില്ല . അമേരിക്കയിലെതന്നെ ഇടതു പക്ഷ ബുദ്ധി ജീവികളുടെ അഭിപ്രായം ബുഷിനെയും കൂട്ടരെയും ലോക ക്രിമിനല്‍ കോടതിയില്‍ യുദ്ധ കുറ്റ വിചാരണ നടത്തണം എന്നാണ്. സംഗതി നടക്കില്ല എങ്കിലും . ഇന്ത്യയുമായി സുഹൃത്ത് ബന്ധം അരക്കിട്ട് ഉറപ്പിക്കാന്‍ കഴിഞ്ഞു എന്നത് ഒരു വലിയ നേട്ടമായി ബുഷ് കാണുന്നു .കോടികളുടെ കച്ചവടം ഉറപ്പിച്ചു എന്ന് അര്‍ഥം .ഡോളറിന്റെ കിലുക്കമാല്ലാതെ മറ്റെന്ത്‌ സൗഹൃദം. അമേരിക്കന്‍ ചരിത്രത്തില്‍ ഇത്ര അപമാനിതനായ ഒരു നേതാവ് ഉണ്ടോ എന്ന് സംശയം .വീണ്ടും ഷൂസ് ഏറു കിട്ടിയില്ലെന്കില്‍ ഭാഗ്യം . അമേരിക്കന്‍ നോക്കികളായ നമ്മുടെ നേതാക്കള്‍ക്കും ഈ ഗതി ഉണ്ടാകാതിരുന്നാല്‍ ഭാഗ്യം .നമ്മള്‍ നയങ്ങള്‍ക്ക് അല്ലല്ലോ വോട്ട് ചെയ്യുന്നത് .

Friday, January 16, 2009

പാറ്റ വളര്‍ത്തല്‍ .

വാനില കൃഷി നടത്തി നടുവൊടിഞ്ഞ മലയാളി കര്‍ഷകന് ഒരു സന്തോഷ വാര്‍ത്ത .
ഒരു പ്രത്യേക തരം പാറ്റകള്‍ക്ക് കിലോക്ക് 500 രൂപ മുതല്‍ 600രൂപ വില കിട്ടുമത്രേ .
ഹോമിയോ ഔഷധം ഉണ്ടാക്കാനാണ് .
Multi ലെവല്‍ മാര്‍ക്കറ്റിംഗ് വഴി പണമുണ്ടാക്കാന്‍ ശ്രമിച്ചു പരാജയപെട്ട ആര്‍ക്കും ശ്രമിക്കാവുന്നതാണ് .
മുതല്‍ മുടക്ക് തീരെ ഇല്ല . ലാഭമോ പതിനായിരങ്ങള്‍ .
തേനീച്ച വളര്‍ത്തല്‍ പോലെ മാന്യമായ തൊഴില്‍ .
സര്‍ക്കാരില്‍ നിന്നും സബ്സിഡി പ്രതീക്ഷിക്കാം .നമ്മുടെ ധന മന്ത്രി കേന്ദ്ര വിഹിതവും തരപെടുതും .
നമ്മുടെ മുഖ്യന്‍ , ചെറുപ്പക്കാര്‍ കൃഷി യിലേക്ക് മടങ്ങാന്‍ ആഹ്വാനം ചെയ്യുന്നു മുണ്ടല്ലോ .
നമ്മുടെ വീട്ടിലെ മാലിന്യ്യങ്ങള്‍ വീട്ടില്‍ തന്നെ ഇടുക .പാറ്റകള്‍ പെറ്റു പെരുകട്ടെ .
ചൊറികുത്തി ഇരിക്കുന്ന കൃഷി ഉദ്യോഗസ്ഥന്‍ മാര്‍ ഉപദേശവുമായി എത്താതിരിക്കില്ല .പണം കായ്ക്കുന്ന
മരമല്ലേ .
മുനിസിപ്പാലിറ്റി അധികൃതര്‍ ഖര മാലിന്യ നിര്‍മാര്‍ജനെതെ ക്കുറിച്ച് ആലോചിച്ചു ബേജാര്‍ ആവേണ്ട .
എല്ലാം ശുഭം . ജനത്തിന് മൂക്ക് പൊത്താതെ വഴിയേ നടക്കാനും പറ്റും .
ഒരു വെടിക്കു രണ്ടു മൂന്നു പക്ഷികള്‍ .

മോഡി പര്‍വ്വം ?

രംഗം, ഗുജറാത്തിലെ ആഗോള നിക്ഷേപക സംഗമം .അടുത്ത ഇന്ത്യന്‍ പ്രധാനമന്തി ആകാന്‍ ഏറ്റവും യോഗ്യന്‍ നരേന്ദ്ര മോഡി ആണെന്ന് മിത്തലും അംബാനിയും ഒരു പോലെ പ്രസ്താവിക്കുന്നു .മുന്‍ നിരയിലുള്ള സായിപ്പന്മാര്‍ കഥ അറിയാതെ ആട്ടം കാണുന്നു .നീണ്ട കരഘോഷം. അടല്‍ ബീഹാറിയെ കട്ടപ്പുറത്ത് ഇരുത്തി പുതിയ ഉടുപ്പും തൈപ്പിച്ചു ഇരിക്കുന്ന അദ്വാനി ഒന്നു ഞെട്ടിയോ എന്ന് സംശയം. അതൊക്കെ പോകെട്ടെ .ഈ പ്രസ്താവത്തിന്റെ അര്‍ദ്ധ തലങ്ങളിലേക്ക് നമുക്കൊന്ന് നോക്കാം . കോര്‍പ്പറേറ്റ് സ്ഥാ‍പനങ്ങള്‍ നമ്മുടെ ഭരണ കേന്ദ്രങ്ങളെ സ്വാധീനിച്ചു തുടങ്ങിയിട്ട് നാളുകള്‍ കുറച്ചായി.
ഇപ്പോള്‍ ആര് ഭരിക്കണം എങ്ങനെ ഭരിക്കണം എന്ന് വരെ തീരുമാനിക്കാന്‍ അവര്‍ക്കാകുന്നു .
നിശബ്ദ ഭു‌രിപക്ഷം അവരുടെ കൂരകളില്‍ വിധിയെ പഴിച്ചു ചുരുണ്ടു കൂടുന്നു .ഫാസിസം ഒരിക്കലും കുത്തകക്ക് എതിരല്ലലോ .ഈ ഫാസിസ്റ്റ് പ്രമാണിയെ കുത്തകകളുടെ പ്രിയംകരന്‍ ആക്കിയത് എന്താണ് . അമിത ലാഭം കൊയ്യാന്‍ എല്ലാ സാഹചര്യങ്ങളും ഒരുക്കി കൊടുക്കുന്നു എന്നത് തന്നെ.
ഭരണ കൂടത്തിന്റെ ഒരു ഇടപെടലിനെയും ഭയക്കേണ്ട . വിശകു‌ന്നവന്റെ വിശപ്പ്‌ മാറ്റാന്‍ കഴിയാത്ത പുരോഗതി ആണോ ഈ നാടിനാവശ്യം .

Wednesday, January 14, 2009

ഫോട്ടോ ഗാലറി

ഈയിടെ ഒരു ദിവസം രാവിലെ പത്രം തുറന്നു നോക്കിയപ്പോള്‍ ചന്കിടിച്ചു പോയി . പരിചയമുള്ള ഒരാളുടെ ഫോട്ടോ .താഴോട്ട് വായിച്ചു . സമധാനമായി . അവാര്‍ഡ് കിട്ടിയതാണ് .പ്രശസ്തി പത്രവും പതിനായിരം രൂപയും . ജീവിച്ചിരുന്നപ്പോള്‍ നാട്ടുകാരെ പൊറുതി മുട്ടിച്ച ഒരു മഹദ് വ്യക്തി യുടെ ഓര്‍മ്മയ്ക്കായി ഏര്‍പ്പെടുത്തിയ അവാര്‍ഡ് . നാട്ടില്‍ ഇപ്പോള്‍ അവാര്‍ഡ് കള്‍ക്ക് ഒരു പഞ്ഞവുമില്ല.
ഫ്രെയിം ചെയ്ത താമ്ര പത്രം കൊണ്ട് 'പാതുംമാടെ ആടിനെ ' എറിഞ്ഞു ഓടിച്ച 'ബെപൂര്‍ സുല്‍ത്താനെ ' ഓര്‍ത്തു പോകുന്നു .ക്രാന്ത ദര്‍ശി ആയ അദ്ദേഹത്തിന് പ്രണാമം .ആനെവാരിയും ,എട്ടുകാലി മമ്മു‌ഞ്ഞി മാരും കൊടികുത്തി വാഴുന്ന ഈ നാട്ടില്‍ ഇനിയും പലതും നമുക്കു കാണാം .

Tuesday, January 13, 2009

വാളെടുക്കുന്നവന്‍.............................

ഹേമവും വസന്തവും തമ്മിലടി .
സിസ്റ്റര്‍ അഭയെ എല്ലാവരും മറന്നു തുടങ്ങി .
കൊലപാതകമോ ആത്മഹത്യ യോ ?
ഇപ്പോള്‍ പ്രശ്നം ,റിട്ട് കോടതിയോ ജാമ്യ കോടതിയോ വലുത് .
പത്രക്കാര്‍ക്ക് തെറി വിളി പൂരം .
പാവം ജനം മുഖം വളിച്ചു നില്ക്കുന്നു .
നീതി എവിടെ കിട്ടും .
കഷ്ടം .
ചൊക്ലി പട്ടികള്‍ തലകുത്തി നിന്നു ചിരിക്കുന്നു .പട്ടി ചിരികുമോ?
ആവാമല്ലോ .
ഇതു കലികാലം . മനുഷ്യന്‍ ചിരിക്കാന്‍ മറന്നു .

Monday, January 12, 2009

സൈബര്‍ വിപ്ലവം .

ക ഴിഞ്ഞ പാര്‍ലമെന്റ് സമ്മളനത്തില്‍ പാസാക്കിഎടുത്ത പുതിയ സൈബര്‍ ബില്‍ ആരുടേയും ശ്രദ്ധയില്‍ പെട്ടെട്ടില്ല എന്ന് തോന്നുന്നു . ഒരു ചര്‍ച്ച പോലും ഇല്ലാതെ ആണ് ഈ നിയമം വോട്ട് നെ ഇട്ടതും പാസാക്കി എടുത്തതും .അമേരിക്ക യിലെ 'patriot' നിയമത്തെ ക്കാള്‍ കര്‍ക്കശ മായ വകുപ്പുകള്‍ ഉള്‍ക്കൊള്ളുന്ന ഈ നിയമ ത്തിന്റെ വ്യാപ്തി പലരും മനസ്സില്‍ ആക്കിയിട്ടില്ല എന്ന് വേണം കരുതാന്‍ . ഇന്‍റര്‍നെറ്റില്‍ നിങ്ങള്‍ എന്ത് ചെയ്യുന്നു എവിടെ പോകുന്നു എന്ന് എപ്പോഴും നിരീക്ഷി ക്കപെടാന്‍ പോവുകയാണ്‌. netizen എന്ന നിലയിലുള്ള നിങ്ങളുടെ അവകാശങ്ങള്‍ ഹനിക്കപ്പെടാന്‍ പോവുകയാണ് .ചുരുക്കത്തില്‍ ഒരു പോലീസ് കാരന്‍ എപ്പോഴും നിങ്ങളുടെ ചുമലിനു പുറകില്‍ മോണിറ്റര്‍ നോക്കി നില്‍കാന്‍ പോവുകയാണ്. കൊള്ളാം അല്ലെ . സര്‍ക്കാര്‍ നിരോധിച്ച അല്ലെങ്കില്‍ സര്‍ക്കാരിന് ഇഷ്ടമല്ലാത്ത പേജ് കള്‍ സന്ദര്‍ശിച്ച നിങ്ങളെ ജയിലില്‍ അടയ്ക്കാം.വിചാരണ യില്ലാതെ തന്നെ. നിങ്ങളുടെ സ്വകാര്യത നഷ്ടപ്പെടുവാന്‍ പോകുന്നു എന്ന് അര്‍ഥം .ഇതെല്ലാം ഭീകരത തടയാനാണ് എന്നാണു വിശദീകരണം .ഇനി നിങ്ങളുടെ ഓരോ ചുവടും സൂക്ഷിച്ചു വേണം .

Friday, January 9, 2009

ഒരു ചാണക്ക്യനെ ആവശ്യമുണ്ട് .

കുട്ടികള്‍ സ്കൂളില്‍ പയറ്റുന്ന,പയറ്റി ക്കൊണ്ടിരിക്കുന്ന ഒരു അടവാണ് നാമും പാകിസ്ഥാന്റെ മേല്‍ പ്രയോഗിചുകൊണ്ടിരിക്കുനത് .തങ്ങളെ സഹപാഠികള്‍ ഉപദ്രവിച്ചാല്‍ അതെ സ്കൂളില്‍ മുതിര്‍ന്ന ക്ലാസ്സില്‍ പഠിക്കുന്ന ചേട്ടനെ വിട്ടു വിരട്ടിക്കുന്ന അതേ തന്ത്രം. അമേരിക്കയെ കൂടുതല്‍ ആശ്രയിച്ചു നടത്തുന്ന ഈ നയതന്ത്ര യുദ്ധം എത്ര മാത്രം ഫലപ്രാപ്തി യില്‍ എത്തുമെന്ന് കണ്ടറിയണം .അമേരിക്ക ആത്യന്തികമായി ഒരു ആയുധ കച്ചവടക്കാരന്‍ മാത്രമാണെന്ന സത്യം നാം ഓര്‍ത്താല്‍ നന്ന് .അന്താരാഷ്ട്ര സമൂഹത്തില്‍ പാകിസ്ഥാനെ ഒറ്റപെടുതാനുള്ള തന്ത്രങ്ങളാണ് നാം ആവിഷ്കരിക്കേണ്ടത് .നമ്മുടെ നടപടികള്‍ക്ക് കുറച്ചു കൂടി സൂഷ്മതയും ശക്തിയും ഉണ്ടാവേണ്ടിയിരിക്കുന്നു .പ്രസ്താവനകള്‍കൊണ്ടു മാത്രം കാര്യം നടക്കില്ല .യുദ്ധം ഒരിക്കലും ഒരു പരിഹാരമല്ല താനും .

Wednesday, January 7, 2009

പണിക്കര് ചേട്ടനും പാവകളും

പണിക്കര് ചേട്ടനും പരിവാരവും പാവകളി തുടങ്ങിയിട്ട് കുറച്ചു നാളായി .
പാവപ്പെട്ട നായരെ കരകയറ്റി യിട്ടെ അടങ്ങു .
വാശി കൊള്ളാം .
സംവരണം ആദ്യം സ്വന്തം തട്ടകത്തിലാകെട്ടെ.
പിന്നെ രാജ്യം മുഴുവന്‍ നടപ്പാക്കാന്‍ സമരമാകാം .
പാവപ്പെട്ട നായര്‍ ഒരു കൂര വക്കാന്‍ കടം ചോദിച്ചാല്‍ അറുത്ത കൈക്ക് ഉപ്പ് തേക്കാത്ത വര്‍ഗം .
എഴുപതു ലക്ഷം നായരുടെ പ്രതിനിധി യാണ് പോലും .
ആര് പറഞ്ഞു .
അങ്ങ് മിങ്ങും കുറെ കൊഞ്ഞാണന്‍ മാര്‍ കൂടെക്കാണും .ശരി തന്നെ .
ഭൂരിഭാഗം ചക്രത്തിന് വെളിയിലാണെന്ന് ഓര്‍ത്താല്‍ കൊള്ളാം .
തെക്കോട്ടും വടക്കോട്ടും പോയാല്‍ മതി വിവരം അറിയാം .

കടലാസ് പുലി

മൂല്യ നിര്‍ണയത്തിന് അവാര്‍ഡുകള്‍ നമ്മെ സഹായിക്കില്ല എന്ന് വീണ്ടും തെളിയിക്കപ്പെടുന്നു .
പറഞ്ഞുവരുന്നത്‌ ബുക്കര്‍ സമ്മാനം നേടിയ അരവിന്ദ് അടിഗയുടെ "ദ വൈറ്റ് ടൈഗര്‍ " എന്ന കൃതിയെ പ്പറ്റി തന്നെ .
പത്രങ്ങള്‍ ആയ പത്രങ്ങളെല്ലാം വാനോളം പുകഴ്ത്തിയ ഒരു ചരിത്ര സംഭവം .
ഈ നോവല്‍ വായിച്ചപ്പോള്‍ കടുത്ത നിരാശ തോന്നി .
ഒരു പത്ര റിപ്പോര്ട്ട് നെ സാഹിത്യം എന്ന് നാം വിളിക്കാറില്ല എന്നാണ് എന്റെ പക്ഷം .
സാഹിത്യം മറ്റെന്തോ ആണ് തീര്‍ച്ച .
അപ്പോള്‍ എങ്ങിനെ ഈ നോവല്‍ അവാര്‍ഡ് നേടി ?
സായിപിന്റെ രസ മുകുളങ്ങളെ ത്രസിപ്പിക്കാന്‍ പറ്റുന്ന ചേരുവകള്‍ ഇതിലുണ്ടാവണം.
പിന്നെ ആര്‍ക്കു ബോധ്യ പ്പെടണം.
ലോകോത്തര സാഹിത്യ വുമായി പരിചയ മുള്ളവര്‍ക്ക് വെറും കടലാസ് പുലിയാണിത് .
യാത്രയില്‍ സമയം കൊല്ലാന്‍ പറ്റിയ സാധനം .


Sunday, January 4, 2009

റിയാലിറ്റി ഷോ ?

കുറച്ചു നാളായി മലയാളി പ്രേക്ഷക സമൂഹം ഒരു ഭീകരന്റെ പിടിയിലാണ് .ആരാണെന്നല്ലേ .പറയാം .മറ്റാരുമല്ല .റിയാലിറ്റി ഷോ അഥവാ ടാലെന്റ്റ് ഷോ.മലയാളത്തില്‍ ഇപ്പോള്‍ ചാനെലുകളുടെ പെരുമഴ ക്കാലം .സമസ്ത വിഷയങ്ങളെ പ്പറ്റിയും ഇപ്പോള്‍ ഷോ ധാരാളം .പാചകം മുതല്‍ പാമ്പുകളി വരെ.വേണ്ടത് തിരഞ്ഞാല്‍ മതി .നമ്മുടെ രാത്രികളുടെ scheduling തന്നെ മാറി മറിഞ്ഞു .സന്ധ്യാ നാമങ്ങളുടെ ദൈര്‍ഖ്യം
കുറഞ്ഞു.കുട്ടികള്‍ ഗൃഹ പാഠം കാലത്തേക്ക് മാറ്റി .അത്താഴം പെട്ടിക്ക് മുന്നിലായി .
അതാ ഷോ തുടങ്ങറായി .പരസ്യങ്ങളുടെ ഘോഷയാത്ര .ഇനിയും anchor എന്ന ഓമന പേരുള്ള അവതാരിക രംഗപ്രവേശനം ചെയ്യുന്നു .അറപ്പും വെറുപ്പും ഉളവാക്കുന്ന അംഗ വിക്ഷോഓഭങങളോടെ വിധി കര്‍ത്താക്കളെ പരിചയപ്പെടുത്തുന്നു .പല്ലുകൊഴിഞതും അല്ലാത്തതും ആയ മഹാന്‍മാരും മഹതികളും .പിന്നെ വേറൊരു കാര്യം ഇപ്പോള്‍ പിറന്നു വീണ കുട്ടി മുതല്‍ കുഴിയില്‍ കാലും നീട്ടി ഇരിക്കുന്നവര്‍ക്കും പങ്കെടുക്കാം .എല്ലാ വിഭാഗത്തിലും മല്‍സരം ഉണ്ട് പോലും .സമ്മാനം ഫ്ലാറ്റ് മുതല്‍ ലിമോ വരെ.ആരുടെ വായിലാണ് വെള്ളം ഉ‌രാത്തത് .
ഇനി മത്സരാര്ധി യുടെ വരവാണ് .നിറഞ്ഞ കണ്ണുകളും വിറയ്ക്കുന്ന കാലുകളും .
കമന്റ് കള്‍ ബഹുവിധം .സംഗതി വന്നില്ല , ഭാവംപോര ,ചടുലമല്ല എന്നിങ്ങനെ .
കാണികള്‍ സ്വിച്ച് ഇട്ടതു പോലെ കയ്യടിക്കുന്നു .പാവം ഫ്ലാറ്റ് മോഹി വിളറി വെളുക്കുന്നു ,തല കറങ്ങി താഴെ വീഴുന്നു .
ബാക്കി അടുത്ത ദിവസം എന്ന് മൊഞ്ചത്തി കൊഞ്ചുന്നു .
കുടുംബത്തില്‍ ചൂടു പിടിച്ച ചര്‍ച്ച രാവേറെ ചെല്ലുന്നത് വരെ .
അടുത്ത ഭാഗം കാണാന്‍ വേണ്ടി ഉറങ്ങാന്‍ കിടക്കുന്നു .
എല്ലാം ശുഭം .മലയാളിയുടെ ഒരു രാത്രി കൂടി കടന്നു പോയി .

Friday, January 2, 2009

വഴിയോര കാഴ്ചകള്‍

പുതുവല്‍സര ആഘോഷങങള്‍ കെട്ടടങ്ങി .
പടക്ക പ്പുരകള്‍ ഒഴിഞു .
ജനം വീണ്ടും തന്റെ വ്യാകുലത കളിലേക്ക് മടങ്ങി .
ഗുവഹാത്തി യില്‍ ബോംബ് പൊട്ടി മൂന്നു നാല് പാവങ്ങള്‍ മരിച്ചു .
താജ് ലും ഒബെരൊഇ ലും അല്ലെല്ലോ സമാധാനം .
ഈ പുതുവര്‍ഷവും മോശമാകാന്‍ വഴിയില്ല,sensex മൂന്നക്കം കയറി .
പാവപ്പെട്ട അച്ചന്മാരെയും കന്യസ്ട്രീകളെയും ജാമ്യത്തില്‍ വിട്ടു .
കുഞ്ഞാടുകള്‍ ലഡ്ഡു വിതരണം ചെയ്തു ,ജനം കൂവി തോല്‍പിച്ചു .
എന്‍ എസ് എസ് പാതിരിമാര്‍ സമദൂരം ഉപേക്ഷിക്കുമെന്ന് ഭീഷണി .
കനത്ത മഞ്ഞു കാരണം ജനം നേരത്തെ ഉറങ്ങി ,താമസിച്ചു ഉണര്‍ന്നു .
സ്കൂള്‍ കലോല്‍സവം ലൈവ് ആയി വീട്ടില്‍ .
ഒന്നാം തീയതി എത്ര സംഭവ ബഹുലം .


Thursday, January 1, 2009

ഒരു വിലാപം

പുതു വര്‍ഷ പുലരിയിലെ ആദ്യത്തെ കല്ലുകടി .
ചില ലിന്കുകള്‍ പിന്തുടര്‍ന്നു ഒരു ബ്ലോഗില്‍ എത്തി .
അതാ അവിടെ എം ടീ പദ്മനാഭന്മാര്‍ .
ബ്ലോഗ് വല്ല്യേട്ടെന്മാര് തമ്മില്‍ പൊരിഞ്ഞ തല്ലു നടക്കുന്നു .
ഞാന്‍ കേമനെന്ന് ഒരാള്‍ .
അല്ലെന്നു മറ്റൊരാള്‍ .
ഇതാണോ ബ്ലോഗിങ്ങ് .
ഈ എളിയവന്റെ സംശയം .
സത്യത്തില്‍ മനസ്സു മടുത്തു .
ഞാന്‍ കാംഷിച്ച സ്വാതന്ത്ര്യം എവിടെ .
നായ നടുക്കടലില്‍ ചെന്നാലും നക്കിയേ കുടിക്കു .

Blog Archive

About Me

My photo
a simple man with no pretentions.