Sunday, April 5, 2009

ഖദറില്‍ പൊതിഞ്ഞ ചതി .........

രാഷ്ട്രീയത്തില്‍ കരിയരിസ്റ്റ് എന്ന വിശേഷണം ഒരു ഭൂഷണം ആയി കരുതാത്തവര്‍ ഏറെ ഉണ്ടാവും .പക്ഷെ ഈ അടുത്ത കാലത്ത് കരിയരിസ്റ്റുകള്‍ ഇടിച്ചു കേറുന്ന കാഴ്ചകളാണ് നാം കാണുന്നത് . കോണ്ഗ്രസ് കാര്‍ വേഷം കെട്ടിയിറക്കിയ തരൂര്‍ ഒരു കരിയരിസ്റ്റ് അല്ലാതെ മറ്റെന്താണ് .
തന്റെ ഉന്നതിക്കു വേണ്ടി ആരെയും തള്ളിപ്പറയാനും ,പറഞ്ഞവ തിരിച്ചു വിഴുങ്ങാനും ഒരു മടിയും ഇല്ലാത്ത ഇവരെ നാം സൂക്ഷിക്കണം .മറ്റൊന്നുമല്ല നാളെ നമ്മളെയും തള്ളിപ്പറയില്ല എന്ന് എന്തെങ്കിലും ഉറപ്പുണ്ടോ .ഒരു മുന്‍ നയതന്ത്ര വിദഗ്ധന്‍ പറയുന്നത് തരൂരിന് എതിരെ പറയുന്നതെല്ലാം അടിസ്ഥാനരഹിതം ആണെന്നാണ്‌ .ജനങ്ങള്‍ വായിച്ചും കേട്ടും മനസ്സിലാക്കിയ കാര്യങ്ങള്‍ തന്നെയാണ് ഈ എതിര്‍ അഭിപ്രായങ്ങള്‍ക്ക് ആധാരം .ആരും പുതുതായി കണ്ടു പിടിച്ചതല്ല .
ഇന്ത്യയെ അപഹാസ്യമായ രീതിയില്‍ ചിത്രീകരിച്ച് സായിപ്പന്മാരുടെ കയ്യടി വാങ്ങാനാണ് നോവലുകളിലൂടെ അദ്ദേഹം ശ്രമിച്ചിട്ടുള്ളത് . imperialist , Zionist ചിന്താധാരകളാണ് അദ്ദേഹത്തിന്റെ ലേഖനങ്ങളുടെ മുഖമുദ്ര എന്ന കാര്യം നമുക്കു വിസ്മരിക്കാന്‍ കഴിയില്ല . വംശീയ ശുദ്ധീകരണം മുന്‍നിര്‍ത്തി എന്ത് ക്രു‌രതയും ചെയ്യാന്‍ മടിക്കാത്ത ഇസ്രായിലിനെ ന്യായികരിക്കാന്‍ ഒരു മടിയും കാണിക്കാത്ത ഈ മനുഷ്യന്‍ ആരുടെ മിത്രമാണ് .
ഒരു സ്ഥാനാര്‍ഥിയുടെ ക്രിമിനല്‍ പശ്ചാത്തലം അന്വേഷിക്കുന്ന പോലെ അയാളുടെ വിശ്വാസ പ്രമാണങ്ങളെ ക്കുറിച്ചും അന്വേഷിക്കേണ്ടതല്ലേ . എന്നാലല്ലേ അയാള്‍ ആരുടെ കൂടെയാണെന്ന് മനസ്സിലാക്കാന്‍ കഴിയു. റേഷന്‍ അരി കാണാത്തവന്‍ എങ്ങനെ റേഷന്‍ അരി കിട്ടാത്തവന്റെ ദുഃഖം മനസ്സിലാക്കും .
ഒരു സാധാരണ കോണ്‍ഗ്രെസ്സുകാരെന്റെ മഹത്വം പോലും ഇയാള്‍ക്ക് അവകാശപ്പെടാനില്ല .
തരം പോലെ വേഷം മാറി നമ്മെ പറ്റിക്കാന്‍ വരുന്ന ഈ അവതാരങ്ങളെ തിരിച്ചറിയേണ്ട കാലം ആയിരിക്കുന്നു . മിന്നുന്നതെല്ലാം പൊന്നല്ല .

3 comments:

ഗന്ധർവ്വൻ said...

tharoor thiruvananthapurath chilavakuna panam chilarayonum alla ithoke evide ninn engane vannu enonnum arum anveshikunilav tharoorinte vijayam congressinte mathram avashyam allalo?

കാസിം തങ്ങള്‍ said...

മിന്നുന്നതെല്ലാം പൊന്നല്ല.നല്ല നിരീക്ഷണങ്ങള്‍.

ullas said...

അഭിപ്രായങ്ങള്‍ക്ക് നന്ദി :ഗന്ധര്‍വന്‍ ,കാസിം തങ്ങള്‍ .

About Me

My photo
a simple man with no pretentions.