Saturday, April 4, 2009

പുണ്യാളനും മിസൈലും ?????

നമ്മള്‍ ചിലപ്പോള്‍ അറിഞ്ഞോ അറിയാതയോ ചിലര്‍ക്ക് ചില പരിവേഷം ചാര്‍ത്തി കൊടുക്കാറുണ്ട് .അങ്ങനെ കോണ്‍ഗ്രസ്സ്കാര്‍ ശ്രീമാന്‍ ആന്റണിയെ പുണ്യവാളന്‍ ആക്കി .പ്രതിസന്ധി ഘട്ടം വരുമ്പോള്‍ രാജി വയ്ക്കുക ,കൂടെ നില്‍ക്കുന്നവരെ കുരുതി കൊടുക്കുക ഇതൊക്കെയാണ് ഇദ്ദേഹത്തിന്റെ പ്രധാന അടവ് നയങ്ങള്‍ . ഒരു പ്രഭാവലയം ഉണ്ടാക്കി തടിതപ്പുക മുതലായ പൂഴിക്കടകന്‍ പ്രയോഗങ്ങള്‍ ഇദ്ദേഹത്തിനു മാത്രം സ്വന്തം .
പതിനായിരം കോടി ഉറുപ്പികയുടെ ഇസെരിലുമായുള്ള ആയുധ കരാറിനെ പ്പറ്റി ആരോപണം ഉയര്‍ന്നപ്പോള്‍ ഇദ്ദേഹം കുറച്ചു നാള്‍ മൌനം വരിച്ചു .ഒടുവില്‍ തിരുവനന്തപുരത്ത് വന്നു വാ തുറന്നു .പത്രക്കാരുടെ സംശയങ്ങള്‍ക്ക് വ്യക്തമായി മറുപടിപറയാന്‍ കഴിഞ്ഞില്ല എന്നത് സത്യം .രണ്ടു വര്‍ഷമായി ചര്‍ച്ച ചെയ്യുന്ന കരാര്‍ ആണ് ഇതു എന്നാണ് പറഞ്ഞതു . അപ്പോള്‍ ഒരു സംശയം .അങ്ങനെയെങ്കില്‍ എന്തിന് തിരഞ്ഞെടുപ്പ് പ്രഖ്യാപനത്തിന് രണ്ടു ദിവസം മുമ്പ്‌ ധൃതി പിടിച്ചു ഈ കരാറില്‍ ഒപ്പിട്ടു . അതും ആരും അറിയാതെ .അറുനൂറു കോടി ഉറുപ്പികയുടെ "ബിസിനസ്സ് ചാര്‍ജ്ജസ് " എന്താണെന്ന് ഇതു വരെ വ്യക്തമാക്കി യിട്ടില്ല . ഇടനിലക്കാരന്‍ ഉണ്ടെങ്കില്‍ കരാര്‍ ഉപേക്ഷിക്കാം എന്നാണു വകുപ്പ് എന്ന് ആന്റണി പറയുന്നു .മന്ത്രി കമല്‍ നാഥിന്റെ മരുമകന്‍ ആണ് agent എന്ന് ഡി എന്‍ എ പത്രം ആരോപിക്കുന്നു .ഇതിനൊന്നും ഉത്തരം ഇല്ല .പാകിസ്താന്‍ എന്ന ഉമ്മാക്കി കാണിച്ചു പാവം ജനങ്ങളുടെ കണ്ണില്‍ മണ്ണിടാന്‍ ശ്രമിക്കുന്നു . ഐ എ ഐ എന്ന ഇസ്രേല്‍ സ്ഥാപനം അത്ര നല്ല ട്രാക്ക് റെക്കോര്‍ഡ് ഉള്ള സ്ഥാപനം അല്ലെന്നാണ് പറയുന്നത് .ഈ അഴിമതി ആരോപണം ആദ്യം വെളിയില്‍ കൊണ്ടുവന്നത് ഡി എന്‍ എ പത്രമാണ്‌ .ഒരാഴ്ച പ്രതിരോധ മന്ത്രാലയം കുറ്റകരമായ നിശ്ശബ്ദത പാലിച്ചു .ഏതായലുമ് ഒരു മാസം കൊണ്ടു മിസൈല്‍ ടെക്നോളജി വികസിപ്പിച്ചെടുക്കാന്‍ കഴിയില്ലല്ലോ .കൊണ്ഗ്രെസ്സ്കാരെല്ലാം പ്രതിരോധത്തിലാണ് എന്നതും ശ്രദ്ധേയമാണ് .ആന്റണി ചെയ്യില്ല ,ചെയ്യില്ല എന്ന് നാഴികക്ക് നാല്‍പ്പതു വട്ടം ഒരുവിട്ടത് കൊണ്ടൊന്നും കാര്യമില്ല . ഇതിനെ പ്പറ്റി ഒരു ഇസ്രേലി പത്രം എഴുതിയതാണ് രസകരം ,ഇന്ത്യയിലെ മുസ്ലിം സംഘടനകള്‍ ഈ കരാറിനെ അട്ടിമറിക്കാന്‍ ശ്രമിക്കുന്നു എന്ന് . നമുക്കല്ലേ അവരുടെ പെടാപ്പാട് അറിയൂ . അടുത്ത ബോഫോഴ്സ് ആണോ ഇതു .ഒരു പാവം പൌരന്റെ സംശയം .

4 comments:

ശ്രീ said...
This comment has been removed by the author.
ശ്രീ said...

:)

കുഞ്ഞിക്ക said...

ആദര്‍ശത്തിന്റെ മുഖം മൂടിയണിഞ്ഞ കാപട്യക്കാരന്‍ തന്നെയാണ് ആന്റണി.ഇതുമൊരു ബോഫോഴ്സ് ആകുമോയെന്ന് സംശയിക്കേണ്ടിയിരിക്കുന്നു.

shajkumar said...

പാകിസ്താന്‍ എന്ന ഉമ്മാക്കി കാണിച്ചു പാവം ജനങ്ങളുടെ കണ്ണില്‍ മണ്ണിടാന്‍ ശ്രമിക്കുന്നു

About Me

My photo
a simple man with no pretentions.