മാത്യു ടി യെ എന്തിന് ബലി കൊടുത്തു !!!!!

മന്ത്രിസഭയിലെ ഏറ്റവും നല്ല മന്ത്രി ആയിരുന്ന മാത്യു ടി യെ രാജിവെപ്പിച്ചു ജനതാദള്‍ എന്ത് നേടാന്‍ പോകുന്നു എന്ന് മനസ്സിലാകുന്നില്ല .ദളിലെ ചില എം എല്‍ എ മാര്‍ക്ക് ഈ സ്ഥാനം കിട്ടാന്‍ പണ്ടേ മോഹമുണ്ടായിരുന്നു എന്ന കാര്യം പരസ്യമായ രഹസ്യം ആയിരിന്നു .അവസരം കിട്ടിയപ്പോള്‍ പാര വച്ചു അത്ര മാത്രം .അല്ലാതെ ഇതിനു വേറെ പരിവേഷം ഒന്നും നല്‍കേണ്ടകാര്യമില്ല . സ്വന്തം നാടായ വയനാട് നിന്നു മല്‍സരിക്കാന്‍ വീരന് എന്താണിത്ര പേടി . ഉറപ്പുള്ള സീറ്റിലെ അദ്ദേഹം മത്സരിക്കു എന്ന് തോന്നുന്നു .
ബസ്സ് ചാര്‍ജ് കുറക്കാന്‍ സന്നദ്ധത കാണിക്കയും അത് നടപ്പിലാക്കുകയും ചെയ്ത മന്ത്രി എന്ന നിലയില്‍ അദ്ദേഹം അഭിനന്ദനം അര്‍ഹിക്കുന്നു .മന്ത്രി ആയിട്ടും എം എല്‍ എ എന്ന നിലയിലുള്ള തന്‍റെ കടമകള്‍ നിര്‍വഹിക്കാന്‍ അദ്ദേഹം പ്രത്യേകം ശ്രദ്ധിച്ചിരുന്നു . മണ്ഡലത്തില്‍ അദ്ദേഹം ഒരു സജീവ സാന്നിധ്യം ആയിരുന്നു .നേരിട്ടു അറിവുള്ള കാര്യമായതിനാലാണ് ഇതു പറയുന്നതു .ഒരു മാതൃകാ ജനപ്രതിനിധി എങ്ങനെ ആയിരിക്കണം എന്ന് കാണിച്ചു തരികയും ചെയ്തു .
കേരളത്തിന് ഒരു നല്ല മന്ത്രിയെ നഷ്ടപ്പെട്ടു എന്ന ഖേദം അടക്കാന്‍ കഴിയുന്നില്ല .