പൂരം കാണാന്‍ പോയവര്‍ ?

പാര്‍ലമെന്റിന്റെ അകത്തളങ്ങളില്‍ മുഴങ്ങിക്കേട്ട ശബ്ദങ്ങളുടെ സ്ഥിതിവിവര ക്കണക്കുകള്‍ പ്രസിദ്ധപ്പെടുത്തിയിരിക്കുന്നു .കോടിക്കണക്കിനു രൂപ ചെലവാക്കി ഇവരെ അങ്ങോട്ടേക്ക് കെട്ടിയെടുത്തത് എന്തിനെന്ന് ആരും ചോദിച്ചു പോകും .അവിടെ എന്തെങ്കിലും പറയാന്‍ വാപൊളിച്ചത് നൂറില്‍ താഴെ ആളുകള്‍ മാത്രം . ശമ്പളവും ദിനബത്തയും ആയി ലക്ഷക്കണക്കിന് രൂപ മാസവും കൈപ്പറ്റുന്ന ഇവര്‍ എന്തിനു അവിടെ ഇരുന്നു ഉറങ്ങുന്നു . സോണിയാജി വാ പൊളിച്ചത് മൂന്നേ മൂന്നു പ്രാവശ്യം മാത്രം .പലപ്പോഴും ഉറക്കം വരാതിരിക്കാന്‍ പാട്പെടുന്ന പോലെ തോന്നി .യുവ രാജാവ് രാഹുല്‍ ഗാന്ധിയും തഥൈവ .കൂടുതല്‍ പറഞ്ഞു മണ്ടത്തരം എഴുന്നള്ളിക്കണ്ട എന്ന് വിചാരിച്ചു ആയിരിക്കാം . ചില കിഴവന്‍ സിനിമാ താരങ്ങള്‍ കമാന്നൊരു അക്ഷരം മിണ്ടിയിട്ടില്ല . ഇവരൊക്കെ എന്തിനാണാവോ അവിടെ വരുന്നത് .
ഇടതു പക്ഷ എം പി മാരുടെ പ്രകടനമാണ് ഭേദം എന്നും റിപ്പോര്‍ട്ട് ഉണ്ട് .കിട്ടിയ അവസരം ശരിക്കും വിനിയോഗിച്ചതായി കാണുന്നു .
കേരളത്തില്‍ നിന്നും പി സി തോമസ് തന്നെ മുന്നില്‍ .അമിതാവേശം കാരണം പലപ്പോഴും സഭക്ക് പുറത്തു പോകേണ്ടി വന്നിട്ടുന്ടെന്കിലും . മുഴുവന്‍ മാര്‍ക്കും അര്‍ഹിക്കുന്നു . കേരളത്തില്‍ നിന്നും ഉള്ള മറ്റുള്ളവരും അത്ര മോശമായിരുന്നില്ല .
ഇതാണ് നമ്മുടെ പാരലമെന്ടരി ജനാധിപത്യം .നമ്മള്‍ ഊററം കൊള്ളുന്ന ജനാധിപത്യം . കഷ്ടം .